1 Тимофейлӧ 5:10 - Бур Юӧр 2019

¹⁰ Отирыс нійӧ тӧдӧны бурсӧ керӧмныс сьӧрті: нія бытшӧма быдтісӧ-велӧтісӧ челядьсӧ, гортаныс рочавлісӧ мунісь-локтіссесӧ, миссьӧтлісӧ вежа отирлісь коккезнысӧ, отсасисӧ пессись-мырсиссеслӧ, отирлӧ керлісӧ быдпӧлӧс бурсӧ.

1 Тимофейлӧ 5:10 Mawu Ofanana

Матвей 25:17

Сы моз керас кык талант босьтісьыс, содтас кык талант.

Матвей 5:16

Сідз и тіян югытныт ась югдӧтӧ. Отирыс ась адззӧны тіянлісь бурсӧ керӧмнытӧ да ошкӧны енӧжись Айнытӧ».

Лука 7:38

Исуслӧн коккез дынӧ сувтӧмӧн инькаыс горзіс, кисьтіс синвасӧ Сы коккез вылӧ да чышкис аслас юрсиӧн. Сія окаліс Исуслісь коккесӧ да мавтіс чӧскыт руа винас.

Лука 7:44

Инькаыслань бергӧтчӧмӧн Симоныслӧ висьталіс: «Адззан инькасӧ? Керкуат локтӧмӧ коста тэ васӧ эн сет миссьӧтны коккезӧс. Сія жӧ синванас киськаліс Менчим коккезӧс, аслас юрсиӧн чышкис.

Ап. керӧммез 10:22

Мӧддэс висьталісӧ: «Мийӧ локтім Корнилийсянь, сія сё воинӧн веськӧтлісь. Сія мортыс Ен сьӧрті веськыта олӧ да Енсис полӧ. Иудейез сійӧ бурӧ пуктӧны. Енлӧн ангел тшӧктӧм сійӧ корны тэнӧ гортас да кывзыны тэнчит висьталӧмтӧ».

Ап. керӧммез 22:12

Сэтчин вӧлі Ананий нима Енлӧ юрбитісь да Моисейлӧн Туйдӧт сьӧрті олісь морт. Дамаскын олісь иудейез сійӧ ошкисӧ.

Ап. керӧммез 6:3

Воннэзӧ, сійӧн бӧрйӧ ас колассиныт сизим мортӧс, кӧдна йылісь отирыс бурӧ баитӧны. Нія ась лоасӧ мывкыдаӧсь да тыраӧсь Вежа Лолӧн. Нійӧ сувтӧтам керны этӧ уджсӧ.

Ап. керӧммез 9:36

Иоппия карын оліс Тавифа нима инька, кӧда вӧлі Исуслӧн велӧтчиссез коласісь. Тавифа нимсӧ вуджӧтны кӧ, лоӧ «газель». Сія уна керис бурсӧ отирыслӧ, отсаліс умӧля олісь йӧзлӧ.

Ап. керӧммез 9:39

Петраыс лӧсьӧтчис да муніс ныкӧт. Локтӧм бӧрын сійӧ пыртісӧ вылісь жырас. Сэтӧн сы гӧгӧрӧ ӧксисӧ горзісь дӧваэз. Нія мыччалісӧ паськӧммез, кӧдӧ Тавифаыс вурлӧм ныкӧт овтӧн.

Римын оліссезлӧ 12:13

Вежа отирлӧ отсасьӧ, рочалӧ гортаныт мунісь-локтіссесӧ.

Ефесын оліссезлӧ 2:10

Ӧні мийӧ ─ Еныслӧн виль аркмӧтӧм. Кристос Исускӧт ӧтлаасьӧмсянь мийӧ аркмӧтӧмӧсь керны бурсӧ, кӧдӧ Еныс кӧркӧсянь ни вӧлі шуӧм миянлӧ керны.

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

1 Тимофейлӧ 2:10

Ась бурсӧ керӧмныс баситӧ нійӧ. Сідз колӧ керны Ен сьӧрті олісь инькаэзлӧ.

1 Тимофейлӧ 3:2

Вичкуын веськӧтлісьлӧ колӧ лоны сэтшӧм мортӧн, кӧда йылісь он висьтав нем умӧльсӧ. Сія ӧтік иня, асьсӧ вермӧ киын видзны, садь юра, бур вежӧра, бур мывкыда, гортас рочалӧ мунісь-локтіссесӧ, кужӧ велӧтны,

1 Тимофейлӧ 3:7

Колӧ, медбы и мӧдік отир, кӧдна абу вичкуын, сія морт йылісь бура баитісӧ. Сэк сійӧ некин оз понды ӧмавны да сія оз сюр кульлӧн кыянӧ.

