1 Фессалоникаын оліссезлӧ 5:14 - Бур Юӧр 2019

¹⁴ Воннэзӧ, корам тіянӧс: дышшесӧ мывкыдсьӧтӧ, поліссесӧ вынсьӧтӧ, вынтӧммеслӧ отсалӧ. Быдӧнныскӧт видзсьӧ ыджыт мылаӧн.

1 Фессалоникаын оліссезлӧ 5:14 Mawu Ofanana

Матвей 12:20

Кусіньтчӧм шатьсӧ Сія оз чегӧт, и чискан бисӧ оз кусӧт суд вылын веськыта бӧрйисьӧмӧдз.

Лука 22:32

Ме кейми тэ понда, медбы эн ӧшты веритӧмтӧ. Кӧр бӧр бертан, вынсьӧт ассит воннэтӧ».

Ап. керӧммез 20:27

Ме эд тіянлӧ висьталі быдӧс, мый Еныслӧ колӧ.

Ап. керӧммез 20:31

Сідзкӧ, лоӧ лӧсьӧтчӧмӧсь да эд вунӧтӧ, кыдз ме куим во сьӧрна ой и лун синва пыр дугдывтӧг велӧті тіян коласісь быдӧннытӧ.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Римын оліссезлӧ 12:1

Воннэзӧ, Еныс миян дынӧ небыт сьӧлӧма. Сійӧн кора тіянӧс: быдсӧн вывтырнаныт сетӧ асьнытӧ Еныслӧ ловья да вежа езъялан козин туйӧ. Сія козиныс Еныс сьӧрті. Сідз тійӧ бур мывкыдӧн вермат керны Сылісь вежа уджсӧ.

Римын оліссезлӧ 14:1

Веритӧмас вынтӧм мортсӧ дынаныт босьтӧ сэтшӧмӧн, кытшӧм сія эм. Сыкӧт эд етшасьӧ мӧдмоза вежӧртӧмыс кузя.

1 Коринфын оліссезлӧ 4:14

Гижӧмӧ абу сы понда, медбы пель йыввезӧдз гӧрдӧтіт, а ассим дона челядьӧс моз тіянӧс велӧта.

1 Коринфын оліссезлӧ 8:7

Но эта йылісь быдӧнныс озӧ тӧдӧ. Мукӧдыс одззамоз юраныс видзӧны, ас керӧм еннэс ловьяӧсь пӧ. Сэтшӧм еннэзлӧ вайӧм сёянсӧ нія сёйӧны кӧ, сэк сьӧлӧмныс шуӧ нійӧ сэрпӧссезӧн. Нія эд эшӧ вынтӧмӧсь, сійӧн умӧля вермӧны торйӧтны бурсӧ умӧльсис.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Ефесын оліссезлӧ 4:2

Сідзкӧ, лоӧ бур мывкыдаӧсь, рамӧсь, ыджыт мылааӧсь, радейтан сьӧлӧмсянь ӧтамӧднытӧ бурӧ пуктӧ.

Ефесын оліссезлӧ 4:32

Ӧтамӧдныт дынӧ лоӧ небыт сьӧлӧмаӧсь, тӧждісьӧ ӧтамӧдныт понда, эд видзӧ лӧгнытӧ. Кристоскӧт ӧтлаасьӧмныт понда Еныс эд тіянӧс проститіс.

Колосын оліссезлӧ 1:28

Мийӧ ӧні Сы йылісь висьтасям. Отирсӧ туйдӧтам да велӧтам быдсӧн мывкыднаным. Сідз керам, медбы Кристос Исускӧт ӧтлаасьӧм отирсӧ вайӧтны Еныс одзӧ быдсӧн буррезӧн.

2 Фессалоникаын оліссезлӧ 3:15

Но сійӧ эд пуктӧ паныт лэбтісьӧм мортӧ, а вонӧс моз велӧтӧ.

1 Тимофейлӧ 3:3

оз кодав, оз тышкась, отиркӧт бура лӧсялӧ, оз горшав, рам сьӧлӧма, оз етшась, сьӧм понда оз пукты ловсӧ.

1 Тимофейлӧ 6:11

Тэ Енлӧн морт, этаись пышшы. Тэ вынсяв Ен сьӧрті веськыта олӧмат, Енлӧ юрбитӧмат, веритӧмат, радейтӧмат, ыджыт мылаӧн да рама видзсьӧмат.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

Титлӧ 1:10

Миян коласын уна эмӧсь асныраэс, абутӧмсӧ баитіссес, бӧбӧтчиссес. Нія унажыксӧ вундыштыштӧм отир коласісь.

Титлӧ 1:6

Вичкуын веськӧтлісьлӧ колӧ лоны сэтшӧмӧн: сы сайын абу нем умӧльыс, сылӧн ӧтік инь. Челядьыс сылӧн веритӧны Кристослӧ да быдӧсын кывзісьӧны, медбы ны йылісь эзӧ баитӧ умӧльсӧ.

Еврейезлӧ 12:12

Сідзкӧ, вынсьӧтӧ лэдзчисьӧм киэзнытӧ, орӧм пидзӧссэзынтӧ!

Еврейезлӧ 13:3

Эд вунӧтлӧ отсавны пукаліссеслӧ, жыв и тійӧ ныкӧт ӧтлаын пукалат. Отсалӧ и нылӧ, кӧдналӧ лёк кериссезсянь умӧльыс усьӧ. Тійӧ эд кытчӧдз и асьныт му вылас олат.