1 Фессалоникаын оліссезлӧ 4:12 - Бур Юӧр 2019

¹² Сэк Енлӧ вериттӧм отирыс пондасӧ бурӧ пуктыны тіянӧс, да и тіян быдӧс лоас тырмӧмви.

1 Фессалоникаын оліссезлӧ 4:12 Mawu Ofanana

Марк 4:11

Исусыс шуис нылӧ: «Енлӧн Юралӧмись тӧдлытӧмсӧ тіянлӧ сетӧм тӧдны, а мӧдіккес кылӧны велӧтан висьттэзісь.

Римын оліссезлӧ 12:17

Некинлӧ эд вештісьӧ умӧльыс понда умӧльнас. Ась отирыс адззӧны, тійӧ вынсьӧтчат керны бурсӧ.

Римын оліссезлӧ 13:13

Лунӧн моз пондам овны бытшӧма: огӧ пондӧ кодавны, огӧ лэдзчисьӧ, огӧ пондӧ видчыны, огӧ пондӧ кыскасьны, огӧ пондӧ завидуйтны.

Ефесын оліссезлӧ 4:28

Кин гусясис, сэсся эн гусясь. Буржык эд, пондан кӧ уджавны, аслат киэзӧн керны бурсӧ, медбы и мӧдіккезлӧ вермин отсавны.

Филипын оліссезлӧ 4:8

Воннэзӧ, медбӧрын кора, авйӧ дзир сы йылісь, мый быль, мый туйӧ, мый веськыта, мый сӧстӧм, мый морт сьӧлӧм сьӧрті да мыйсянь долыт. Авйӧ дзир сы йылісь, мыйсянь бур петӧ да мый понда позьӧ ошкыны.

Колосын оліссезлӧ 4:5

Мӧдіккескӧт, кӧдна озӧ веритӧ, асьнытӧ видзӧ бур мывкыдӧн. Позьӧ кӧ, быд кадӧ ныкӧт баитӧ.

1 Фессалоникаын оліссезлӧ 5:22

Быдпӧлӧс умӧльыс дынісь ылынжыка видзсьӧ.

1 Тимофейлӧ 3:7

Колӧ, медбы и мӧдік отир, кӧдна абу вичкуын, сія морт йылісь бура баитісӧ. Сэк сійӧ некин оз понды ӧмавны да сія оз сюр кульлӧн кыянӧ.

1 Петра 2:12

Енсӧ тӧдтӧммес тіянӧс видӧны лёк кериссезӧс моз. Ны коласын овтӧн керӧ нылӧ бурсӧ. Нія пондасӧ адззыны нылӧ бурсӧ керӧмнытӧ да ошкасӧ Енсӧ Сылӧн локтан Лунӧ.

1 Петра 3:1

Иннез, кывзісьӧ жӧниккезнытӧ. Мукӧдыслӧн жӧниккезныс озӧ кывзісьӧ Еныслісь Кывсӧ. Нія ась иннезныс вылӧ видзӧтӧмӧн, висьтавтӧг да велӧттӧг локтасӧ Кристосыс дынӧ.