1 Тимофейлӧ 5:16

Веритісьлӧн эм кӧ увтырас дӧва, ась сія быдӧсын отсалӧ сылӧ. Оз ков сійӧ отсӧтсӧ пуктыны вичкуыс вылӧ. Сэк вичкуыс унажык вермас отсавны чунь ӧтнаныс кольччӧм дӧваэслӧ.

1 Тимофейлӧ 5:25

Сідз и бурсӧ керӧммез: мукӧдыс ӧні тыдалӧны, а кӧдна озӧ тыдалӧ, бӧрынжык оссясӧ.

1 Тимофейлӧ 6:18

Велӧт нійӧ бурсӧ керны. Нія ась богатсялӧны бура отсасьӧмнаныс, озӧ лоӧ надзӧсь, а отсасьӧны отирлӧ.

2 Тимофейлӧ 1:5

Касьтывла тэнчит сьӧлӧмсянь веритӧмтӧ. Сідз веритісӧ тэнат Лоида бабыт да Евника мамыт. Тӧда, и тэ веритан ны моз.

2 Тимофейлӧ 2:21

Кӧда асьсӧ сӧстӧмтас быдӧс умӧльсис, сія лоас дона вежа дозӧн. Кӧзяинлӧ сія лоас колана доз, быдпӧлӧс бур уджӧ туяна.

2 Тимофейлӧ 3:15

Да тэ и челядь кадсянь ни тӧдан Вежа Гижӧттэсӧ. Нія мывкыдсьӧтасӧ тэнӧ мезмыны Кристос Исуслӧ веритӧмыт пыр.

2 Тимофейлӧ 3:17

медбы Енлӧн мортыс вӧлі быдсӧн бурӧн да вӧлі лӧсьӧтчӧм керны быдпӧлӧс бурсӧ.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.

Титлӧ 2:7

Быд кадӧ ачыт кер бурсӧ. Тэ вылӧ видзӧттӧн ась мӧдіккез керӧны тэ моз. Велӧт сӧстӧм сьӧлӧмсянь, асьтӧ бура киын видзӧмӧн да Кывсӧ дзугтӧг.

Титлӧ 3:1

Веритіссеслӧ казьмӧтлы, медбы кывзісисӧ сувтӧтӧм юраліссесӧ, веськӧтліссесӧ да лӧсьӧтчисӧ керны быдпӧлӧс бурсӧ.

Титлӧ 3:14

Ась и мияніссес велӧтчӧны керны бурсӧ, отсасьны быд колан торын. Сэк озӧ кольччӧ бур воӧмтӧг.

Титлӧ 3:8

Этна кыввес быльӧсь. Кора тэнӧ пыр баитны эта быль йылісь, медбы Енлӧ веритіссес вынсьӧтчисӧ керны бурсӧ. Сія отирлӧ бур да колана.

Еврейезлӧ 10:24

Пондам тӧждісьны ӧтамӧдным понда. Ӧзйӧтам ӧтамӧднымӧс радейтны да керны бурсӧ.

Еврейезлӧ 13:2

Эд вунӧтлӧ рочавны мунісь-локтіссесӧ. Мукӧдыс тӧдтӧг сідз рочавлӧмась гортаныс ангеллэзӧс.

Еврейезлӧ 13:21

Еныс ась вынсьӧтӧ тіянӧс керны быдпӧлӧс бурсӧ, медбы быдӧс вӧлі Сы сьӧрті. Кристос Исусыс пыр ась керас миянӧс сэтшӧммезӧн, кытшӧмӧсь мийӧ Сылӧ колам. Сылӧ пырся-пыр ошкӧм! Аминь.

1 Петра 2:12

Енсӧ тӧдтӧммес тіянӧс видӧны лёк кериссезӧс моз. Ны коласын овтӧн керӧ нылӧ бурсӧ. Нія пондасӧ адззыны нылӧ бурсӧ керӧмнытӧ да ошкасӧ Енсӧ Сылӧн локтан Лунӧ.

1 Петра 4:9

Ӧтамӧднытӧ кокнит сьӧлӧмӧн норасьтӧг рочалӧ горттэзаныт.

3 Иоан 1:12

Димитрийыс йылісь быдӧнныс баитӧны бурӧ. Сідз и ачыс быльыс висьталӧ, и мийӧ сідз висьталам. Тійӧ эд тӧдат, мийӧ огӧ бӧбӧтчӧ.