1 Иоан 3:3 - Бур Юӧр 2019

³ Быдыс, кин сідз надейтчӧ Сы вылӧ, асьсӧ сӧстӧмтӧ, медбы лоны Сы кодь сӧстӧмӧн.

1 Иоан 3:3 Mawu Ofanana

2 Коринфын оліссезлӧ 7:1

Донаэзӧ, сымда бурсӧ Еныс кӧсйӧм миянлӧ сетны! Сідзкӧ, дзимлялам быдӧс, мый сэрпӧсьтӧ вывтырнымӧс да ловнымӧс. Пондам овны Енсис полӧмӧн, медбы миян оланным быдсӧн вӧлі вежа.

1 Иоан 2:6

Кин баитӧ, ме пӧ Сыкӧт ӧтлааси, мортыслӧ сэк и овны колӧ Кристосыс моз.

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

Матвей 5:48

Енӧжись Айныт быдсӧн бур! Сы моз и тійӧ лоӧ быдсӧн бурӧсь».

Еврейезлӧ 12:14

Вынсьӧтчӧ быдӧнныскӧт овны лӧсялӧмӧн, лоӧ вежа отирӧн. Вежа олантӧг эд некин оз вермы адззывны Дӧсвидзисьсӧ.

Еврейезлӧ 7:26

Миянлӧ сэтшӧм Аркирей и колӧ: вежа, умӧльсӧ эз кер, сӧстӧм, янсӧтӧм умӧльсӧ кериссез дынісь, лэбтӧм енӧжжезся вылынжыка.

Колосын оліссезлӧ 1:5

Веритӧмныт да радейтӧмныт тіян эмӧсь сійӧн, мыля тійӧ надейтчат енӧжас лӧсьӧтӧм вылӧ. Сы йылісь тійӧ кыліт Бур Юӧрлісь былись кывсӧ висьтасьӧм коста.

Ап. керӧммез 15:9

Сія миянӧс ны дынісь немӧн эз янсӧт. Нылісь сьӧлӧммезнысӧ сӧстӧмтіс веритӧмныс пыр.

Титлӧ 3:7

Сылӧн бурсетӧмсянь мийӧ лоим Ен сьӧрті веськыта оліссезӧн да пырся оланӧ пыриссезӧн. Сійӧ пырся олансӧ мийӧ ӧні надейтчӧмӧн видзчисям.

2 Петра 1:4

Миянлӧ козьналӧмась ыджыт дона кӧсйӧммез, медбы ны отсӧтӧн тійӧ пондіт вачкисьны Еныс вылӧ да пышшит умӧльсӧ керны ӧзйӧтчӧмись, кӧда отирсӧ изводалӧ.

Лука 6:36

Айныт моз лоӧ небыт сьӧлӧмаӧсь».

1 Иоан 4:17

Радейтӧмыс миян пытшкын поздісис. Сідзкӧ, мийӧ повтӧг панталамӧ Суд Лунсӧ. Мийӧ эд эстӧн му вылас вачкисям Кристосыс вылӧ.

Еврейезлӧ 6:18

Еныслӧн кык моз висьталӧмыс ─ кӧсйӧмыс да кыв сетӧмыс ─ озӧ вежсьӧ. Сія эд оз вермы бӧбӧтны. Сылӧн кӧсйӧмыс да кыв сетӧмыс миянӧс, Ен дынӧ локтӧммесӧ, вынсьӧтӧны. Нія отсалӧны миянлӧ видзсьыны Енсянь сетӧм надея бердӧ.

2 Фессалоникаын оліссезлӧ 2:16

Ен Айным радейтӧ миянӧс. Аслас бурсетӧмӧн Сія миянӧс пыр кежӧ бурӧтіс да козьналіс бур вылӧ надеясӧ. Дӧсвидзись Кристос Исусным да Ен Айным

Римын оліссезлӧ 15:12

Исайыс тай сідз висьталӧм: ─ Иессей вужись петӧмыс лэбтісяс. Сувтас босьтны Ас кипод увтас быд кыв вылын баитісь отирсӧ. Отирыс пондасӧ надейтчыны Сы вылӧ.

Иоан 17:19

Ме сета Тэныт Ачымӧс ны понда, медбы быльыс керис нійӧ вежа отирӧн.

Яков 4:8

Сибӧтчӧ Еныс дынӧ, и Сія сибӧтчас тіян дынӧ. Умӧльсӧ кериссез, миссьӧтӧ киэзнытӧ! Ылӧтчиссез, сӧстӧмтӧ сьӧлӧммезнытӧ!

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.

1 Петра 1:15

Тіянӧс Корисьыс ─ вежа. Быд керӧмнаныт мыччалӧ: тійӧ ─ вежаӧсь.