1 Фессалоникаын оліссезлӧ 5:24 - Бур Юӧр 2019

²⁴ Тіянӧс Корисьыс надейнӧй. Сія висьталӧмыс сьӧрті и керас.

1 Фессалоникаын оліссезлӧ 5:24 Mawu Ofanana

2 Фессалоникаын оліссезлӧ 3:3

Дӧсвидзисьыс эд надейнӧй. Сія вынсьӧтас тіянӧс да видзас ылӧтлісьыс шогья.

1 Коринфын оліссезлӧ 1:9

Еныс надейнӧй, Сія корис тіянӧс ӧтлаасьны Аслас Зонкӧт ─ миян Дӧсвидзись Кристос Исускӧт.

1 Петра 5:10

Тійӧ ӧні мыйкӧ дырна пессят-мырсят. Но быдӧс бурсетӧмыс локтӧ Енсянь. Сія тіянӧс Кристос Исусыс пыр корис Аслас пырся югьяланінӧ. Ӧні Сія Ачыс керас тіянӧс быдсӧн бурресӧн, лэбтас да вынсьӧтас, велӧтас чорыта видзсьыны.

2 Тимофейлӧ 2:13

Мийӧ кӧ абу надейнӧйӧсь, Сія пыр надейнӧй, Сія эд оз вежсьывлы.

Иоан 3:33

Сылісь висьталӧмсӧ кывзісьыс мыччалӧ: Еныс быльсӧ висьталӧ.

2 Петра 1:3

Кристослӧн Ен выныс козьналіс быдӧс коланасӧ, медбы миянлӧ овны да Енлӧ юрбитны. Мийӧ эд тӧдмалім Сійӧ, Кӧда корис миянӧс Аслас югьялӧмӧн да бурсӧ керӧмӧн.

Титлӧ 1:2

Сэк нія вермасӧ надейтчӧмӧн видзчисьны пырся олансӧ. Еныс сійӧ олансӧ кӧсйӧм одзза каддэзсянь. Сія Ассис Кывсӧ оз веж.

Осьтӧм 17:14

Нія пондасӧ тышкасьны Дзельыскӧт. Дзельыс нійӧ вермас. Сія эд юраліссез вылын Юралісь, ӧксуэз вылын Ӧксу. Сыкӧт ӧтлаын Сылӧн корӧммес, бӧрйӧммес, надейнӧйес».

1 Фессалоникаын оліссезлӧ 2:12

Мийӧ тіянӧс туйдӧтім, ӧзйӧтім, кеймисьӧмӧн корим овны сідз, кыдз колӧ Енлӧ. Сія тіянӧс корӧ эд Аслас Юраланінӧ да югьяланінӧ.

2 Тимофейлӧ 1:9

Сія миянӧс мездіс, корис овны вежа олӧмӧн. Эз кор миянӧс бурсӧ керӧмным понда, корис Аслас шуӧм сьӧрті да бурсетӧмнас, кӧда вӧлі козьналӧм миянлӧ Кристос Исус пыр эшӧ быдӧс аркмӧтӧмӧдз.

1 Коринфын оліссезлӧ 10:13

Тіян вылӧ локтӧ сьӧкытыс-ылӧтлӧмыс, сія быд морткӧт вермас лоны, но Еныс надейнӧй, Сія оз коль. Сія мортыслӧ сетӧ сьӧкытсӧ выныс сьӧрті, оз сет унажыксӧ. Сьӧкыт кад коста вынсьӧтӧ, сетӧ отсӧтсӧ, медбы вермит сьӧкытсис петны.

Матвей 24:35

Муыс енӧжнас ӧшасӧ, а Менам кыввезӧ кольччасӧ вынаӧсь».

Галатияын оліссезлӧ 1:15

Еныс тай менӧ бӧрйӧм вӧлі мамӧ кынӧмын ни. Сія корис менӧ Аслас бурсетӧм вынӧн.

Римын оліссезлӧ 8:30

Кинӧс Еныс бӧрйис, нійӧ и корис. Кӧднӧ корис, нійӧ и керис Сы сьӧрті веськыта оліссезӧн. Кӧднӧ керис Сы сьӧрті веськыта оліссезӧн, нылӧ сетіс Ассис югьялӧмсӧ.

Иоан 1:17

Туйдӧтыс вӧлі сетӧм Моисей пыр. Бурсетӧмыс да быльыс локтісӧ Кристос Исус пыр.

Римын оліссезлӧ 9:24

Этна доззэс ─ мийӧ. Еныс Ачыс миянӧс корис кыдз иудей отирись, сідз и мӧдік отирись.

2 Фессалоникаын оліссезлӧ 2:14

Еныс корис тіянӧс мезмыны Бур Юӧр пыр, кӧдӧ тійӧ кыліт миянсянь. Сія корис тіянӧс, медбы миян Дӧсвидзись Кристос Исуслӧн югьялӧмыс вуджис тіянлӧ.