1 Тимофейлӧ 6:17 - Бур Юӧр 2019

¹⁷ Ӧння кадӧ бура оліссесӧ велӧт, ась нія асьнысӧ вылына озӧ лэбтӧ. Ась надейтчӧны Еныс вылӧ, озӧ сьӧмныс вылӧ. Сія эд быдӧс сетӧ тырмӧмви, медбы миянлӧ долыта овны.

1 Тимофейлӧ 6:17 Mawu Ofanana

Матвей 12:32

Умӧльтан кӧ Мортлісь Зонсӧ, проститасӧ. Вежа Лолӧс умӧльтісьсӧ ӧння кадӧ озӧ проститӧ да и локтанас озӧ».

Матвей 19:23

Сэк Исусыс велӧтчиссеслӧ висьталіс: «Ме тіянлӧ быльсӧ висьтала: бура олісьыслӧ сьӧкыт пырны Енӧжись Юраланінӧ.

Матвей 25:16

Вит талантсӧ босьтісьыс эзысьсӧ уджӧ лэдзас. Вит талантыс дынӧ содтас вит талант.

Матвей 27:57

Рытнас Аримафея карись локтіс Ӧсип нима бура олісь морт, Исуслӧн велӧтчись.

Матвей 6:32

Ентӧг оліссес эд сы понда пыр и тӧждісьӧны. Енӧжись Айныт эд тӧдӧ, мый тіянлӧ колӧ.

Марк 10:24

Велӧтчиссесӧ Сылӧн кыввес повзьӧтісӧ. Исусыс мӧдпырись висьталіс: «Челядь, уна пажыть вылӧ надейтчисьлӧ ӧддьӧн сьӧкыт пырны Енлӧн Юраланінӧ!

Лука 19:2

Сэтчин бура оліс вот ӧктіссезлӧн Заккей нима веськӧтлісь.

Лука 3:11

Сія нылӧ висьталіс: «Кинлӧн кык паськӧм, сет пасьтӧмыслӧ. Кинлӧн эм сёян, сет тшыгыслӧ».

Ап. керӧммез 14:17

Но Еныс эта коста эз дугдыв висьтасьны отирыслӧ Ас йывсис бурсӧ керӧммез пыр: енӧжсянь зэр сетӧмӧн, нянь да карч воӧмӧн, сёянӧн вердӧмӧн да гажнас сьӧлӧммезнымӧс тыртӧмӧн».

Ап. керӧммез 14:27

Сэтчин локтӧм бӧрын ӧктісӧ вичкусӧ. Нія висьтасисӧ быдӧс, мый ны пыр аркмӧтіс Еныс да кыдз мӧдік отирыслӧ осьтіс ыбӧссӧ веритӧмас.

Ап. керӧммез 17:25

Сылӧ оз ков морт киэзӧн отсасьӧмыс, Сылӧн эд быдӧс эм. Сія Ачыс сетӧ быдӧнлӧ олан, лолалӧм да быдӧс коланасӧ.

Римын оліссезлӧ 11:20

Сідз эд, нія эзӧ веритӧ Кристосыслӧ, сійӧн вӧлісӧ чегӧтӧмӧсь. Тэ видзсян Кристослӧ веритӧмнат. Сідзкӧ, эн чатрась, а пов!

Ефесын оліссезлӧ 5:5

Тӧдӧ, некытшӧм кыскасисьлӧ, сэрпӧсьлӧ, горшасисьлӧ Енлӧн да Кристослӧн Юраланінісь нем оз дӧнзьы. Горшасьӧмыс эд ас керӧм енлӧ копрасьӧм.

Колосын оліссезлӧ 3:16

Кристослӧн кылыс ась тыртӧ тіянӧс. Быдсӧн мывкыднаныт велӧтӧ, вежӧрсьӧтӧ ӧтамӧднытӧ Енсӧ ошкан кыввезӧн, сьыланкыввезӧн, Ловсянь сетӧм сьылӧтаннэзӧн. Енлӧн бурсетӧм понда сьӧлӧмсянь ошкӧ-сьылӧтӧ Дӧсвидзисьсӧ.

1 Фессалоникаын оліссезлӧ 1:9

Нія эд асьныс висьтасьӧны миянлӧ, кыдз тійӧ миянӧс панталіт да ас керӧм еннэз дынісь бергӧтчит ловья да былись Енлань, медбы Сылӧ кысъявны.

1 Тимофейлӧ 1:3

Македонияас иньдӧтчытӧнням ме кори тэнӧ олыштны Ефесас. Сэтчинісь мукӧдсӧ тшӧкті ӧвны, медбы эзӧ велӧтӧ мӧдікас

1 Тимофейлӧ 3:15

падмӧтча кӧ локны, сэк тэ пондан тӧдны, кыдз да мый керны Еныс керкуын, ловья Енлӧн вичкуын. Вичкуыс вынсьӧтӧ-видзӧ Енлісь быльсӧ, кыдз видзан столб да ён увт вынсьӧтӧны-видзӧны керкусӧ.

1 Тимофейлӧ 4:10

Мийӧ эд сы понда и уджалам, миян вылӧ усьӧм видӧмсӧ нуӧтам. Мийӧ эд ловья Еныс вылӧ надейтчам. Сія ─ быдӧннысӧ Мездӧтісь, ӧддьӧнжык мездӧ веритіссесӧ.

1 Тимофейлӧ 5:21

Ен одзын, Дӧсвидзись Кристос Исус одзын да бӧрйӧм ангеллэс одзын ме и кора, и тшӧкта тэнӧ: быдӧс кер велӧтӧмӧ сьӧрті. Ассянят нем эн кер, морт вылӧ эн видзӧт.

1 Тимофейлӧ 6:13

Мийӧ сулалам быдӧслӧ олан сетісь Ен одзын да Кристос Исус одзын, Кӧда Ачыс висьтасис быльсӧ Понтий Пилатлӧ. Ны одзын ме и кора, и тшӧкта тэнӧ:

1 Тимофейлӧ 6:9

Кӧдна мӧдӧны богатсявны, нія шедӧны быдкодь ылалӧмас, мывкыдтӧм да ковтӧм умӧль ӧзйӧтчӧмас, кыдз налькӧ. Нія мортсӧ тшыкӧтӧны да вайӧтӧны кулӧмӧдз.

2 Тимофейлӧ 4:10

Димас тай сьӧлӧмнас лякасис му вылас олӧм бердӧ. Сія менӧ колис, муніс Фессалоникаӧ. Крискент муніс Галатияӧ, Тит ─ Далматияӧ. Мекӧт дзир Лукаыс.

Титлӧ 2:12

Бурсетӧмыс велӧтӧ миянӧс кольны Ентӧг олӧмсӧ да му вылісь ковтӧм ӧзйӧтчӧммесӧ. Сія велӧтӧ миянӧс овны бур мывкыдӧн, Ен сьӧрті веськыта да Енлӧ юрбитӧмӧн ӧння кадӧ,

Титлӧ 3:6

Кристос Исус Мездӧтісьным пыр Еныс миянлӧ сетіс Вежа Ловсӧ лыдтӧг.

2 Петра 1:11

Сідз оссяс тіянлӧ пыраніныс миян Мездӧтісь Кристос Исуслӧн пырся Юраланінӧ. Сія эд миян Дӧсвидзисьным.