2 Фессалоникаын оліссезлӧ 1:10 - Бур Юӧр 2019

¹⁰ Эта лоас Дӧсвидзисьлӧн локтан Лунӧ. Сэк Сылӧн быдӧс вежа отирыс пондасӧ ошкыны Сійӧ. Веритіссес быдӧнныс пондасӧ дивуйтчыны Сы одзын. И тійӧ лоат ны коласын, тійӧ эд веритіт миян висьтасьӧмӧ.

2 Фессалоникаын оліссезлӧ 1:10 Mawu Ofanana

Матвей 16:27

Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.

Матвей 16:28

Быльсӧ висьтала тіянлӧ: эстӧн сулаліссез коласын эмӧсь нія, кӧдна кувтӧдззаныс адззыласӧ Юралісьӧн локтӧм Морт Зонсӧ».

Матвей 24:36

«Этӧ лунсӧ да кадсӧ некин оз тӧд. Озӧ тӧдӧ енӧжын ангеллэс, оз тӧд Зоныс, тӧдӧ ӧтнас Айыс.

Матвей 25:31

«Морт Зон Аслас югьялӧмӧн локтас вежа ангеллэскӧт. Сія пуксяс юралісьӧн Аслас югьялана пукӧс вылӧ.

Матвей 7:22

Сія лунӧ Меным унаӧн шуасӧ: "Дӧсвидзись! Дӧсвидзись! Эгӧ я мийӧ Тэнат нимсянь юӧртӧ? Эгӧ я Тэнат нимӧн вашӧтӧ сэрпӧсь ловвесӧ? Эгӧ я Тэнат нимӧн адззывлытӧммесӧ керӧ?"

Лука 10:12

Тіянлӧ баита: Содомыслӧ Суд Лунас лоас буржык сія карся, кӧдаӧ тіянӧс эзӧ лэдзӧ».

Иоан 11:4

Сійӧ кылӧм бӧрын Исус шуис: «Сія шогӧтыс оз вайӧт кулӧмӧдз. Сія Енлӧ ваяс ошкӧмсӧ, медбы сы понда пондісӧ ошкыны и Енлісь Зонсӧ».

Иоан 17:10

Быдӧс, мый Менам эм, сія Тэнат. Быдӧс, мый Тэнат, сія Менам. Нія ваясӧ Меным ошкӧмсӧ.

1 Коринфын оліссезлӧ 1:6

Кристос йылісь висьталӧмыс поздісьӧм ни тіян сьӧлӧммезын.

1 Коринфын оліссезлӧ 3:13

Быдӧнныслӧн уджыс пондас тыдавны сэсся. Мыччалас биӧн локтан Луныс. Биыс быдӧнныслісь уджсӧ тӧдмалас-видзӧтас да осьтас, кыдз сія вӧлі керӧм.

Галатияын оліссезлӧ 1:24

Нія ме понда ошкӧмась Енсӧ.

Ефесын оліссезлӧ 1:12

Еныс бӧрйӧм миянӧс, кӧдна медодз пондім надейтчыны Кристос вылӧ. Мийӧ бӧрйӧмӧсь, медбы олӧмным понда отирыс ошкисӧ Енлісь югьялан вынсӧ.

Ефесын оліссезлӧ 1:14

Вежа Лолыс висьталӧ: Еныслісь кӧсйӧм пайсӧ миянлӧ сетасӧ. Сійӧ сетасӧ, кӧр Еныс Ассис отирсӧ быдсӧн мездас. Дак ошкам Енлісь югьялан вынсӧ!

Ефесын оліссезлӧ 1:18

Сія ась югдӧтас тіянлісь сьӧлӧммезнытӧ, медбы вежӧртны, мый вылӧ тійӧ надейтчат. Сія надейтчӧмӧ Еныс тіянӧс и корис. Тіянлӧ колӧ вежӧртны, кытшӧм ыджыт да югьялан пай Сія лӧсьӧтӧм вежа отирлӧ

Ефесын оліссезлӧ 1:6

Аслас дона Зон пыр Сія козьналіс миянлӧ бурсетӧмсӧ. Дак ошкам Сійӧ ыджытся-ыджыт бурсетӧм понда!

Ефесын оліссезлӧ 2:7

Локтан каддэзас Еныс лӧсьӧтчӧм Кристос отсӧтӧн мыччавны миянлӧ Ассис унася-уна бурсетӧмсӧ да радейтӧмсӧ.

