1 Иоан 4:2 - Бур Юӧр 2019

² Ен Ловсӧ тӧдны позьӧ сідз: висьтасьӧ кӧ кин Кристос Исусыс йылісь ─ Сія локтіс пӧ морт вывтырын, то сія лолыс Енсянь.

1 Иоан 4:2 Mawu Ofanana

1 Коринфын оліссезлӧ 12:3

Сійӧн висьтала тіянлӧ: мортсӧ баитны ӧзйӧтӧ кӧ Енлӧн Лов, сэк сія оз вермы висьтавны Исусыс вылӧ ёрдан кывсӧ. Мортыс вермас пуктыны Исуссӧ Дӧсвидзисьӧ дзир сэк, ӧзйӧтӧ кӧ сійӧ Вежа Лов.

Иоан 1:14

Кылыс пӧртчис мортӧ, оліс миянкӧт. Сія вӧлі тырӧм бурсетӧмнас да быльнас. Мийӧ адззылім Сылісь югьялӧмсӧ, ӧтка Зонлӧ сія югьялӧмыс сетӧм Айсянь.

1 Тимофейлӧ 3:16

Висьтавтӧг быдыс тӧдӧ, миян веритӧмын тӧдлытӧмыс былись ыджытся-ыджыт: Еныс локтіс морт вывтырын, Лолыс осьтіс: Сія веськыта Олісь, Сійӧ адззылісӧ ангеллэз, Сы йылісь висьтасисӧ быдпӧлӧс отирлӧ, му вылын пондісӧ Сылӧ веритны, Сія лэбтісис югьяланінас.

1 Иоан 5:1

Веритӧ кӧ мортыс: Исусыс пӧ Кристос-Мездӧтісь, сія мортыс чужӧм Енсянь. Чужтісьсӧ радейтісьыс радейтӧ и Сысянь чужӧмсӧ.

1 Иоан 4:3

Морт вывтырын локтӧм Кристос Исус йылісь лолыс оз кӧ висьтась, сія абу Енсянь, сія Кристос вылӧ лэбтісись антикристсянь. Тійӧ сы йылісь кывліт ни, сія пӧ локтас. Ӧні сія му вылас ни.

1 Иоан 2:23

Кристоссӧ мортыс оз кӧ пукты Ен Зонӧ, сылӧн абу и Ен Айыс. Кристоссӧ Ен Зонӧ пуктісьыслӧн эм и Айыс.

1 Иоан 1:2

Оланыс мыччасис. Сійӧ мийӧ адззылім. Ӧні сія пырся Олан йылісь висьтасям тіянлӧ. Сія вӧлӧм Айыскӧт. Ӧні Сія мыччасис миянлӧ.

1 Иоан 4:15

Мортыс шуӧ кӧ Исуссӧ Енлӧн Зонӧн, сэк Еныс олӧ сія морт пытшкын, а сія ─ Еныс пытшкын.

2 Иоан 1:7

Уна эд ылӧтліссес ӧні отирыс коласын лэбтісисӧ. Нія озӧ веритӧ Кристос Исуслӧн морт вывтырын локтӧмӧ. Сэтшӧм мортыс отирсӧ ылӧтлісь, Кристос вылӧ лэбтісись.