1 Иоан 1:9 - Бур Юӧр 2019

⁹ Висьталам кӧ Еныслӧ ассиным умӧль керӧммезнымӧс, нійӧ Сія проститас, миянӧс весӧтас быд умӧль керӧмись. Сія эд веськыта керӧ, оз вежлы кывсӧ.

1 Иоан 1:9 Mawu Ofanana

1 Иоан 1:7

Еныс олӧ югытас. Сы моз олам кӧ югытас, сэк мийӧ ӧтамӧднымкӧт ӧтвылісь. Ен Зон Кристос Исуслӧн вирыс сӧстӧмтӧ миянӧс быдкодь умӧль керӧмись.

Еврейезлӧ 10:23

Дугдывтӧг пондам видзсьыны сія надея бердӧ, кӧда йылісь висьтасям. Миянлӧ Кӧсйисисьыс эд надейнӧй.

1 Тимофейлӧ 1:15

Быдыслӧ колӧ босьтны этнӧ веськыта висьталӧм кыввесӧ: Кристос Исусыс локтіс му вылас мездыны умӧльӧ кериссесӧ. Ны коласісь медумӧльыс ме.

1 Коринфын оліссезлӧ 1:9

Еныс надейнӧй, Сія корис тіянӧс ӧтлаасьны Аслас Зонкӧт ─ миян Дӧсвидзись Кристос Исускӧт.

Ап. керӧммез 19:18

Унаӧн вовлісӧ Исуслӧ виль веритіссез коласісь. Нія осьтісӧ-висьтасисӧ умӧль керӧммезнысӧ.

Марк 1:5

Сы дынӧ отирыс вовлывлісӧ Иудея муись быдласянь да Ерусалим карись. Нія висьтасисӧ асланыс умӧль керӧммез йылісь. Сыбӧрын Иоаныс пыртіс нійӧ Иордан юын.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.

1 Коринфын оліссезлӧ 6:11

И тіян коласісь мукӧдыс вӧлісӧ сэтшӧмӧсь. Ӧні миян Дӧсвидзись Кристос Исус нимӧн да миян Енлӧн Лов вынӧн тійӧ лоит сӧстӧм да вежа отирӧн, Ен сьӧрті веськыта оліссезӧн.

Еврейезлӧ 6:10

Еныс эд веськыта керӧ. Сія оз вунӧт тіянлісь уджнытӧ, радейтӧмӧн керӧмнытӧ. Сы нимӧн тійӧ отсавліт да и отсалат вежа отирлӧ.

Осьтӧм 15:3

Нія сьылісӧ Енлӧн Моисей раблісь да Дзельыслісь сьыланкывсӧ: ─ Дӧсвидзись, Дӧсвермись Енӧ! Вынаӧсь Тэнат керӧммет, диво кутӧ! Веськытӧсь да быльӧсь Тэнат туйезыт, вежа отирлӧн Ӧксу!

Еврейезлӧ 11:11

Сарраыс абу вермӧм ваясьны, но веритӧмнас сія Енсянь босьтӧм вын сьӧктыны. Сія пӧрисьувья ни вайӧм кага. Сэтшӧм кадӧ эд озӧ ни ваясьӧ. Сія эд тӧдӧм: Кӧсйисисьыс ─ надейнӧй.

Матвей 3:6

Отирыс висьтасисӧ асланыс умӧль керӧммез йылісь. Сыбӧрын Иоаныс пыртіс нійӧ Иордан юын.

Ефесын оліссезлӧ 5:26

медбы сӧстӧмтны сійӧ. Вичкусӧ сӧстӧмтіс ваӧн да кылӧн.

Римын оліссезлӧ 3:26

Мийӧ нійӧ керим, кӧр Еныс мылаыс быртӧг видзчисис отирсӧ. Ӧні Еныс мыччаліс ─ Сія быдӧс керис веськыта. Сія Ачыс веськыта Олісь и керӧ веськыта олісьӧн Исуслӧ быд веритісьсӧ.

Иоан 17:25

Веськыта олісь Айӧ! Отирыс Тэнӧ озӧ тӧдӧ, а Ме Тэнӧ тӧда. Пондісӧ тӧдны и Тэнат сетӧммес: Тэ ыстін Менӧ.

Лука 22:57

Петраыс суськисис Исуссӧ тӧдӧмись. Сія шуис: «Инька, ме Сійӧ ог тӧд».