1 Фессалоникаын оліссезлӧ 4:14 - Бур Юӧр 2019

¹⁴ Мийӧ веритам: Исусыс куліс да ловзис. Сэк и нійӧ, кӧдна веритісӧ Исусыслӧ да кулісӧ ни, Еныс ӧтлаын Исускӧт вайӧтас дынас.

1 Фессалоникаын оліссезлӧ 4:14 Mawu Ofanana

Матвей 24:31

Буксанлӧн гора шы коста Сія иньдас Ассис ангеллэсӧ му вылас нёльнан ладорӧ. Нія ӧктасӧ Сылісь бӧрйӧммесӧ енӧж увтсис ӧт дорсянь мӧд дорӧдззас.

Римын оліссезлӧ 14:9

Кристосыс эд сы понда и куліс да ловзис, медбы юравны кулӧммез да ловьяэз вылын.

Римын оліссезлӧ 8:11

Еныс Кристоссӧ ловзьӧтіс кулӧмсис. Олӧ кӧ тіян пытшкын Енлӧн Лолыс, Еныс и тіянлісь кулӧм вывтыррезнытӧ ловзьӧтас Аслас Лолӧн. Ӧні Сія Лолыс олӧ пытшканыт.

1 Фессалоникаын оліссезлӧ 3:13

Сія ась вынсьӧтас тіянлісь сьӧлӧммезнытӧ, медбы вӧліт сӧстӧммезӧн да вежаэзӧн Ен Айным одзын, кӧр миян Дӧсвидзись Кристос Исусным локтас быдӧс вежаэскӧт. Аминь.

1 Фессалоникаын оліссезлӧ 4:13

Воннэзӧ, ог коль тіянлӧ висьтавтӧг кулӧммес йылісь, медбы тійӧ эдӧ тӧждісьӧ Енлӧ вериттӧм отир моз. Нылӧ эд нем бурсӧ видзчисьны.

1 Фессалоникаын оліссезлӧ 4:17

Сэсся мийӧ, ловйӧн кольчӧммес, ныкӧт ӧтлаын лэбтісям кымӧр вылын руас пантасьны Дӧсвидзиськӧт. Сэксянь Дӧсвидзисьыскӧт пыр ӧтлаын лоам.

2 Фессалоникаын оліссезлӧ 2:1

Гижам миян Дӧсвидзись Кристос Исуслӧн локтӧм йылісь да Сы дынӧ миян ӧксьӧм йылісь. Воннэзӧ, кеймисям тіянлӧ:

Осьтӧм 1:18

Ме ловья. Ме вӧлі кулӧм, но ӧні Ме ловья да понда пыр овны. Аминь. Адсис да кулӧмсис ключчес Менам киын.

Осьтӧм 14:13

Сэк ме кылі шы, кӧда висьталіс меным енӧжсянь: «Гиж: Шудаӧсь нія, кӧдна ӧнісянь кулӧны Дӧсвидзисьлӧ веритӧмӧн. "Сідз эд", шуӧ Лов. "Ӧні нія шоччисясӧ асланыс уджжезісь. Нылӧн керӧмныс локтӧ ны бӧрсянь"».