1 Фессалоникаын оліссезлӧ 5:6 - Бур Юӧр 2019

⁶ Сійӧн огӧ пондӧ узьны мӧдіккез моз. Пыр лоам лӧсьӧтчӧмӧсь да пондам овны садь юрӧн.

1 Фессалоникаын оліссезлӧ 5:6 Mawu Ofanana

Матвей 13:25

Ойнас, кӧр отирыс узисӧ, сэтчӧ вовлас лёк керись. Шогді кӧдзыс коласас сія кӧдзас ёг кӧдзыс да мунас.

Матвей 24:42

Сідзкӧ, лоӧ лӧсьӧтчӧмӧсь! Тійӧ эд одӧ тӧдӧ Дӧсвидзисьнытлісь локтан лунсӧ.

Матвей 25:13

Сідзкӧ, лоӧ лӧсьӧтчӧмӧсь! Тійӧ эд одӧ тӧдӧ Морт Зонлісь локтан лунсӧ, локтан кадсӧ».

Матвей 25:5

Гӧтрасись зон дыр оз лок. Нывкаэс пондасӧ сунасьны да онмӧссясӧ.

Матвей 26:38

Сія нылӧ висьталіс: «Менам лолӧ кувтӧдз пессьӧ. Олыштӧ эстӧн Мекӧт, эд узьӧ».

Марк 13:37

Мый тіянлӧ баита, сійӧ и быдӧнныслӧ висьтала: лоӧ лӧсьӧтчӧмӧсь!»

Лука 12:37

Шудаӧсь нія раббес, кӧзяинныс локтӧм коста нія видзчисьӧны кӧ сійӧ. Веськыта висьтала тіянлӧ: сія лӧсьӧтчас, пуксьӧтас нійӧ пызан сайӧ да пондас потшуйтны.

Лука 12:39

Тійӧ тӧдат: гусясисьлісь локтан кадсӧ кӧзяиныс тӧдіс бы, сэк эз бы лэдз сійӧ сюрны керкуас.

Лука 21:36

Сідзкӧ, пыр лоӧ лӧсьӧтчӧмӧсь, кеймӧ, медбы эдӧ сюрӧ эта умӧльӧ да вермит сувтны Морт Зон одзӧ».

Лука 22:46

Нылӧ висьталіс: «Мый тійӧ узят? Чеччӧ, кеймӧ, медбы эд ылалӧ».

Ап. керӧммез 20:31

Сідзкӧ, лоӧ лӧсьӧтчӧмӧсь да эд вунӧтӧ, кыдз ме куим во сьӧрна ой и лун синва пыр дугдывтӧг велӧті тіян коласісь быдӧннытӧ.

1 Коринфын оліссезлӧ 15:34

Вежӧрсялӧ, кыдз колӧ. Эд керӧ умӧльсӧ. Тіянлӧ висьтала, медбы гӧрдӧтіт: тіян коласісь мукӧдыс Енсӧ озӧ тӧдӧ.

1 Коринфын оліссезлӧ 16:13

Лоӧ лӧсьӧтчӧмӧсь, веритӧмнаныт видзсьӧ, эд полӧ, чорыта сулалӧ!

Ефесын оліссезлӧ 2:3

Мийӧ одзжык асьным вӧлім сэтшӧмӧсь. Вывтырным кыскӧм сьӧрті да юрӧ пыртӧм сьӧрті ӧзйӧтчӧмӧн керим умӧльсӧ. Сійӧн миянӧс видзчисис Енлӧн лӧгыс, кыдз и мӧдіккесӧ.

Ефесын оліссезлӧ 5:14

Сійӧн и висьталӧм: ─ Узись, саймы, ловзьы кулӧммес коласісь, сэк тэнӧ Кристосыс югдӧтас!

Ефесын оліссезлӧ 6:18

Эта понда быд кадӧ кеймӧ Еныслӧ. Лоӧ лӧсьӧтчӧмӧсь. Кеймисьӧммезӧн, корӧммезӧн орӧттӧг кеймӧ Лов вынӧн. Кеймӧ Енлӧн быдӧс вежа отир понда.

Филипын оліссезлӧ 4:5

Ась быд мортыс адззӧ тіянлісь рама видзсьӧмнытӧ. Дӧсвидзисьыс эд матын ни.

Колосын оліссезлӧ 4:2

Дугдывтӧг кеймӧ! Кеймӧ вежӧра юрӧн да Енсӧ буркывтӧмӧн.

