1 Фессалоникаын оліссезлӧ 5:21 - Бур Юӧр 2019

²¹ Быдӧс тӧдмалӧ-видзӧтӧ, бурыс бердӧ видзсьӧ.

1 Фессалоникаын оліссезлӧ 5:21 Mawu Ofanana

Лука 12:57

«Мыля и асьныт одӧ ылӧстӧ, мый буржык?

Иоан 15:4

Лоӧ Ме пытшкын, и Ме лоа тіян пытшкын. Ачыс улыс оз кӧ ло пуыс бердын, сэк оз вермы сетны воӧмсӧ. Сідз и тійӧ Метӧг одӧ вермӧ сетны воӧмсӧ.

Иоан 8:31

Сэк Исусыс висьталіс Сылӧ веритісь иудейеслӧ: «Пондат кӧ овны Менам кыв сьӧрті, сэк тійӧ былись Менам велӧтчиссез.

Ап. керӧммез 11:23

Сэтчин локтікӧ сія казяліс Енсянь бурсетӧмсӧ. Варнаваыс сысянь гажмис. Сія велӧтіс отирсӧ быдсӧн сьӧлӧмнаныс кутчисьны Дӧсвидзисьлӧ веритӧмас.

Ап. керӧммез 14:22

Сэтчинісь веритіссесӧ нія вынсьӧтісӧ, велӧтісӧ нійӧ видзсьыны веритӧмас. Нія висьталісӧ: «Уна пессьӧм-мырсьӧм пыр эд колас мунны, медбы пырны Енлӧн Юраланінӧ».

Ап. керӧммез 17:11

Сэтӧн олісь иудейес вӧлісӧ мывкыдажыкӧсь Фессалоникаын оліссезся. Нія бура кывзісӧ Кывсӧ. Быд лун висьталӧмсӧ видзӧтісӧ Вежа Гижӧттэз сьӧрті, былись я сідз гижӧм.

Римын оліссезлӧ 12:2

Эдӧ олӧ ӧння кадӧ оліссез моз. Вежсьӧ, мывкыднытӧ вильмӧтӧ. Сэк пондат тӧдны, мый Еныслӧ колӧ тіянсянь. Тійӧ вежӧртат, мый туйӧ керны, мый Сы сьӧрті да быдсӧн бур.

Римын оліссезлӧ 12:9

Радейтӧмныт ась оз ло дзир мыччалӧм могись. Умӧльсӧ керӧм дынісь бергӧтчӧ, кутчисьӧ бурыс бердӧ.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

1 Коринфын оліссезлӧ 2:11

Отирыс коласісь кин тӧдӧ, мый мортыс пытшкын? Сійӧ тӧдӧ дзир мортлӧн аслас лолыс. Сідз и Еныс йылісь вермас висьтасьны дзир Сылӧн Лолыс.

Галатияын оліссезлӧ 6:10

Кытчӧдз эм эшӧ кадыс, пондам керны бурсӧ быдӧнныслӧ. Ӧддьӧнжык пондам отсасьны миянкӧт веритіссезлӧ.

Ефесын оліссезлӧ 5:10

Тӧдмалӧ-видзӧтӧ да вежӧртӧ, мый Еныс сьӧрті.

Филипын оліссезлӧ 1:10

Кристослӧн бертан лунӧ сэк буржыксӧ тӧдӧмсянь тійӧ лоат сӧстӧмӧсь. Сэк некин оз вермы висьтавны тіян йылісь умӧльсӧ.

Филипын оліссезлӧ 3:16

Сідзкӧ, мый мийӧ ештім тӧдны, сійӧ колӧ юрын видзны да сы сьӧрті овны.

Филипын оліссезлӧ 4:8

Воннэзӧ, медбӧрын кора, авйӧ дзир сы йылісь, мый быль, мый туйӧ, мый веськыта, мый сӧстӧм, мый морт сьӧлӧм сьӧрті да мыйсянь долыт. Авйӧ дзир сы йылісь, мыйсянь бур петӧ да мый понда позьӧ ошкыны.

1 Фессалоникаын оліссезлӧ 5:15

Видзӧтӧ, медбы некинлӧ эд вештісьӧ умӧль понда умӧльӧн. Ӧтамӧднытлӧ да и быдӧнныслӧ пыр кошшӧ керны бурсӧ.

1 Фессалоникаын оліссезлӧ 5:22

Быдпӧлӧс умӧльыс дынісь ылынжыка видзсьӧ.

2 Фессалоникаын оліссезлӧ 2:15

Сідзкӧ, воннэзӧ, олӧ велӧтӧмыс бердӧ ёна видзсьӧмӧн! Сэтчӧ тійӧ велаліт миян висьталӧмсянь да ысталӧм гижӧттэзсянь.

2 Тимофейлӧ 1:15

Тэ тӧдан, Асиясис веритіссес быдӧнныс ме дынісь бергӧтчисӧ, нельки и Фигелл Ермогенкӧт.

2 Тимофейлӧ 3:6

Сэтшӧммес керкуэзӧ ылӧтлӧмӧн сюрӧны, кокнит мывкыда инькаэсӧ бӧбӧтлӧны. Сэтшӧм инькаэс умӧльсӧ керӧммезнаныс тырӧмась, ӧзйӧтчӧны быдкодь ковтӧмсӧ керны.

2 Тимофейлӧ 4:14

Ыргӧннас уджалісь Александр меным уна керис умӧльсӧ. Дӧсвидзисьыс ась вештӧ сылӧ уджыс сьӧрті.

Еврейезлӧ 10:23

Дугдывтӧг пондам видзсьыны сія надея бердӧ, кӧда йылісь висьтасям. Миянлӧ Кӧсйисисьыс эд надейнӧй.

1 Иоан 4:1

Донаэзӧ, быд ловлӧ эд веритӧ. Ловвесӧ тӧдмалӧ-видзӧтӧ, Енсянь я нія. Му вылас уна лоисӧ асьнысӧ Енсянь юӧртіссезӧ пуктіссес.

Осьтӧм 2:2

Ме тӧда тэнчит керӧмтӧ, тэнчит уджтӧ, тэнчит мылатӧ. Тэ он вермы видзӧтны лёк кериссес вылӧ. Тэ тӧдмалін-видзӧтін асьнысӧ апостоллэзӧн шуиссесӧ. Тэ казялін, нія абу апостоллэз, нія ─ бӧбӧтчиссез.

Осьтӧм 2:25

Менам локтӧмӧдз дзир видзсьӧ сы бердӧ, мый тіян эм.

Осьтӧм 3:11

Ме чожа локта. Бура видз сійӧ, мый тэнат эм, медбы некин эз мырддьы тэнчит юркытштӧ.

Осьтӧм 3:3

Уськӧт тӧдвылат, мый тэ кылін да босьтін. Ов сы сьӧрті да бергӧтчы умӧль керӧммет дынісь. Он кӧ саймы, Ме гусясись моз видзчисьтӧг локта тэ дынӧ. Менчим локтан кадӧс тэ он и понды тӧдны.