2 Фессалоникаын оліссезлӧ 1:7 - Бур Юӧр 2019

⁷ А тіянлӧ да миянлӧ, ӧні пессись-мырсиссеслӧ, Еныс сетас шоччӧтсӧ. Сія лоас, кӧр Дӧсвидзись Исусыс Аслас вына ангеллэзкӧт локтас енӧжсянь.

2 Фессалоникаын оліссезлӧ 1:7 Mawu Ofanana

Матвей 16:27

Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.

Матвей 16:28

Быльсӧ висьтала тіянлӧ: эстӧн сулаліссез коласын эмӧсь нія, кӧдна кувтӧдззаныс адззыласӧ Юралісьӧн локтӧм Морт Зонсӧ».

Матвей 25:31

«Морт Зон Аслас югьялӧмӧн локтас вежа ангеллэскӧт. Сія пуксяс юралісьӧн Аслас югьялана пукӧс вылӧ.

Матвей 25:41

Сэсся шульгаланьын сулаліссеслӧ Сія шуас: "Мунӧ Ме дынісь, ёрдӧммез. Мунӧ куслытӧм биӧ, кульлӧ да сы ангеллэзлӧ ӧзтӧм биӧ.

Матвей 26:64

Исусыс Сылӧ горӧтчис: «Тэ висьталін. Унажык висьтала: ӧнісянь тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Марк 14:62

Исусыс висьталіс: «Ме. Тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Марк 8:38

Ӧння кадӧ олӧны умӧльсӧ керись, лэдзчисьӧм отир. Ны одзын кинлӧ тӧдны Менӧ да Менчим кыввезӧс рожа кулян, и сійӧ мортсӧ тӧдны Морт Зонлӧ лоас рожа кулян, кӧр локтас Айыс югьялӧмӧн вежа ангеллэзкӧт».

Лука 16:25

Авраамыс сылӧ шуис: "Зонӧй, уськӧт тӧдвылат: тэ эд олікат босьтін ни ассит буртӧ. Лазарыслӧ дӧнзис умӧльыс. Ӧні сія эстӧн сьӧлӧмсӧ бурмӧтӧ, а тэ маитчан.

Лука 17:30

Сідз лоас Морт Зонлӧн локтан лунӧ.

Иоан 1:3

Быдӧс, мый эм, керӧм Сы пыр. Сытӧг нем эз вӧв керӧм.

Иоан 1:51

Сэтчӧ содтіс: «Тіянлӧ быльсӧ веськыта висьтала: ӧнісянь пондат адззыны осьта енӧжсӧ да Енлісь ангеллэсӧ, кӧдна лэдзчӧны Морт Зон дынӧ да кайӧны енӧжас».

Ап. керӧммез 1:11

Нія висьталісӧ: «Галилеяись отир! Мый сулалат да видзӧтат енӧжас? Тійӧ асьныт адззыліт Исусыслісь енӧжӧ лэбтісьӧмсӧ. Сія бӧр локтас сідз жӧ».

Ап. керӧммез 3:19

Сідзкӧ, бергӧтчӧ умӧль керӧммезныт дынісь Енлань, медбы Сія лэдзис тіянлісь умӧль керӧммезнытӧ!

Римын оліссезлӧ 8:17

Сылӧн челядь кӧ, сэк и мийӧ Кристосыс моз Еныс увтырись. И мийӧ сэк ӧтвылісь Кристосыскӧт босьтам Сылісь кӧсйӧмсӧ. Кристоскӧт ӧтлаын кӧ пессям-мырсям, сэк югьяланінас Сыкӧт ӧтлаын лоам.

1 Коринфын оліссезлӧ 3:13

Быдӧнныслӧн уджыс пондас тыдавны сэсся. Мыччалас биӧн локтан Луныс. Биыс быдӧнныслісь уджсӧ тӧдмалас-видзӧтас да осьтас, кыдз сія вӧлі керӧм.

2 Коринфын оліссезлӧ 4:17

Мийӧ ӧні мымдакӧ пессям-мырсям. Пессьӧм-мырсьӧмным абу сьӧкыт, а вайӧ миянлӧ лыдтӧм пырся ошкӧм-югьялӧм.

Ефесын оліссезлӧ 1:2

Бурсетӧм да лӧнь олан тіянлӧ Ен Айнымсянь да Дӧсвидзись Кристос Исуссянь!

Колосын оліссезлӧ 1:16

Енӧжисьыс да му вылісьыс, тыдаланаыс да тыдавтӧмыс ─ быдӧс вӧлі аркмӧтӧм Сы пыр. Вылынжыка пукаліссес да юраліссес, веськӧтліссес да выннэс ─ быдӧс вӧлі аркмӧтӧм Сы пыр да Сы понда.

1 Фессалоникаын оліссезлӧ 3:13

Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

2 Тимофейлӧ 2:12

Пессям-мырсям кӧ, Сыкӧт юравны пондам. Суськисям кӧ Сійӧ тӧдӧмись, Сія суськисяс миянісь.

