1 Фессалоникаын оліссезлӧ 5:27 - Бур Юӧр 2019

²⁷ Дӧсвидзись нимӧн тшӧкта тіянӧс, этӧ гижӧтсӧ лыддьӧтӧ вежа отирлӧ быдӧнныслӧ.

1 Фессалоникаын оліссезлӧ 5:27 Mawu Ofanana

Колосын оліссезлӧ 4:16

Этӧ гижӧтсӧ лыддьӧтат да ыстӧ Лаодикияас, ась и нія лыддьӧтӧны. А тійӧ лыддьӧтӧ нылӧ ыстӧм гижӧтсӧ.

1 Тимофейлӧ 5:21

Ен одзын, Дӧсвидзись Кристос Исус одзын да бӧрйӧм ангеллэс одзын ме и кора, и тшӧкта тэнӧ: быдӧс кер велӧтӧмӧ сьӧрті. Ассянят нем эн кер, морт вылӧ эн видзӧт.

1 Тимофейлӧ 5:7

Тшӧкты нійӧ овны сідз, медбы нылӧн эз вӧв ӧтік умӧль керӧм.

1 Тимофейлӧ 1:3

Македонияас иньдӧтчытӧнням ме кори тэнӧ олыштны Ефесас. Сэтчинісь мукӧдсӧ тшӧкті ӧвны, медбы эзӧ велӧтӧ мӧдікас

Ап. керӧммез 19:13

Иудейес коласын вӧлісӧ ветлӧтісь тӧдіссез. Нія Дӧсвидзись Исусыс нимӧн отирись пондісӧ вашӧтлыны сэрпӧсь ловвесӧ. Шувлісӧ сідз: «Исус нимӧн, кӧдӧ Павелыс юӧртӧ, тшӧктам тіянлӧ мортсис петны».

Марк 5:7

Сэсся горӧтіс лёк горшӧн: «Исус, Медвылісь Енлӧн Зон! Мый Тэныт ме дорӧдз? Енӧн кора, эн маит менӧ!»

Матвей 26:63

Исусыс шы эз сет. Аркирей Сылӧ шуис: «Ловья Ен нимӧн тшӧкта, висьтав миянлӧ, Тэ ─ Кристос-Мездӧтісь, Енлӧн Зон?»

Еврейезлӧ 3:1

Воннэзӧ, тійӧ ─ вежа отир, енӧжись Енӧн корӧммез. Видзӧтӧ Енлӧн Ыстӧм вылӧ, миян Аркирей Кристос Исус вылӧ, Кӧдалӧ мийӧ веритам.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

1 Тимофейлӧ 6:17

Ӧння кадӧ бура оліссесӧ велӧт, ась нія асьнысӧ вылына озӧ лэбтӧ. Ась надейтчӧны Еныс вылӧ, озӧ сьӧмныс вылӧ. Сія эд быдӧс сетӧ тырмӧмви, медбы миянлӧ долыта овны.

1 Тимофейлӧ 6:13

Мийӧ сулалам быдӧслӧ олан сетісь Ен одзын да Кристос Исус одзын, Кӧда Ачыс висьтасис быльсӧ Понтий Пилатлӧ. Ны одзын ме и кора, и тшӧкта тэнӧ:

1 Тимофейлӧ 1:18

Тимофей зонӧ, видза тӧдвылам тэ йылісь Енсянь юӧртіссезлісь висьталӧммезнысӧ. Кора тэнӧ: нылӧн висьталӧм сьӧрті пессьы бур воин моз.

2 Фессалоникаын оліссезлӧ 3:14

Кин оз понды кывзыны эта гижӧтын миянлісь висьталӧмсӧ, сэтшӧм мортсӧ видзӧ син выланыт. Сыкӧт нельки эдӧ тӧдчӧ, медбы сылӧ вӧлі умӧль сьӧлӧм вылас.

1 Фессалоникаын оліссезлӧ 2:11

Тійӧ эд тӧдатӧ: мийӧ тіянкӧт асьнымӧс видзим, кыдз ай челядькӧт.

Ап. керӧммез 1:15

Ӧтік лунӧ ӧтлаӧ ӧксисӧ сё кыкдас гӧгӧр Исуслӧн велӧтчись. Сэк Петраыс сувтіс ны коласӧ да горӧтчис: «Воннэзӧ! Вежа Лов вынӧн Давидыс одзлань висьтавлӧм Иудаыс йылісь. Эта йылісь лыддьӧтам Вежа Гижӧтсис. Кыдз кӧркӧ висьталӧм Давидыс, ӧні сідз и лоис. Исуссӧ кутіссезлӧ туйсӧ мыччаліс Иудаыс.