1 Фессалоникаын оліссезлӧ 5:10 - Бур Юӧр 2019

¹⁰ Кристосыс куліс миян понда, медбы мийӧ, ловьяӧсь али кулӧмӧсь, Сыкӧт ӧтлаын олім.

1 Фессалоникаын оліссезлӧ 5:10 Mawu Ofanana

Матвей 20:28

Морт Зон эд эз лок, медбы Сылӧ кысъялісӧ. Сія локтіс кысъявны мӧдіккезлӧ да Аслас оланӧн вештісьны уна отирӧс небӧм понда».

Иоан 10:11

Ме ─ баляэз сьӧрын бур видзӧтісь. Баляэз сьӧрын бур видзӧтісьыс ассис ловсӧ пуктӧ баляэс понда.

Иоан 10:15

Айӧ тӧдӧ Менӧ, сідз и Ме тӧда Айӧс. Ассим оланӧс пукта баляэзӧ понда.

Иоан 10:17

Менӧ Айӧ радейтӧ сійӧн, мыля Ме сета Ассим оланӧс, медбы сійӧ бӧр босьтны.

Иоан 15:13

Кин ёрттэс понда пуктас кӧ ловсӧ, сэтшӧм радейтӧмыс медвына.

Римын оліссезлӧ 8:34

Кин вермас нійӧ судитны? Некин оз. Кристос Исусыс куліс да ловзис. Ӧні Сія Еныскӧт веськыт ладорас кеймисьӧ миян понда.

1 Коринфын оліссезлӧ 15:3

Ме висьтаси тіянлӧ медколанасӧ, мый ачым босьті сьӧлӧмам. Сія юӧрыс сэтшӧм: Кристосыс куліс миян умӧль керӧммез понда, кыдз и вӧлі гижӧм Вежа Гижӧтас.

2 Коринфын оліссезлӧ 5:15

Быдӧнныс понда куліс Кристосыс, медбы оліссес эзӧ ни олӧ ас пондасиныс, а олісӧ Кристосыс понда. Сія эд ны понда куліс да ловзис.

2 Коринфын оліссезлӧ 5:21

Кристосыслӧн эз вӧв ӧтік умӧль керӧм. Миянлісь умӧль керӧммесӧ Еныс пуктіс Сы вылӧ, медбы Сыкӧт ӧтлаасьӧмсянь мийӧ лоим Ен одзын веськыта оліссезӧн.

Ефесын оліссезлӧ 5:2

Олӧ ӧтамӧднытӧ радейтӧмӧн, кыдз и Кристосыс радейтӧ миянӧс. Сія эд миян понда сетіс Асьсӧ Еныслӧ чӧскыт руа езъялан козин туйӧ.

1 Фессалоникаын оліссезлӧ 4:13

Воннэзӧ, ог коль тіянлӧ висьтавтӧг кулӧммес йылісь, медбы тійӧ эдӧ тӧждісьӧ Енлӧ вериттӧм отир моз. Нылӧ эд нем бурсӧ видзчисьны.

1 Фессалоникаын оліссезлӧ 4:15

А этна тіянлӧ висьталӧм кыввезным Дӧсвидзисьлӧн: миян коласісь мукӧдыс пондасӧ овны Дӧсвидзисьлӧн локтӧмӧдз. Мийӧ, овны кольччӧммес, огӧ одзалӧ кулӧммесӧ.

1 Фессалоникаын оліссезлӧ 4:17

Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

1 Фессалоникаын оліссезлӧ 5:6

Сійӧн огӧ пондӧ узьны мӧдіккез моз. Пыр лоам лӧсьӧтчӧмӧсь да пондам овны садь юрӧн.

1 Тимофейлӧ 2:6

Сія Асьсӧ сетіс быдӧннысӧ небӧм понда. Сідз Еныс мыччаліс: мездан кадыс локтіс.

2 Тимофейлӧ 2:11

Этна кыввес веськыта висьталӧны: ─ Мийӧ Кристосыскӧт кӧ кулім, Сыкӧт и ловзям.

Титлӧ 2:14

Сія Асьсӧ сетіс миян понда, медбы миянӧс мездыны быдпӧлӧс умӧльсис да сӧстӧмтны Аслыс отирӧс, кӧда пыр кошшӧ керны бурсӧ.

1 Петра 2:24

Аслас вывтырӧн Сія миянлісь умӧль керӧммезнымӧс лэбтіс крест вылас, медбы мийӧ дугдім керны умӧльсӧ да пондім овны Ен сьӧрті веськыта. Сылӧн дойманіннэс тіянӧс веськӧтісӧ.

1 Петра 3:18

Ачыс Кристосыс эд миян умӧль керӧммез понда ӧтпыр пессис-мырсис, медбы миянӧс вайӧтны Еныс дынӧ. Веськыта Олісьыс сетіс ловсӧ умӧльсӧ кериссез понда. Сылісь вывтырсӧ вийисӧ, но Енлӧн Лолыс ловзьӧтіс.