2 Фессалоникаын оліссезлӧ 1:8 - Бур Юӧр 2019

⁸ Сія локтас ыпьялан биын да вештісяс Енсӧ тӧдтӧм отирлӧ, кӧдна эзӧ пондӧ кывзыны миян Дӧсвидзись Кристос Исуслісь Бур Юӧрсӧ.

2 Фессалоникаын оліссезлӧ 1:8 Mawu Ofanana

Матвей 25:41

Сэсся шульгаланьын сулаліссеслӧ Сія шуас: "Мунӧ Ме дынісь, ёрдӧммез. Мунӧ куслытӧм биӧ, кульлӧ да сы ангеллэзлӧ ӧзтӧм биӧ.

Матвей 25:46

Нія мунасӧ пырся сьӧкыта мучитчӧмӧ, а Ен сьӧрті веськыта оліссес ─ пырся оланӧ».

Иоан 3:19

Енлӧн судыс то мый понда: му вылас локтіс югытыс, отирыс тай асланыс лёк керӧммезныс кузя ӧддьӧнжык радейтісӧ пемытсӧ.

Иоан 8:19

Сэк Исусыслісь юалісӧ: «Кытӧн Тэнат Айыт?» Исусыс висьталіс: «Тійӧ одӧ тӧдӧ Менӧ, одӧ тӧдӧ Менчим Айӧс. Тӧдіт кӧбы Менӧ, сэк тӧдіт бы и Менчим Айӧс».

Ап. керӧммез 6:7

Енлӧн Кылыс паськаліс. Ерусалимас лоис унася-уна велӧтчись. Нельки вежауджаліссес коласісь унаӧн пондісӧ веритны Кристосыслӧ.

Римын оліссезлӧ 1:28

Нія эзӧ тӧждісьӧ видзны Енсӧ юраныс. Сійӧн Еныс колис нійӧ керны ковтӧмсӧ тшыксьӧм вежӧрнаныс.

Римын оліссезлӧ 1:5

Кристос пыр Еныс сетіс миянлӧ бурсетӧмсӧ да апостоллісь уджсӧ: мийӧ Кристос нимӧн быд кыв вылын баитісь йӧзсӧ вайӧтам веритӧмӧдз да Енсӧ кывзісьӧмӧдз.

Римын оліссезлӧ 10:16

Эзӧ кывзісьӧ быдӧнныс Бур Юӧрсӧ. Исайыс эд сідз висьтавлӧм: «Дӧсвидзисьӧ! Миян висьтасьӧмӧ кин веритіс?»

Римын оліссезлӧ 15:18

Ог лысьт висьтавны мӧдік йылісь. Висьтася дзир Кристослісь ме пыр керӧмсӧ. Ассис вынсӧ Сія мыччаліс баитӧмӧ да керӧммезӧ коста, кӧр ентӧдтӧм отирсӧ вайӧтлі веритӧмӧдз да Енсӧ кывзісьӧмӧдз.

Римын оліссезлӧ 6:16

Одӧ я тӧдӧ: кинлӧ асьнытӧ сетіт, тійӧ нылӧн раббез, нійӧ и кывзісят. Умӧль керӧмыс видзӧ кӧ тіянӧс аслас кӧртӧттэзын, то мунат кувны. Енсӧ кӧ кывзісят, лоат Сы сьӧрті веськыта оліссезӧн.

1 Коринфын оліссезлӧ 15:34

Вежӧрсялӧ, кыдз колӧ. Эд керӧ умӧльсӧ. Тіянлӧ висьтала, медбы гӧрдӧтіт: тіян коласісь мукӧдыс Енсӧ озӧ тӧдӧ.

2 Коринфын оліссезлӧ 10:5

да быдӧс сійӧ, мый лэбтісьӧ паныт Енсӧ тӧдӧмыслӧ. Юрӧ быдпӧлӧс пыртӧммесӧ мийӧ домалам, медбы кывзісьны Кристоссӧ.

Галатияын оліссезлӧ 3:1

Галатияись отир, ылӧстӧммез! Кин тіянӧс ылӧтіс, медбы эдӧ кывзісьӧ быльсӧ? Кристос Исусыс йылісь висьтасьӧмӧ коста тійӧ кывзіт сідз, жыв Сія тіян син одзын вӧлі дорӧм крест вылас.

