9 Еныс эз шу миян вылӧ кисьтны Ассис лӧгсӧ. Сія бӧрйис миянӧс мезмыны Дӧсвидзись Кристос Исусным пыр.
Морт Зонкӧт сідз и лоас, кыдз Сы йылісь висьталӧм Вежа Гижӧттэзын. Но ӧддьӧн умӧль лоас Морт Зонсӧ вузалісь мортлӧ! Буржык бы сылӧ вӧлі, эз кӧ чуж бы».
Псалтырын гижӧм: Сылӧн оланіныс ась кушамӧ, ась оз ло сэтӧн олісьыс. Гижӧм и сідз: Сылісь уджсӧ ась босьтӧ мӧдік.
Ачыт сувтӧт апостолсӧ, медбы сія нуӧтіс сетӧм уджтӧ. Сэтісь эд Иудаыс ылаліс да муніс сэтчӧ, кытӧн сылӧ и колӧ лоны».
Ентӧдтӧм отирыс сэтшӧмсӧ кылӧмсянь гажӧтчисӧ. Нія ошкисӧ Дӧсвидзисьлісь Кывсӧ. Веритісӧ быдӧнныс, кӧдналӧ шуӧм пырны пырся оланӧ.
Одзжык тійӧ эдӧ кывзісьӧ Енсӧ, а ӧні Израиль отирыс эзӧ пондӧ кывзісьны. Сійӧн Еныс небыт сьӧлӧмӧн бергӧтчис тіянлань.
Мый сэк петӧ? Израильыс мый кошшис, сійӧ эз адззы. Ны коласісь дзир Енлӧн бӧрйӧммес адззисӧ, мӧддэс сьӧлӧммезнысӧ чорзьӧтісӧ.
Тійӧ пондіт видзчисьны енӧжсянь Енлісь Исус Зонсӧ, Кӧдӧ Сія ловзьӧтіс кулӧмись. Исусыс эд миянӧс мездӧ локтан лӧгсис.
медбы тіян коласісь некин эз повзьы-падмы эта сьӧкыт кадӧ. Тійӧ эд асьныт тӧдат: пессьӧм-мырсьӧмыс ─ миян олан пайным.
Ме одзжык Кристоссӧ видлі, Сылісь отирсӧ вашӧтлі, нылӧ умӧльсӧ кери. Но Кристосыс вӧлі ме дынӧ небыт сьӧлӧма. Ме эд сідз кери тӧдтӧг, Сылӧ эг верит да.
Кристос Исусыс вӧлі ме дынӧ небыт сьӧлӧма. Сія ме вылын мыччаліс отирыслӧ Ассис ыджыт мыласӧ. Отирыс ась видзӧтӧны ме вылӧ да пондӧны Сылӧ веритны, медбы овны пырся оланын.
Сійӧн ме песся-мырся Енлӧн бӧрйӧм отир понда, медбы Кристос Исусыс мездӧтіс и нійӧ да пыртіс пырся югьяланінӧ.
Одзжык тіянӧс отирӧ эзӧ пуктӧ, ӧні тійӧ Енлӧн отир. Одзжык тійӧ эдӧ тӧдӧ Еныслісь небыт сьӧлӧмсӧ, ӧні Сія Аслас небыт сьӧлӧмсянь тіянӧс проститіс.
Нія и падмӧны, озӧ кывзісьӧ Еныслісь Кывсӧ да. Сідз нылӧ шуӧм лоны.
Гижӧ Симон-Петра, Кристос Исуслӧн апостол да раб. Гижӧмӧс ыста тіянлӧ, дона веритӧмсӧ миян моз сьӧлӧманыт босьтіссезлӧ. Веритӧмыс миянлӧ вӧлі сетӧм Ен да Мездӧтісь Кристос Исуснымлӧн веськыта керӧмсянь.
Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны нійӧ. Нылӧн изводасьӧмныс оз сунась.
Тіян коласӧ эд казявтӧг пырисӧ Ентӧг оліссез. Миян Енным отирыс дынӧ небыт сьӧлӧма, сійӧн нія шуӧны, лэдзчисьӧмӧдз пӧ быдӧс позьӧ керны. Ӧтік Юралісь Енсӧ да миянлісь Дӧсвидзись Кристос Исуссӧ нія абутӧм туйӧ пуктӧны. Кӧркӧсянь эд вӧлі гижӧм: сэтшӧм отирсӧ лӧсьӧтӧмась Енлӧн суд вылын мыжйыны.