1 Фессалоникаын оліссезлӧ 4:11 - Бур Юӧр 2019

¹¹ Вынсьӧтчӧ овны лӧня. Уджалӧ, асланыт киэзӧн шедтӧ оланын коланасӧ. Тіянӧс сідз овны и одзжык мийӧ тшӧктім.

1 Фессалоникаын оліссезлӧ 4:11 Mawu Ofanana

Марк 13:34

Сія кадыс кыдз морт, кӧда петӧ туйӧ, ассис керкусӧ кольӧ раббез киӧ. Быдыслӧ сетӧ удж, а ыбӧс сьӧрын видзӧтісьлӧ оз тшӧкты и син куньны.

Ап. керӧммез 18:3

Сылӧн ныкӧт вӧлі ӧткодь удж ─ керны палаткаэз. Сійӧн Павелыс кольччис ны ордын да ӧтлаын ныкӧт уджаліс.

Ап. керӧммез 20:35

Быдӧсын ме тіянлӧ мыччалі, кыдз колӧ уджавны да отсавны вынтӧммеслӧ. Тӧдвыланыт видзӧ Дӧсвидзись Исуслісь кыввесӧ. Сія эд Ачыс висьталіс: сетавны босьтӧмысся буржык».

Римын оліссезлӧ 12:11

Ловнытӧ ӧзйӧтӧ. Быд вынісь уджалӧ Дӧсвидзисьыслӧ, эд сайкалӧ.

Римын оліссезлӧ 15:20

Ме эг керлы сетӧм уджӧс мӧдіккезӧн увтсӧ пуктӧм вылын. Бур Юӧрсӧ пыр висьтасьлі сэтчин, кытӧн Кристос ним йылісь эзӧ на кывлӧ.

1 Коринфын оліссезлӧ 4:12

Мийӧ уджалам, асланым киэзӧн шедтам няньсӧ. Миян йылісь умӧля баитӧны, а мийӧ бласлӧвитам. Миянӧс вашӧтлӧны, а мийӧ шы огӧ сетӧ.

2 Коринфын оліссезлӧ 5:9

Сійӧн, олам я Сы дынын, огӧ на олӧ я, тӧждісьӧмӧн вынсьӧтчам, медбы пыр вӧлім Сылӧ туяна отирӧн.

Ефесын оліссезлӧ 4:28

Кин гусясис, сэсся эн гусясь. Буржык эд, пондан кӧ уджавны, аслат киэзӧн керны бурсӧ, медбы и мӧдіккезлӧ вермин отсавны.

1 Тимофейлӧ 2:2

Кеймӧ юраліссез да веськӧтліссез понда, медбы миянлӧ овны лӧня, отиркӧт лӧсялӧмӧн, Енлӧ юрбитӧмӧн да асьнымӧс бура видзӧмӧн.

1 Тимофейлӧ 5:13

Керкуись керкуӧ ветлӧттӧн нія велалӧны весь овны, ковтӧмсӧ баитны да быдлаӧ юрнысӧ сюйлыны.

Титлӧ 3:14

Ась и мияніссес велӧтчӧны керны бурсӧ, отсасьны быд колан торын. Сэк озӧ кольччӧ бур воӧмтӧг.

1 Петра 3:4

Еныслӧ эд дона мортыслӧн пытшкисьыс: рам сьӧлӧм да асьсӧ лӧня видзны кужӧм. Сія басӧкыс оз ӧш.

1 Петра 4:15

Тіян коласісь некин ась оз пессьы-мырсьы вийӧм понда, гусясьӧм понда, лёк керӧм понда да мырддьӧм понда.