1 Иоан 2:3 - Бур Юӧр 2019

³ Тӧдам я мийӧ Сійӧ, тӧдчӧ эд. Олам кӧ Сы тшӧктӧммез сьӧрті, сэк Сійӧ тӧдам.

1 Иоан 2:3 Mawu Ofanana

Лука 6:46

«Мый тійӧ Менӧ коратӧ: "Дӧсвидзись, Дӧсвидзись", а Менам баитӧм сьӧрті одӧ керӧ?

Иоан 14:15

«Радейтат кӧ Менӧ, олӧ Менам тшӧктӧммез сьӧрті.

Иоан 15:10

Ме кера Айӧ тшӧктӧммез сьӧрті и ола Сы радейтӧмын. Тійӧ пондат кӧ керны Менам тшӧктӧммез сьӧрті, сэк пондат овны Менам радейтӧмын.

Иоан 15:14

Керат кӧ тшӧктӧммезӧ сьӧрті, сэк тійӧ Менам ёрттэз.

Иоан 17:3

А пырся оланыс то мыйсянь: Тэнӧ, ӧтік былись Енсӧ да Тэнчит ыстӧм Кристос Исуссӧ тӧдӧмсянь.

2 Коринфын оліссезлӧ 4:6

Еныс эд тшӧктӧм югйӧвтны пемытінас югытыслӧ. Сія югдӧтіс миянлісь сьӧлӧммезнымӧс, медбы мийӧ Кристос Исус чужӧмын адззим Енлісь югьялӧмсӧ.

Еврейезлӧ 5:9

Енлӧн лӧсьӧтӧм сьӧрті быдӧс керӧм бӧрын Сія лоис Мездӧтісьӧн. Кристоссӧ кывзісь мортыс мезмас пыр кежӧ.

1 Иоан 2:13

Гижа тіянлӧ, айез. Тійӧ пондіт тӧдны Сійӧ, Кӧда одззасянь вӧлі ни. Гижа тіянлӧ, том зоннэз. Тійӧ вермитӧ умӧльсӧ. Гижа тіянлӧ, челядь. Тійӧ пондіт тӧдны Айнытӧ.

1 Иоан 3:14

Мийӧ тӧдам: мийӧ кулӧмсис вуджим оланас. Мийӧ радейтам воннэзнымӧс. Мортыс оз кӧ радейт вонсӧ, сія кольччӧ кулан выныс кипод увтын.

1 Иоан 3:19

Сы сьӧрті тӧдам, мийӧ быльыслӧн. Ӧмалӧ кӧ миянӧс сьӧлӧмным, мийӧ вермам сійӧ лӧньсьӧтны Еныс одзын. Сія эд миян сьӧлӧмся ыджытжык, быдӧс тӧдӧ.

1 Иоан 3:6

Быдыс, кин Сыкӧт ӧтлаасис, оз кер умӧльсӧ. Умӧльсӧ быд керисьыс Сійӧ эз адззыв, оз тӧд Сійӧ.

1 Иоан 4:13

Олӧ я Еныс миян пытшкын, а мийӧ Сы пытшкын, тӧдам Лолыс сьӧрті. Еныс миянлӧ сетіс Ассис Ловсӧ.

1 Иоан 4:7

Донаэзӧ, пондам радейтны ӧтамӧднымӧс. Радейтӧмыс эд локтӧ Енсянь. Быд радейтісьыс шогмис Енсянь, тӧдӧ Енсӧ.

1 Иоан 5:19

Мийӧ тӧдамӧ: мийӧ Енсянь. А му вылісьыс тай быдсӧн тырӧм умӧльнас.

1 Иоан 5:2

Радейтам кӧ мийӧ Енсӧ да олам Сы тшӧктӧммез сьӧрті, сы сьӧрті тӧдам ─ мийӧ радейтам и Еныслісь челядьсӧ.

1 Иоан 5:3

Енлӧн тшӧктӧммез сьӧрті олӧмным мыччалӧ Сійӧ радейтӧмнымӧс. Еныслӧн тшӧктӧммес эд абу сьӧкытӧсь.

Осьтӧм 12:17

Гундырыс лёксяліс инькаыс вылӧ. Сэк сія муніс тышкасьны инькалӧн мӧдік челядькӧт, кӧдна олӧны Енлӧн тшӧктӧммез сьӧрті да Кристос Исуслӧн висьталӧм сьӧрті.

Осьтӧм 14:12

Вежа отирлӧ, кӧдна олӧны Енлӧн тшӧктӧммез сьӧрті да веритӧны Исуслӧ, колӧ видзсьыны мыланыс быртӧг».

Осьтӧм 22:14

Шудаӧсь Кристослӧн тшӧктӧммез сьӧрті оліссес. Нія карас пырасӧ ыбӧсӧттяс. Нылӧ сетасӧ сёйны Олан пуыс вылісь воӧмсӧ.