1 Тимофейлӧ 1:10 - Бур Юӧр 2019

¹⁰ кыскасиссезлӧ, ӧтамӧдкӧт инькӧт моз олісь ай отирлӧ, отирӧн вузасиссезлӧ, бӧбӧтчиссезлӧ да нылӧ, кӧдна сетӧм кывсӧ озӧ видзӧ. Туйдӧтыс гижӧм быдӧнныслӧ, кӧдна керӧны сійӧ, мый абу бур велӧтӧмыс сьӧрті.

1 Тимофейлӧ 1:10 Mawu Ofanana

Иоан 8:44

Тіян айныт куль, тійӧ керат сы тшӧктӧм сьӧрті. Сія одззасянь ни морт вийись вӧлі. Быльыс дынісь сія ылаліс, и сыын абу быльыс. Сія ассяняс висьталӧ бӧбӧтӧмӧн. Сія эд бӧбӧтчись и бӧбӧтчӧмыслӧн ай.

Римын оліссезлӧ 1:26

Сійӧн Еныс колис нійӧ сьӧлӧмныс ӧзйӧтчӧм сьӧрті рожа кулянсӧ керны. Нылӧн инькаэзныс гозъя коласын лӧсьӧтӧм олансӧ вежисӧ. Керӧны ковтӧмсӧ ─ ӧтамӧдкӧт узьлӧны.

1 Тимофейлӧ 4:6

Пондан кӧ этаӧ воннэтӧ велӧтны, сэк тэ лоан Кристос Исусыслӧ бур уджалісьӧн. Вынсьӧт асьтӧ веритӧм йылісь кыввезнас да бур велӧтӧмнас. Тэ сія велӧтӧм сьӧрті и пондін овны.

1 Тимофейлӧ 6:3

Кин оз велӧт миян Дӧсвидзись Кристос Исуслӧн веськыта висьталӧм кыввезӧ да Енлӧ юрбитӧмӧ, сылӧн велӧтӧмыс нуӧтӧ мӧдӧрӧ.

2 Тимофейлӧ 1:13

Быдӧс кер бур велӧтӧмыс сьӧрті. Тэ сійӧ кылін месянь. Ов веритӧмӧн да радейтӧмӧн, Кристос Исускӧт ӧтлаасьӧмӧн.

2 Тимофейлӧ 4:3

Лоас кад, кӧр отирыс бур велӧтӧмсӧ кывзыны озӧ пондӧ. Велӧтіссесӧ нія пондасӧ бӧрйыны ас сьӧртӧттяныс, медбы баитісӧ ны сьӧрті.

Титлӧ 1:13

Сідз и эм, веськыта висьталӧм. Сійӧн умӧль керӧммезныс йылісь нылӧ висьтавлы чорыта, медбы веритӧмныс вӧлі бур велӧтӧмыс сьӧрті.

Титлӧ 1:9

Сія пыр видзсьӧ велӧтӧмлӧн быль кыввез бердӧ да ны сьӧрті вермӧ туйдӧтны отирсӧ. Паныт лэбтісьӧммеслӧ вермӧ веськыта висьтавны умӧль керӧмныс йылісь.

Еврейезлӧ 13:4

Гозъя коласын ась быдӧс керсьӧ бӧбӧттӧг. Ас коласын овтӧн ась быдӧс лоӧ сӧстӧм. Гозйӧн овтӧн ӧтамӧд сайсянь ветлӧтіссесӧ да кыскасиссесӧ быдӧннысӧ эд Еныс пондас судитны.

Иуда 1:7

Тійӧ тӧдатӧ и Содомын, Гоморраын да ны гӧгӧр каррезын оліссез йылісь. Кывзісьтӧм ангеллэс моз нія олӧмась лэдзчисьӧмӧн: мужиккез мужиккезкӧт кыскасьӧмась. Эта понда нійӧ сотӧмась куслытӧм биӧн. Ны йылісь гижӧмыс миянӧс велӧтӧ.

Осьтӧм 18:13

Оз небӧ нылісь корицасӧ, чӧскыт руа сирсӧ, смирнасӧ, ладансӧ, винасӧ да висӧ, пизьсӧ да шогдісӧ, мӧссэсӧ да баляэсӧ, вӧввесӧ да телегаэсӧ, раббесӧ да мӧдік отирсӧ.

Осьтӧм 21:27

Нем сэрпӧсьыс сэтчӧ оз пыр. Озӧ пырӧ сэрпӧсьсӧ кериссес да бӧбӧтчиссес. Пырасӧ сэтчӧ дзир нія, кӧдналӧн ниммес гижӧмась Дзельлӧн Олан небӧгӧ.

Осьтӧм 21:8

Поліссес, мӧдӧрӧ ылаліссес, сэрпӧссес, морт вийиссес, кыскасиссес, тшыкӧтчиссес, ас керӧм еннэзлӧ копрасиссес да быдӧс бӧбӧтчиссес сюрасӧ биӧн сотчан истӧгись тыӧ. Сія ─ мӧдпырись кулӧмыс».

Осьтӧм 22:15

Сэрпӧсь поннэс, тшыкӧтчиссес, кыскасиссес, морт вийиссес, ас керӧм еннэзлӧ копрасиссес, ылӧтлӧмсӧ радейтіссес да бӧбӧтчиссес карас озӧ пырӧ.