1 Фессалоникаын оліссезлӧ 4:9 - Бур Юӧр 2019

⁹ Веритіссез коласын ӧтамӧдӧс радейтӧм йылісь тіянлӧ оз ков гижны. Тіянӧс Ачыс Еныс велӧтіс радейтны.

1 Фессалоникаын оліссезлӧ 4:9 Mawu Ofanana

Матвей 22:39

Мӧд тшӧктӧмыс одззаыс кодь: "Матісьтӧ радейт асьтӧ моз".

Иоан 14:26

Дорйисьыс ─ Вежа Лов. Сійӧ Айӧ ыстас Менам нимӧн. Вежа Лолыс велӧтас тіянӧс быдӧсӧ. Менчим быдӧс висьталӧмӧс Сія пондас уськӧтлыны тӧдвыланыт.

Ап. керӧммез 4:32

Веритіссеслӧн быдӧнныслӧн сьӧлӧммезныс да ловвезныс вӧлісӧ ӧтлаасьӧмӧсь. Ассиныс пажытьсӧ нія эзӧ шуӧ асланысӧн, быдӧс вӧлі ӧтласа.

Римын оліссезлӧ 12:10

Ӧтамӧднытӧ радейтӧ сьӧлӧмсянь, сой-вонӧс моз. Вынсьӧтчӧ ӧтамӧднытӧ бурӧ пуктыны.

2 Коринфын оліссезлӧ 9:1

Висьтавны кӧ, меным оз и ков тіянлӧ гижны Кристослӧн вежа отирлӧ отсасьӧм йылісь.

Филипын оліссезлӧ 3:15

Сідзкӧ, кин миян коласісь быдсӧн вежсис бурланьӧ, сылӧ сідз и колӧ авйыны. А мӧдмоза кӧ мыйкӧ авйатӧ, сійӧ тіянлӧ Еныс осьтас.

1 Фессалоникаын оліссезлӧ 5:1

Воннэзӧ, Енлӧн сувтӧтӧм каддэз йылісь тіянлӧ оз ков гижны.

Еврейезлӧ 10:16

─ Нія луннэз бӧрын Ме отирыскӧт кера йитӧт, висьталӧ Дӧсвидзисьыс. Ассим Туйдӧтӧс пукта сьӧлӧммезаныс, юраныс нылӧ гижа.

Еврейезлӧ 13:1

Воннэзӧ, ӧтамӧднытӧ пыр радейтӧ.

1 Петра 3:8

Медбӧрын содта: тіян вежӧртӧмныт да юраныт видзӧмныт ась лоӧ ӧткодь. Ӧтамӧд понда тӧждӧ, ӧтамӧдӧс радейтӧ да бур мывкыдӧн кывзісьӧ, отсасьӧ да ас коласаныт лӧсялӧ.

1 Петра 4:8

Сьӧлӧмсянь радейтӧ ӧтамӧднытӧ. Радейтӧмыс эд медколана, сія уна умӧль керӧм вевттьӧ.

2 Петра 1:7

Енлӧ юрбитӧмныт ─ воннэзӧс радейтӧмнытӧ, воннэзнытӧ радейтӧмныт ─ быдӧннысӧ радейтӧмнытӧ.

1 Иоан 2:10

Мортыс радейтӧ кӧ вонсӧ, сэк сія олӧ югытын. Сы пытшкын абу ни умӧльыс, мыйсянь бы мӧдік ылаліс.

1 Иоан 3:11

Сідз эд тіянлӧ вӧлі висьталӧм: «Радейтӧ ӧтамӧднытӧ». Сійӧ висьталӧмсӧ тійӧ кывліт одззасянь ни.

1 Иоан 3:23

Еныс тшӧктіс, медбы мийӧ веритім Сылӧн Кристос Исус Зонлӧ да радейтім ӧтамӧднымӧс.

1 Иоан 4:21

Миян эм Сылӧн сэтшӧм тшӧктӧм: Енсӧ радейтісьыс ась радейтӧ и вонсӧ.