1 Тимофейлӧ 3:15 - Бур Юӧр 2019

¹⁵ падмӧтча кӧ локны, сэк тэ пондан тӧдны, кыдз да мый керны Еныс керкуын, ловья Енлӧн вичкуын. Вичкуыс вынсьӧтӧ-видзӧ Енлісь быльсӧ, кыдз видзан столб да ён увт вынсьӧтӧны-видзӧны керкусӧ.

1 Тимофейлӧ 3:15 Mawu Ofanana

Матвей 16:16

Симон-Петра висьталіс: «Тэ Кристос-Мездӧтісь, ловья Енлӧн Зон».

Матвей 18:18

Ме тіянлӧ быльсӧ висьтала: мый тійӧ кӧрталат му вылын, Сія лоас кӧрталӧм енӧжын. Мый тійӧ лэдзат му вылын, сія лоас лэдзӧм енӧжын.

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Иоан 14:6

Исусыс сылӧ висьталіс: «Ме ─ туйыс, быльыс да оланыс. Дзир Ме пыр позьӧ локны Айӧ дынӧ, абу мӧдік туй.

Иоан 18:37

Пилатыс шуис Сылӧ: «Сідзкӧ, Тэ ─ Ӧксу?» Исусыс шуис: «Тэ ачыт висьталін: Ме ─ Ӧксу. Ме шогми да локті му вылас, медбы висьтасьны быльыс йылісь. Кин быльыслӧн, сія кывзӧ Менчим висьталӧмӧс».

Иоан 6:69

Мийӧ веритам да тӧдам: Тэ ─ Кристос-Мездӧтісь, ловья Енлӧн Зон».

Ап. керӧммез 14:15

«Мый тійӧ керат? Мийӧ эд тіян кодьӧсь жӧ морттэз. Бур Юӧр мийӧ тіянлӧ висьтасям, медбы тійӧ ковтӧм еннэзныт дынісь бергӧтчитӧ ловья Енлань. Сія аркмӧтіс енӧжсӧ мунас, саридзсӧ да быдӧс ны пытшкисьсӧ.

Римын оліссезлӧ 3:2

Сія ─ быд ладорсянь бур. Медодз висьтала: иудейеслӧ вӧлі сетӧм Еныслӧн Кылыс.

Римын оліссезлӧ 9:26

Сэтӧн, кытӧн нылӧ вӧлі висьталӧм: «Тійӧ абу Менам отир», сэтчин жӧ пондасӧ шуны: «Тійӧ ловья Енлӧн челядь».

1 Коринфын оліссезлӧ 10:32

Тіян керӧмсянь ась озӧ падмӧ иудейес, мӧдік отир да и Кристос отирыс.

1 Коринфын оліссезлӧ 3:16

Тійӧ одӧ разь тӧдӧ: тійӧ ─ Енлӧн оланін? Тіян пытшкын олӧ Еныслӧн Лолыс.

2 Коринфын оліссезлӧ 3:3

Тійӧ асьныт мыччалат, тійӧ ─ Кристослӧн гижӧт. Сэтшӧм гижӧтнас лоит миян висьтасьӧмсянь. Абу гижӧмась чернилоӧн, а ловья Еныс Лолӧн. Абу гижӧмась из пӧввез вылын, а морт сьӧлӧммезын.

2 Коринфын оліссезлӧ 6:16

Мый ӧтласаыс Ен керкулӧн ас керӧм еныскӧт? Тійӧ эд ловья Енлӧн оланін. Ачыс Еныс сідз висьталӧм: ─ Пыра ны пытшкӧ, понда ветлӧтны ныкӧт. Ме лоа нылӧ Енӧн, нія лоасӧ Менам отирӧн.

2 Коринфын оліссезлӧ 6:7

Висьтасям быльсӧ, быдӧс керам Ен вынӧн. Миян тышкасянным ─ Ен сьӧрті веськыта олӧмным.

Галатияын оліссезлӧ 2:9

Яков, Кифа да Иоан йылісь шуӧны, ны вылын пӧ вичкуыс видзсьӧ. Меным да Варнаваыслӧ нія сетісӧ киэзнысӧ, кӧр пондісӧ тӧдны: менам сія уджыс Енлӧн бурсетӧмсянь, и мийӧ керам ӧтік удж. Мийӧ баитчим: нія мунасӧ иудейез дынӧ, а мийӧ ─ мӧдік отир дынӧ.

Галатияын оліссезлӧ 3:1

Галатияись отир, ылӧстӧммез! Кин тіянӧс ылӧтіс, медбы эдӧ кывзісьӧ быльсӧ? Кристос Исусыс йылісь висьтасьӧмӧ коста тійӧ кывзіт сідз, жыв Сія тіян син одзын вӧлі дорӧм крест вылас.

Ефесын оліссезлӧ 4:21

Тійӧ кыліт Сы йылісь. Тіянӧс велӧтісӧ быляс, а быльыс ─ Исусын.

Колосын оліссезлӧ 1:5

Веритӧмныт да радейтӧмныт тіян эмӧсь сійӧн, мыля тійӧ надейтчат енӧжас лӧсьӧтӧм вылӧ. Сы йылісь тійӧ кыліт Бур Юӧрлісь былись кывсӧ висьтасьӧм коста.