1 Фессалоникаын оліссезлӧ 4:13

Воннэзӧ, ог коль тіянлӧ висьтавтӧг кулӧммес йылісь, медбы тійӧ эдӧ тӧждісьӧ Енлӧ вериттӧм отир моз. Нылӧ эд нем бурсӧ видзчисьны.

1 Фессалоникаын оліссезлӧ 5:10

Кристосыс куліс миян понда, медбы мийӧ, ловьяӧсь али кулӧмӧсь, Сыкӧт ӧтлаын олім.

1 Фессалоникаын оліссезлӧ 5:8

Мийӧ лунлӧн челядь. Сідзкӧ, пондам овны садь юрӧн. Эта ась лоӧ миян паськӧмным: вывтыр выланым кӧрт кышӧтыс миян ─ веритӧмным да радейтӧмным, юр сайӧвтанным ─ мезмӧм вылӧ надеяным.

1 Тимофейлӧ 2:15

Но инька мезмас кага вайӧмӧн, пондас кӧ веритны, радейтны, овны сӧстӧма, вежа оланӧн да бур мывкыдӧн.

1 Тимофейлӧ 2:9

Да и инькаэсӧ велӧт овны видзсьӧмӧн, бур мывкыдӧн, сӧстӧма, пасьтасьны бытшӧма. Сідз олӧмыс нійӧ баситӧ. Нылӧн баситчӧмныс ась оз ло басӧка чикись кыйӧм, зарни да жемчуггез ӧшлӧм, дона паськӧм.

1 Тимофейлӧ 3:11

Ась и инькаэс лоасӧ бур мывкыдаӧсь, отир йылісь вӧвлытӧмсӧ ась озӧ баитӧ, ась кужӧны асьнысӧ киын видзны да быд кадӧ лоӧны надейнӧйӧсь.

1 Тимофейлӧ 3:2

Вичкуын веськӧтлісьлӧ колӧ лоны сэтшӧм мортӧн, кӧда йылісь он висьтав нем умӧльсӧ. Сія ӧтік иня, асьсӧ вермӧ киын видзны, садь юра, бур вежӧра, бур мывкыда, гортас рочалӧ мунісь-локтіссесӧ, кужӧ велӧтны,

2 Тимофейлӧ 4:5

Тэ пыр ов садь вежӧрӧн, пессьӧм-мырсьӧм коста куж видзсьыны, висьтась Бур Юӧрсӧ, кер сетӧм уджсӧ.

Титлӧ 2:12

Бурсетӧмыс велӧтӧ миянӧс кольны Ентӧг олӧмсӧ да му вылісь ковтӧм ӧзйӧтчӧммесӧ. Сія велӧтӧ миянӧс овны бур мывкыдӧн, Ен сьӧрті веськыта да Енлӧ юрбитӧмӧн ӧння кадӧ,

Титлӧ 2:6

Сідз и том зоннэсӧ велӧт асьнысӧ киын видзны.

1 Петра 1:13

Сідзкӧ, лоӧ лӧсьӧтчӧмӧсь, медбы уджӧтны вежӧрнытӧ да овны садь юрӧн. Пыр олӧ Енлӧн бурсетӧм вылӧ надейтчӧмӧн. Бурсетӧмсӧ тіянлӧ козьналасӧ Кристос Исуслӧн локтан лунӧ.

1 Петра 4:7

Чожа эстӧн быдӧс чулалас-ӧшас. Сідзкӧ, олӧ бур мывкыдӧн да садь юрӧн, медбы пыр вермит кеймыны.

1 Петра 5:8

Олӧ садь юрӧн, пыр лоӧ лӧсьӧтчӧмӧсь. Тіян вылӧ лэбтісисьыс ─ куль. Сія эрзісь лев моз ветлӧтӧ, кошшӧ, кинӧс позьӧ ньылыштны.

Осьтӧм 16:15

«То, Ме локта гусясись моз видзчисьтӧг. Шуда мортыс, кӧда олӧ лӧсьӧтчӧмӧн да видзӧтӧ аслас паськӧм сьӧрын. Сія оз понды ветлӧтны ляч пасьтӧг, и оз сюр рожа кулянас».

Осьтӧм 3:2

Саймы да вынсьӧт, мый тэнат эм, а ӧні куландорын ни. Ме эд адзза, тэнат керӧммет Енӧ одзын абу быд ладорсянь бурӧсь.