1 Фессалоникаын оліссезлӧ 4:4 - Бур Юӧр 2019

⁴ Быднытлӧ колӧ кужны видзны ассиныт вывтырнытӧ вежаӧн, медбы тіянӧс пуктісӧ бур отирӧ.

1 Фессалоникаын оліссезлӧ 4:4 Mawu Ofanana

Ап. керӧммез 9:15

Дӧсвидзисьыс сылӧ висьталіс: «Мун. Сія Менам бӧрйӧм морт. Сія пондас висьтасьны Менам ним йылісь быдпӧлӧс отирлӧ, ӧксуэзлӧ да и Израиль отирлӧ.

Римын оліссезлӧ 1:24

Сійӧн Еныс колис нійӧ керны сьӧлӧмсиныс петӧмсӧ ─ ӧзйӧтчӧмныс сьӧрті сэрпӧсьсӧ. Сысянь асьныс сэрпӧсьтісӧ ассиныс вывтырнысӧ.

Римын оліссезлӧ 12:1

Воннэзӧ, Еныс миян дынӧ небыт сьӧлӧма. Сійӧн кора тіянӧс: быдсӧн вывтырнаныт сетӧ асьнытӧ Еныслӧ ловья да вежа езъялан козин туйӧ. Сія козиныс Еныс сьӧрті. Сідз тійӧ бур мывкыдӧн вермат керны Сылісь вежа уджсӧ.

Римын оліссезлӧ 6:19

Ме баита быд лунся сёрниӧн умӧля вежӧртӧмныт кузя. Одзжык тійӧ лэдзліт вывтырсиныт быд торлӧ керны умӧльсӧ, сэрпӧсьсӧ да ковтӧмсӧ. Ӧні вывтырсиныт быд торныт ась олӧ Ен сьӧрті веськыта да керӧ вежа уджсӧ.

1 Коринфын оліссезлӧ 6:15

Одӧ разь тійӧ тӧдӧ: тіян вывтырныт Кристос вывтырлӧн тор? Босьта я Кристосыс вывтырись торсӧ, медбы керны сійӧ кыскасись инькалӧ торӧн? Сідз некӧр ог кер!

1 Коринфын оліссезлӧ 7:2

Но медбы эд лэдзчисьӧ кыскасьны, быд ай мортлӧ колӧ босьтны аслыс иньӧс, а быд инькалӧн ась лоас аслас жӧник.

1 Коринфын оліссезлӧ 7:9

Озӧ кӧ вермӧ видзсьыны, ась гӧтрасьӧны, петӧны жӧник сайӧ. Вывтыр ӧзйӧтӧмся буржык эд гӧтрасьны.

2 Коринфын оліссезлӧ 4:7

Мийӧ эд дзир сёйись доззэз. Ас пытшканым видзам сійӧ донася-донасӧ, медбы отирыс адззисӧ: вӧвлытӧм выныс локтӧ Енсянь, сія абу миянсянь.

Филипын оліссезлӧ 4:8

Воннэзӧ, медбӧрын кора, авйӧ дзир сы йылісь, мый быль, мый туйӧ, мый веськыта, мый сӧстӧм, мый морт сьӧлӧм сьӧрті да мыйсянь долыт. Авйӧ дзир сы йылісь, мыйсянь бур петӧ да мый понда позьӧ ошкыны.

Еврейезлӧ 13:4

Гозъя коласын ась быдӧс керсьӧ бӧбӧттӧг. Ас коласын овтӧн ась быдӧс лоӧ сӧстӧм. Гозйӧн овтӧн ӧтамӧд сайсянь ветлӧтіссесӧ да кыскасиссесӧ быдӧннысӧ эд Еныс пондас судитны.

1 Петра 3:7

Сідз и тійӧ, жӧниккез, олӧ иннезныткӧт бур мывкыдӧн, лебезнӧй дозкӧт моз, нія эд вынтӧмжыкӧсь. Нійӧ буррезӧ пуктӧ. Нылӧ эд тіянкӧт ӧтлаын сетӧны Енлісь лӧсьӧтӧм пайсӧ ─ бурсетӧмсӧ да олансӧ. Сідз кӧ олат, сэк кеймыны тіянӧс нем оз понды падмӧтны.