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

Еврейезлӧ 10:27

Сэтшӧммеслӧ кольччӧ видзчисьны усьтӧдз повзьӧтана судсӧ да ыпьялана лёк бисӧ. Сія лӧсьӧтчӧм ни ньылыштны Еныс вылӧ лэбтісиссесӧ.

Еврейезлӧ 12:29

Миян Енным эд быдӧс сотан би.

Еврейезлӧ 4:1

Еныс кӧсйӧм сьӧрті Сы шоччисянінӧ пырны кытчӧдз позьӧ. Сідзкӧ, пондам повны, медбы некин тіян коласісь эз сёрмы пырны Сылӧн шоччисянінӧ.

Еврейезлӧ 4:11

Вынсьӧтчам пырны Сы шоччисянінӧ. Кывзісьтӧм отир моз ась некин оз кольччы шоччисянінас пыртӧг.

Еврейезлӧ 4:9

Сійӧн Енлӧн отирыс пырасӧ шоччисянінас бӧрынжык.

Еврейезлӧ 9:28

Сідз коліс керны и Кристосыслӧ: ӧтпыр сетны Асьсӧ езъялан козинӧн да уна отирлісь умӧль керӧммесӧ босьтны Ас вылас. Мӧдпырись Сія оз лок сӧстӧмтны отирсӧ умӧль керӧммезісь. Сія локтас мездыны Сійӧ видзчисиссесӧ.

1 Петра 3:22

Кристосыс лэбтісис енӧжас да Еныскӧт пуксис веськыт ладорас. Сійӧ кывзісьӧны ангеллэс, енӧжсис юраліссес да выннэс.

2 Петра 3:7

А ӧнняся енӧжыс да муыс видзсьӧны сія жӧ Кылӧн. Еныс нійӧ видзӧ, медбы сотны биын Суд Лунӧ. Сія лунӧ Ентӧг оліссесӧ изводаласӧ.

Иуда 1:7

Тійӧ тӧдатӧ и Содомын, Гоморраын да ны гӧгӧр каррезын оліссез йылісь. Кывзісьтӧм ангеллэс моз нія олӧмась лэдзчисьӧмӧн: мужиккез мужиккезкӧт кыскасьӧмась. Эта понда нійӧ сотӧмась куслытӧм биӧн. Ны йылісь гижӧмыс миянӧс велӧтӧ.

Осьтӧм 1:7

─ То, Сія локтӧ кымӧррез вылын, быдыс казялас Сійӧ аслас синнэзӧн. Казяласӧ и Сійӧ бытшкиссес. Му вывсис быдӧс увтыррес Сы одзын бӧрдны-горзыны пондасӧ. Сідз быдӧс и лоас! Аминь.

Осьтӧм 14:10

сія пондас юны Еныс лӧгись керӧм сорлавтӧм вина. Сія пондас юны Ен лӧгӧн тырӧм дозісь. Вежа ангеллэс да Дзельыс одзын пондасӧ сійӧ маитны биын да сотчан истӧгын.

Осьтӧм 14:13

Сэк ме кылі шы, кӧда висьталіс меным енӧжсянь: «Гиж: Шудаӧсь нія, кӧдна ӧнісянь кулӧны Дӧсвидзисьлӧ веритӧмӧн. "Сідз эд", шуӧ Лов. "Ӧні нія шоччисясӧ асланыс уджжезісь. Нылӧн керӧмныс локтӧ ны бӧрсянь"».

Осьтӧм 20:11

Сэсся ме казялі ыджыт чочком юралан пукӧс да сы вылын Пукалісьсӧ. Муыс да енӧжыс Сы син одзись пышшисӧ и некытчӧ нылӧ вӧлі воштісьны.

Осьтӧм 21:4

Сія чышкас ны синнэзісь быд синва вотьсӧ. Сэсся озӧ ни пондӧ кувны, озӧ ни пондӧ горзыны, герьясьны, озӧ пондӧ шогавны. Одззаыс быдӧс чулаліс.

Осьтӧм 22:16

«Ме ─ Исус, ысті Ассим ангелӧс висьтасьны этӧ тіянлӧ вичкуэзас. Ме ─ Давид чужан вужись да увтырись, Ме ─ югыт асывся кӧдзув».

Осьтӧм 22:6

Ангелыс меным висьталіс: «Этна кыввес былись веськыта висьталӧмӧсь. Вежа юӧртіссеслӧн Дӧсвидзись Еныс иньдіс Ассис ангелсӧ мыччавны Аслас раббезлӧ, мый чожа лоас».

Осьтӧм 22:9

Сія тай шуис меным: «Эн кер сідз. Ме тіян кодь Енлӧ кысъялісь: тэ кодь, Енсянь юӧртісь воннэт кодь, да ны кодь, кӧдна олӧны эта небӧгын гижӧм сьӧрті. Еныслӧ копыртчы».

Осьтӧм 6:11

Сэк нылӧ быдӧнныслӧ сетісӧ чочком паськӧм. Нійӧ тшӧктісӧ невна видзчисьыштны. Ась пӧ тырӧ лыдыс ны моз вийӧммезнас. Лыдсӧ содтасӧ воннэзныс да ны моз уджаліссес.