1 Тимофейлӧ 1:13 - Бур Юӧр 2019

¹³ Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.

1 Тимофейлӧ 1:13 Mawu Ofanana

Лука 12:47

Рабыс кӧ тӧдӧ аслас кӧзяинлісь тшӧктӧмсӧ, но оз лӧсьӧтчы да оз кер сы тшӧктӧм сьӧрті, сійӧ ӧддьӧн вартласӧ.

Лука 23:34

Исусыс висьталіс: «Айӧ, простит нійӧ. Нія эд озӧ тӧдӧ, мый керӧны». Исуссӧ крест вылас дориссес Сылісь паськӧмсӧ янсӧтісӧ ас коласаныс кыскӧм сьӧрті, кинлӧ мый шедіс.

Ап. керӧммез 22:4

Дӧсвидзисьлӧн Туй вылӧт муніссесӧ ме вашӧтлӧмнам кувтӧдз воштывлі. Инь я, ай морт я ─ быдӧннысӧ кӧртавлі да пуксьӧтлі.

Ап. керӧммез 3:17

Воннэзӧ! Ме эд тӧда: тійӧ веськӧтліссезныткӧт керитӧ сідз тӧдтӧг.

Ап. керӧммез 8:3

Савлыс тай летіс-куталіс веритіссесӧ. Сія пыравліс керкуэзӧ да ай отирӧс, инькаэзӧс кыскавліс, пуксьӧтліс.

Ап. керӧммез 9:1

Дӧсвидзисьлӧн велӧтчиссез вылӧ Савлыслӧн одззамоз петіс лӧгыс. Сія нійӧ быдӧннысӧ мӧдіс вийны. Сійӧн локтіс аркирей дынӧ.

Ап. керӧммез 9:13

Ананийыс висьталіс: «Дӧсвидзисьӧ! Унасянь ме кывлі сія морт йылісь. Ерусалимын Тэнат вежа отирлӧ сія керис уна лёксӧ.

Ап. керӧммез 9:5

Сія юаліс: «Дӧсвидзисьӧ, кин тэ?» Мӧдыс висьталіс: «Ме ─ Исус, тэ Менӧ эд вашӧтан. Сьӧкыт тэныт мунны паныт лэчыт йыла зорлӧ».

1 Коринфын оліссезлӧ 15:9

Апостоллэс коласісь ме медбӧрьяыс. Да и апостолнас менӧ нем понда шуны. Ме эд Еныслісь вичкусӧ одзжык вашӧтлі.

1 Коринфын оліссезлӧ 7:25

Том ныввез йылісь Кристосыслӧн тшӧктӧмыс эз вӧв. Ме дзир туйдӧта тіянӧс. Дӧсвидзисьыс небыт сьӧлӧмсянь менӧ керис надейнӧй мортӧн, сійӧн меным позьӧ веритны.

Галатияын оліссезлӧ 1:13

Тійӧ эд кывлітӧ иудейезлӧн велӧтӧммез сьӧрті менам одззася олӧм йылісь. Ме лёка вашӧтлі Еныслісь Вичкусӧ, мӧді пӧдтыны сійӧ.

Филипын оліссезлӧ 3:6

Ме быд вынісь вашӧтлі Кристослісь вичкусӧ, Сылӧ веритіссесӧ. Видзӧтны кӧ Моисейлӧн Туйдӧт сьӧрті, ме веськыта олі, ме сайын эз вӧв умӧль керӧмыс.

1 Тимофейлӧ 1:16

Кристос Исусыс вӧлі ме дынӧ небыт сьӧлӧма. Сія ме вылын мыччаліс отирыслӧ Ассис ыджыт мыласӧ. Отирыс ась видзӧтӧны ме вылӧ да пондӧны Сылӧ веритны, медбы овны пырся оланын.

Еврейезлӧ 4:16

Сійӧн повтӧг сибӧтчам бурсӧ сетісь Енлӧн юралан пукӧс дынӧ, медбы аскадӧ босьтны отсӧтсӧ, небыт сьӧлӧмсянь бурсетӧмсӧ.

1 Петра 2:10

Одзжык тіянӧс отирӧ эзӧ пуктӧ, ӧні тійӧ Енлӧн отир. Одзжык тійӧ эдӧ тӧдӧ Еныслісь небыт сьӧлӧмсӧ, ӧні Сія Аслас небыт сьӧлӧмсянь тіянӧс проститіс.