1 Фессалоникаын оліссезлӧ 4:17 - Бур Юӧр 2019

¹⁷ Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

1 Фессалоникаын оліссезлӧ 4:17 Mawu Ofanana

Матвей 26:64

Исусыс Сылӧ горӧтчис: «Тэ висьталін. Унажык висьтала: ӧнісянь тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Марк 14:62

Исусыс висьталіс: «Ме. Тійӧ казялат Морт Зонсӧ вына Енкӧт веськыт ладорас Пукалісьӧн, енӧжын кымӧррез вылӧт Локтісьӧн».

Иоан 12:26

Меным кысъялісьыс ась локтӧ Ме сьӧрӧ. Кытӧн Ме лоа, сэтӧн лоас и кысъялісьӧ. И Меным кысъялісьсӧ Айӧ бурӧ пуктас.

Иоан 14:3

Муна, лӧсьӧта тіянлӧ оланінсӧ да локта бӧр, босьта тіянӧс дынам.

Иоан 17:24

Айӧ! Меным колӧ, медбы Меным Тэнат сетӧммес вӧлісӧ сэтчин, кытӧн Ме лоа. Нія ась адззӧны Менчим югьялӧмсӧ, кӧдӧ Тэ Меным сетін. Быдӧс аркмӧтӧмӧдз эд Тэ Менӧ радейтін ни.

Ап. керӧммез 1:9

Сідз висьталӧм бӧрын Исусыс ны син одзын лэбтісис енӧжӧ. Кымӧрыс сайӧвтіс Сійӧ, и Сія эз понды тыдавны.

Ап. керӧммез 8:39

Нія петісӧ васис. Сэтӧн мортыс вылӧ лэдзчисис Вежа Лолыс. Мортыс гажмис да вӧрзис одзлань. Васис петӧм бӧрын сія эз ни адззыв Филипсӧ. Сійӧ нуӧтіс Дӧсвидзисьлӧн ангел.

1 Коринфын оліссезлӧ 15:52

Быдӧс аркмас видзчисьтӧг, синӧн кваркыш он ешты керны. Кӧр букӧстас медбӧрья буксан, сэк кулӧммес чеччасӧ сісьмытӧмӧсь, а мийӧ вежсямӧ.

2 Коринфын оліссезлӧ 5:8

Мийӧ огӧ полӧ. Асьным юраным видзам, миянлӧ буржык петны вывтырсиным да пырны Дӧсвидзись дынӧ.

Филипын оліссезлӧ 1:23

Меным колӧ и ӧтыс, и мӧдыс. Ме му вывсис бы муна ни, медбы овны Кристосыскӧт. Эта меным медбур.

1 Фессалоникаын оліссезлӧ 3:13

Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

1 Фессалоникаын оліссезлӧ 4:15

А этна тіянлӧ висьталӧм кыввезным Дӧсвидзисьлӧн: миян коласісь мукӧдыс пондасӧ овны Дӧсвидзисьлӧн локтӧмӧдз. Мийӧ, овны кольччӧммес, огӧ одзалӧ кулӧммесӧ.

1 Фессалоникаын оліссезлӧ 4:18

Сідзкӧ, ӧтамӧднытлісь сьӧлӧммезнытӧ бурмӧтӧ этна кыввезӧн.

1 Фессалоникаын оліссезлӧ 5:10

Кристосыс куліс миян понда, медбы мийӧ, ловьяӧсь али кулӧмӧсь, Сыкӧт ӧтлаын олім.

2 Петра 3:13

Висьтавны кӧ, мийӧ видзчисям Еныслісь кӧсйӧмсӧ: виль енӧж да виль му. Сэтчин быдӧнныс олӧны Ен сьӧрті веськыта.

Осьтӧм 1:7

─ То, Сія локтӧ кымӧррез вылын, быдыс казялас Сійӧ аслас синнэзӧн. Казяласӧ и Сійӧ бытшкиссес. Му вывсис быдӧс увтыррес Сы одзын бӧрдны-горзыны пондасӧ. Сідз быдӧс и лоас! Аминь.

Осьтӧм 11:12

Висьталіссес кылісӧ енӧжсис гора шы: «Лэбтісьӧ татчӧ!» Лёк кериссез син одзын нія лэбтісисӧ енӧжас кымӧр вылын.

Осьтӧм 12:5

Инькаыслӧн чужис зон. Сія пондас видзӧтны быдӧс отир сьӧрын кӧрт бедьӧн. Сійӧ кагасӧ лэбтісӧ Еныс дынӧ, Сылӧн юралан пукӧс дынӧ.