2 Фессалоникаын оліссезлӧ 2:8 - Бур Юӧр 2019

⁸ Сэк вӧлись оссяс Ен Туйдӧт вылӧ лэбтісисьыс. Но Кристос Исусыс локтікас пӧльыштӧмнас вияс сійӧ, югьялӧмнас паздас.

2 Фессалоникаын оліссезлӧ 2:8 Mawu Ofanana

Матвей 13:19

Морт кывзӧ Енлӧн Юралӧм йылісь Кывсӧ, да оз вежӧрт. Сы дынӧ локтӧ куль да сы сьӧлӧмись кӧдзӧмсӧ гусялӧ. Этӧ мыччалӧ туй дорӧ усьӧм кӧдзысыс.

Матвей 13:38

Кӧдзӧм муыс ─ быдӧс отирыс. Бур кӧдзысыс ─ Енлӧн отир, ёгтуруныс ─ кульлӧн йӧзыс.

Матвей 16:27

Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.

Матвей 16:28

Быльсӧ висьтала тіянлӧ: эстӧн сулаліссез коласын эмӧсь нія, кӧдна кувтӧдззаныс адззыласӧ Юралісьӧн локтӧм Морт Зонсӧ».

1 Коринфын оліссезлӧ 1:28

Эз бӧрйы вылына пуктӧммесӧ, кӧднӧ быдыс тӧдӧ. Бӧрйис абутӧм туйӧ пуктӧммесӧ, медбы лэдзны лэбтӧммесӧ.

2 Фессалоникаын оліссезлӧ 2:3

Ась некин тіянӧс немӧн оз ылӧт. Кристослӧн локтан Лунӧдз отирыс ылаласӧ, бергӧтчасӧ Еныс дынісь, и локтас умӧль керӧмнас тырӧм морт, кулӧмас мунісь.

1 Тимофейлӧ 6:14

Дӧсвидзись Кристос Исусным локтытӧдз быдӧс кер менам велӧтӧм сьӧрті сӧстӧма да бура.

2 Тимофейлӧ 1:10

Ӧні сія бурсетӧмыс вӧлі мыччалӧм миян Мездӧтісь Кристос Исуслӧн локтӧмӧн. Сія разис кулӧмсӧ, вайис миянлӧ олансӧ да пырсясӧ, кӧднӧ пондім тӧдны Бур Юӧрсис.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

2 Тимофейлӧ 4:8

Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

Еврейезлӧ 10:27

Сэтшӧммеслӧ кольччӧ видзчисьны усьтӧдз повзьӧтана судсӧ да ыпьялана лёк бисӧ. Сія лӧсьӧтчӧм ни ньылыштны Еныс вылӧ лэбтісиссесӧ.

1 Иоан 2:13

Гижа тіянлӧ, айез. Тійӧ пондіт тӧдны Сійӧ, Кӧда одззасянь вӧлі ни. Гижа тіянлӧ, том зоннэз. Тійӧ вермитӧ умӧльсӧ. Гижа тіянлӧ, челядь. Тійӧ пондіт тӧдны Айнытӧ.

1 Иоан 3:12

Эд лоӧ Каиныс кодьӧсь. Сія эд вӧлӧм умӧльыссянь да вийӧм вонсӧ. Мый понда нӧ вийӧм? Воныс сылӧн керӧм бурӧ, Каиныс умӧльӧ.

1 Иоан 5:18

Мийӧ тӧдамӧ: Енсянь шогмӧмыс оз кер умӧльсӧ. Енсянь шогмӧмыс асьсӧ видзӧ умӧльсис, и ылӧтлісьыс сійӧ оз вӧрзьӧт.

Осьтӧм 1:16

Веськыт киас Сія видзис сизим кӧдзув. Сы ӧмись петӧ вӧлі ӧтмӧдӧрсянь лэчыт шыпурт. Сылӧн чужӧмыс югьяліс луншӧрся шонді моз.

Осьтӧм 13:5

Вӧрпаыслӧ позис вышитчӧмӧн висьтавлыны Енсӧ умӧльтан кыввез. Юралӧмыс сылӧ вӧлі сетӧм нёльдас кык тӧлісь кежӧ.

Осьтӧм 19:15

Вӧлыс вылын Пукалісьыс ӧмись петӧ лэчыт шыпурт, медбы сійӧн пӧрӧтны отирсӧ. Сія пондас веськӧтлыны ныӧн кӧрт бедьӧн. Виноград пичканінас Сія пичкӧ Дӧсвермись Енлісь лӧгся-лӧг винасӧ.

Осьтӧм 2:16

Сія велӧтӧмись бергӧтчы Меланьӧ! Он кӧ бергӧтчы, Ме чожа локта тэ дынӧ да тышкася ныкӧт ӧмсим петан шыпуртӧн.

Осьтӧм 20:10

А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.