Ефесын оліссезлӧ 3:10

Ӧні енӧжсис юраліссес да веськӧтліссес Вичкуыс пыр ась пондӧны тӧдны Еныслісь быдпӧлӧс мывкыдсӧ.

Ефесын оліссезлӧ 3:16

Сія Аслас Лолӧн ась вынсьӧтас тіянӧс пытшксяняныт. Сылӧн югьялан выныс эд ыджытся-ыджыт.

1 Фессалоникаын оліссезлӧ 1:5

Тіян дынын миян Бур Юӧрсӧ висьтасьӧмным эз вӧв дзир ӧтік кыввезӧн. Мийӧ висьтасим ёна веритӧмӧн да Вежа Лов вынӧн. Тійӧ эд асьныт тӧдат, кытшӧмӧсь мийӧ вӧлімӧ тіянлӧ отсасьӧмным коста да тіянкӧт овтӧн.

1 Фессалоникаын оліссезлӧ 2:1

Воннэзӧ, асьныт тӧдатӧ: тіян дынӧ вовлӧмным эз вӧв весись.

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

1 Фессалоникаын оліссезлӧ 2:13

Енлісь Кывсӧ тійӧ кыліт миянсянь. Сійӧ Кывсӧ тійӧ эдӧ босьтӧ кыдз мортлісь, босьтіт кыдз Енлісь Кывсӧ. Сія и былись Енлӧн Кыв, кӧда керӧ ассис уджсӧ тіян сьӧлӧммезын, веритісь отирын. Эта понда мийӧ дугдывтӧг буркывтам Енсӧ.

2 Фессалоникаын оліссезлӧ 1:12

Сэк тіян пыр локтас ошкӧмыс миян Дӧсвидзись Кристос Исус нимлӧ, а тіянлӧ ─ Сы пыр, миян Енлӧн да Дӧсвидзись Кристос Исуслӧн бурсетӧмсянь.

2 Фессалоникаын оліссезлӧ 2:13

Воннэзӧ, миянлӧ пыр колӧ буркывтны Енсӧ тіян понда. Дӧсвидзисьыслӧ тійӧ ӧддьӧн донаӧсь. Сія одззасянь ни вӧлі бӧрйӧм тіянӧс мездыны. Лолыссянь эд тійӧ лоит вежа отирӧн да пондіт веритны быльыслӧ.

1 Тимофейлӧ 3:16

Висьтавтӧг быдыс тӧдӧ, миян веритӧмын тӧдлытӧмыс былись ыджытся-ыджыт: Еныс локтіс морт вывтырын, Лолыс осьтіс: Сія веськыта Олісь, Сійӧ адззылісӧ ангеллэз, Сы йылісь висьтасисӧ быдпӧлӧс отирлӧ, му вылын пондісӧ Сылӧ веритны, Сія лэбтісис югьяланінас.

2 Тимофейлӧ 1:12

Сійӧн ме сідз песся-мырся. Меным сысянь абу рожа кулян, ме эд тӧда, Кинлӧ верита. Ме тӧда: Еныс вына видзны меным сетӧмсӧ Аслас локтан лунӧдз.

2 Тимофейлӧ 1:18

Дӧсвидзисьыс ась лоас сы дынӧ небыт сьӧлӧма локтан Лунас. Тэ эд мӧдіккезся буржыка тӧдан, мымда сія отсасис меным Ефесас.

2 Тимофейлӧ 4:8

Ӧні меным лӧсьӧтӧм веськыта олӧмлӧн юркытш. Сійӧ юркытшсӧ меным сетас Дӧсвидзисьыс, Сія эд веськыта Судитісьыс. Аслас локтан Лунӧ Сія сетас юркытшсӧ меным да и быдӧнныслӧ, кӧдна радейтӧмӧн видзчисьӧны Сылісь локтӧмсӧ.

1 Петра 2:9

А тійӧ Енлӧн бӧрйӧм увтыр, Ӧксулӧн вежауджаліссез. Еныс босьтіс тіянӧс Аслас вежа отирӧн. Сія тіянӧс пемытсис корис адззывлытӧм югытас. Тійӧ ӧні сувтӧтӧмӧсь висьтасьны Сылісь бурся-бур керӧмсӧ.