Галатияын оліссезлӧ 4:8

Одзжык, Енсӧ тӧдтӧдз, тійӧ вӧліт быдкодь еннэзлӧн раббез. Веськыта кӧ висьтавны, нія абу еннэз.

1 Фессалоникаын оліссезлӧ 4:5

Эд керӧ вывтырныт ӧзйӧтчӧм-кыскӧм сьӧрті Енсӧ тӧдтӧммез моз.

Еврейезлӧ 10:27

Сэтшӧммеслӧ кольччӧ видзчисьны усьтӧдз повзьӧтана судсӧ да ыпьялана лёк бисӧ. Сія лӧсьӧтчӧм ни ньылыштны Еныс вылӧ лэбтісиссесӧ.

Еврейезлӧ 10:30

Мийӧ тӧдам этадз Висьталісьсӧ: ─ Ме ─ Вештісисьыс. Ме вешта. Висьталӧм и сідз: ─ Еныс пондас суд вылын бӧрйисьны Аслас отиркӧт.

Еврейезлӧ 11:8

Веритӧмӧн Авраам кывзісьӧм Енсӧ да мунӧм сія муӧ, кӧдӧ Еныс сылӧ вӧлі кӧсйӧм. Сія абу тӧдӧм, кытчӧ мунӧ, но мунӧм.

Еврейезлӧ 12:29

Миян Енным эд быдӧс сотан би.

Еврейезлӧ 2:3

Кыдз сэк мийӧ пышшам, абутӧм туйӧ кӧ пуктам эттшӧм вына мезмӧмсӧ? Сія мезмӧм йылісь медодз висьтасис Дӧсвидзисьыс. Сысянь кыліссес сыбӧрын висьтасисӧ миянлӧ да вынсьӧтісӧ: висьтасьӧмыс ─ быль.

Еврейезлӧ 5:9

Енлӧн лӧсьӧтӧм сьӧрті быдӧс керӧм бӧрын Сія лоис Мездӧтісьӧн. Кристоссӧ кывзісь мортыс мезмас пыр кежӧ.

1 Петра 1:2

Ен Айным тіянӧс одззасянь ни вӧлі бӧрйӧм. Аслас Лолӧн Сія тіянӧс керис вежа отирӧн, медбы тійӧ кывзісит Кристос Исуссӧ да Сы Вирӧн сӧстӧммит. Еныслӧн бурсетӧмыс да лӧнь оланыс тіян ась содасӧ!

1 Петра 3:6

Сідз Сарраыс кывзісьӧм Авраамсӧ. Сійӧ шувлӧм: «Менам кӧзяинӧ». Тійӧ Сарралӧн ныввес, керат кӧ бурсӧ да немись одӧ полӧ.

1 Петра 4:17

Судыслӧн кадыс сибаліс. Еныс медодз пондас бӧрйисьны Аслас отиркӧт. Миянсянь кӧ пондӧтчас, мый сэк видзчисьны нылӧ, кӧдна озӧ кывзӧ Еныслісь Бур Юӧрсӧ?

2 Петра 3:7

А ӧнняся енӧжыс да муыс видзсьӧны сія жӧ Кылӧн. Еныс нійӧ видзӧ, медбы сотны биын Суд Лунӧ. Сія лунӧ Ентӧг оліссесӧ изводаласӧ.

Иуда 1:7

Тійӧ тӧдатӧ и Содомын, Гоморраын да ны гӧгӧр каррезын оліссез йылісь. Кывзісьтӧм ангеллэс моз нія олӧмась лэдзчисьӧмӧн: мужиккез мужиккезкӧт кыскасьӧмась. Эта понда нійӧ сотӧмась куслытӧм биӧн. Ны йылісь гижӧмыс миянӧс велӧтӧ.

Осьтӧм 20:10

А отирсӧ ылӧтлісь кульсӧ шупкасӧ биӧн сотчан истӧгись тыӧ. Сэтчӧ вӧлі шупкӧмась ни вӧрпасӧ да бӧбӧтчись юӧртісьсӧ. Сэтӧн нійӧ пондасӧ маитны ой и лун, пырся-пыр.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».

Осьтӧм 6:10

Нія горӧтлісӧ: «Вежа да былись Юралісь! Мыля ӧнӧдз он мыжйы му вылісь оліссесӧ? Кӧр пондан вештісьны миян кисьтӧм вир понда?»