1 Фессалоникаын оліссезлӧ 1:9

Нія эд асьныс висьтасьӧны миянлӧ, кыдз тійӧ миянӧс панталіт да ас керӧм еннэз дынісь бергӧтчит ловья да былись Енлань, медбы Сылӧ кысъявны.

1 Тимофейлӧ 3:14

Ме надейтча, чожа верма локны тэ дынӧ. Гижа эд,

1 Тимофейлӧ 3:16

Висьтавтӧг быдыс тӧдӧ, миян веритӧмын тӧдлытӧмыс былись ыджытся-ыджыт: Еныс локтіс морт вывтырын, Лолыс осьтіс: Сія веськыта Олісь, Сійӧ адззылісӧ ангеллэз, Сы йылісь висьтасисӧ быдпӧлӧс отирлӧ, му вылын пондісӧ Сылӧ веритны, Сія лэбтісис югьяланінас.

1 Тимофейлӧ 3:2

Вичкуын веськӧтлісьлӧ колӧ лоны сэтшӧм мортӧн, кӧда йылісь он висьтав нем умӧльсӧ. Сія ӧтік иня, асьсӧ вермӧ киын видзны, садь юра, бур вежӧра, бур мывкыда, гортас рочалӧ мунісь-локтіссесӧ, кужӧ велӧтны,

1 Тимофейлӧ 3:5

Мортыс оз кӧ куж видзны киын ассис гортсӧ, вермас я сія тӧждісьны Енлӧн вичку понда?

1 Тимофейлӧ 4:10

Мийӧ эд сы понда и уджалам, миян вылӧ усьӧм видӧмсӧ нуӧтам. Мийӧ эд ловья Еныс вылӧ надейтчам. Сія ─ быдӧннысӧ Мездӧтісь, ӧддьӧнжык мездӧ веритіссесӧ.

1 Тимофейлӧ 6:16

Сія эд ӧтнас Пырсяыс. Сылӧн югыт оланін дынӧ оз позь сибӧтчыны. Сійӧ отирыс коласісь некин эз адззыв, да и адззывны оз вермы. Сылӧ вылына лэбтӧмыс, Сылӧн юралӧмыс пырся-пыр. Аминь.

2 Тимофейлӧ 2:19

Но Еныслӧн пуктӧм ён увтыс сулалӧ. Сы вылын сувтӧтӧм пас сэтшӧм кыввезӧн: «Еныс Ассис отирсӧ тӧдӧ» и «Дӧсвидзисьлісь нимсӧ быд висьтавлісьыс ась дугдӧ керны умӧльсӧ».

2 Тимофейлӧ 2:20

Ыджыт керкуас эмӧсь быдкодь доззэз: зарниись, эзысись, пуись да сёйись. Ӧтіккесӧ видзӧны вежа луннэз коста, мӧддэсӧ ─ быд лун.

Еврейезлӧ 10:21

Миян эм вына Аркирей. Енлӧн керкуыс быдсӧн сетӧм Сы киӧ.

Еврейезлӧ 12:22

Тійӧ сибӧтчит Сион керӧс дынӧ, ловья Енлӧн кар дынӧ, енӧжись Ерусалим дынӧ, унася-уна ангеллэз дынӧ.

Еврейезлӧ 3:12

Воннэзӧ, видзӧтӧ, медбы тіян коласісь некин эз вӧв вериттӧм мортӧн да эз вӧв сьӧлӧм выланыт лӧгыс. Тіян коласісь ась некин оз янсав ловья Еныс дынісь.

Еврейезлӧ 9:14

Сэк мымдаись буржыка сӧстӧмтӧ Кристосыслӧн Вирыс! Сія Ачыс Асьсӧ Вежа Лолыс вынӧн вайис Еныслӧ сӧстӧм бур козинӧн. Сылӧн вирыс сӧстӧмтас миянлісь сьӧлӧммезнымӧс кулӧмас вайӧтан умӧль керӧммезісь, медбы кысъявны ловья да былись Енлӧ.

1 Петра 2:5

Тійӧ и асьныт кыдз ловья иззэз. Ась и тіянісь Еныс лэбтӧ Аслас Ловлӧ оланінсӧ. Сэк тійӧ лоат вежауджаліссезӧн да Кристос Исусыс пыр, Ен Лов отсӧтӧн пондат вайны езъялан козиннэсӧ, кӧдна Еныслӧ сьӧлӧмви.

1 Петра 4:17

Судыслӧн кадыс сибаліс. Еныс медодз пондас бӧрйисьны Аслас отиркӧт. Миянсянь кӧ пондӧтчас, мый сэк видзчисьны нылӧ, кӧдна озӧ кывзӧ Еныслісь Бур Юӧрсӧ?

Осьтӧм 7:2

Сэсся ме казялі витӧт ангелӧс. Сія локтіс асыввыв ладорсянь, киас видзис ловья Еныслісь пас пуктан. Сія горӧтіс нёль ангелыслӧ. Нылӧ вӧлі сетӧм вын тшыкӧтны мусӧ да саридзсӧ. Сія висьталіс: