1 Тимофейлӧ 1:11 - Бур Юӧр 2019

¹¹ Сія велӧтӧмыс ─ Енлӧн югьялӧм йылісь Бур Юӧр. Сійӧ Бур Юӧрсӧ висьтасьны менӧ ыстіс Еныс, Кӧдӧ пыр колӧ ошкыны.

1 Тимофейлӧ 1:11 Mawu Ofanana

Лука 2:14

─ Ошкӧм Еныслӧ вылын енӧжас! Лӧнь олан му вылын отирлӧ, кӧднӧ Сія радейтӧ!

Римын оліссезлӧ 2:16

Но лоас лун, кӧр Кристос Исус отсӧтӧн Еныс пондас судитны отирсӧ гусьӧна керӧммезныс понда. Эта йылісь ме баитлі Бур Юӧрсӧ висьтасьӧмӧ коста.

1 Коринфын оліссезлӧ 9:17

Кера кӧ ме этӧ ассяням, сэк меным сы понда вештасӧ. Тшӧктӧм сьӧрті кӧ ─ сэк ме кера дзир меным сетӧм уджсӧ.

2 Коринфын оліссезлӧ 4:4

Нія озӧ веритӧ. Му вылас ыждалісь кульыс нёрӧм нылісь вежӧрнысӧ, медбы нія эзӧ адззӧ Бур Юӧрлісь югдӧтӧмсӧ, кӧда осьтӧ Кристослісь югьялӧмсӧ. Кристосыс эд Асьнас мыччаліс миянлӧ Енсӧ.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

Галатияын оліссезлӧ 2:7

Нія казялісӧ: менӧ Петрасӧ моз Еныс сувтӧтіс висьтасьны Бур Юӧрсӧ. Петрасӧ Сія сувтӧтіс иудейезлӧ, а менӧ ─ мӧдік отирлӧ.

Ефесын оліссезлӧ 1:12

Еныс бӧрйӧм миянӧс, кӧдна медодз пондім надейтчыны Кристос вылӧ. Мийӧ бӧрйӧмӧсь, медбы олӧмным понда отирыс ошкисӧ Енлісь югьялан вынсӧ.

Ефесын оліссезлӧ 1:6

Аслас дона Зон пыр Сія козьналіс миянлӧ бурсетӧмсӧ. Дак ошкам Сійӧ ыджытся-ыджыт бурсетӧм понда!

Ефесын оліссезлӧ 2:7

Локтан каддэзас Еныс лӧсьӧтчӧм Кристос отсӧтӧн мыччавны миянлӧ Ассис унася-уна бурсетӧмсӧ да радейтӧмсӧ.

Ефесын оліссезлӧ 3:10

Ӧні енӧжсис юраліссес да веськӧтліссес Вичкуыс пыр ась пондӧны тӧдны Еныслісь быдпӧлӧс мывкыдсӧ.

Колосын оліссезлӧ 1:25

Ме вичкуын уджалісь, кера Енлісь лӧсьӧтӧмсӧ. Сія меным сетіс этӧ уджсӧ: юӧртны тіянлӧ Сылісь Кывсӧ быдсӧн.

1 Фессалоникаын оліссезлӧ 2:4

Еныс тӧдмаліс-видзӧтіс миянлісь сьӧлӧммезнымӧс. Сія миянӧс шуис туяна отирӧн висьтасьны Сылісь Бур Юӧрсӧ. Мийӧ эд вынсьӧтчам керны Ен сьӧрті, а огӧ морт сьӧрті.

1 Тимофейлӧ 2:7

Сійӧн Еныс менӧ сувтӧтіс Бур Юӧр висьтасисьӧн да апостолӧн. Быд кыв вылын баитісь отирсӧ ме велӧта быляс да вайӧта веритӧмӧдз. Этӧ ме веськыта висьтала, ог бӧбӧт.

1 Тимофейлӧ 6:15

Кристослӧн локтӧмыс аскадӧ лоас. Сійӧ аркмӧтас дзир ӧтік ошкӧм Еныс, Сія ӧксуэзлӧн Ӧксу, юраліссезлӧн Юралісь.

1 Тимофейлӧ 6:20

Тимофей! Видз тэныт сетӧмсӧ. Эн кутчы ковтӧмсӧ баитны да етшасьны уна тӧдіссезкӧт, кӧдналӧн тӧдӧмныс абутӧм туйӧ.

2 Тимофейлӧ 1:11

Ме вӧлі сувтӧтӧм апостолӧн, медбы висьтасьны сійӧ Бур Юӧрсӧ да велӧтны ентӧдтӧммесӧ.

2 Тимофейлӧ 1:14

Миян пытшкын олісь Вежа Лов вынӧн видз тэныт сетӧм бурсӧ.

2 Тимофейлӧ 2:2

Ме тэныт баиті уна отир дырни. Месянь кылӧмтӧ висьтась надейнӧй отирлӧ, кӧдна кужӧны и мӧдіккезӧс велӧтны.

Титлӧ 1:3

Сійӧ Кывсӧ Еныс аскадӧ сетіс тӧдны висьтасьӧм пыр. Миян Мездӧтісь Еныс менӧ и тшӧктіс висьтасьны сійӧ Кывсӧ.