1 Фессалоникаын оліссезлӧ 4:1 - Бур Юӧр 2019

¹ Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

1 Фессалоникаын оліссезлӧ 4:1 Mawu Ofanana

Иоан 15:2

Менчим уввесӧ, кӧдна озӧ вайӧ воӧмсӧ, Сія кералӧ. Нійӧ уввесӧ, кӧдна вылын эм воӧмыс, Сія весӧтӧ, медбы унажык вайисӧ воӧмсӧ.

Ап. керӧммез 20:27

Ме эд тіянлӧ висьталі быдӧс, мый Еныслӧ колӧ.

Римын оліссезлӧ 8:8

Сійӧн умӧльсӧ керан вывтыр сьӧрті оліссес озӧ вермӧ керны Еныс сьӧрті.

1 Коринфын оліссезлӧ 11:23

Тіянлӧ ме висьтавлі ни, кыдз колӧ керны. Меным сійӧ висьталіс Ачыс Дӧсвидзисьыс. Дӧсвидзись Исусыс сія ойӧ, кӧр вӧлі вузалӧм, босьтӧм нянь.

1 Коринфын оліссезлӧ 15:1

Воннэзӧ, тӧдвыланыт вайӧта Бур Юӧрсӧ, кӧдӧ ме одзжык висьтаси тіянлӧ. Тійӧ сійӧ кывсӧ босьтіт сьӧлӧманыт, бура видзсят сы бердӧ.

1 Коринфын оліссезлӧ 15:58

Менам дона воннэзӧ, сідзкӧ, ёна сулалӧ, эд вӧрзьӧ. Дугдывтӧг керӧ Дӧсвидзисьлісь уджсӧ. Тӧдӧ, абу весись Дӧсвидзись понда керӧм уджныт.

2 Коринфын оліссезлӧ 10:1

Кинкӧ ме йылісь шуӧ, сія пӧ тіян коласын лӧнь, а ылісянь гижны дак оз пов. Ме, Павел, Кристослӧн лӧнь да рам сьӧлӧмсянь ӧні баита тіянлӧ.

2 Коринфын оліссезлӧ 13:11

Воннэзӧ, медбӧрын висьтала: пыр лоӧ гажаӧсь, вежсьӧ бурланьӧ, ӧтамӧднытӧ бурӧтӧ, ӧтамӧдныткӧт лӧсялӧ, олӧ лӧня. Сэк лӧньсӧ да радейтӧмсӧ сетісь Еныс оз коль тіянӧс.

2 Коринфын оліссезлӧ 5:9

Сійӧн, олам я Сы дынын, огӧ на олӧ я, тӧждісьӧмӧн вынсьӧтчам, медбы пыр вӧлім Сылӧ туяна отирӧн.

2 Коринфын оліссезлӧ 6:1

Мийӧ Еныскӧт ӧтвыв уджаліссез. Сійӧн кеймисям тіян одзын: Енлісь бурсетӧмсӧ босьтӧ сьӧлӧманыт, медбы сія эз вӧв тіянлӧ весись сетӧм.

Галатияын оліссезлӧ 6:1

Воннэзӧ, керас кӧ мортыс мыйкӧ умӧльӧ, сэтшӧм мортсӧ рам сьӧлӧмӧн туйдӧтӧ. Тійӧ эд Лов сьӧрті оліссез. Быдыс тіян коласісь ась видзӧтӧ ас сьӧрас, медбы асьныт эдӧ ылалӧ.

Ефесын оліссезлӧ 4:1

Ме, Дӧсвидзись понда пукалісь, кеймися тіянлӧ: олӧ сідз, кыдз колӧ овны Енлӧн корӧммезлӧ.

Ефесын оліссезлӧ 4:20

А тійӧ Кристосыссянь велаліт овны мӧдмоза.

Ефесын оліссезлӧ 5:17

Сідзкӧ, эд лоӧ абыззэзӧн, вежӧртӧ, мый колӧ Еныслӧ.

Филипын оліссезлӧ 1:27

Мый бы эз вӧв, лоӧ Кристослӧ туяна отирӧн, олӧ Сы Бур Юӧр сьӧрті. Локта тіян дынӧ, ог я лок, адззыла тіянӧс, ог я ─ ась ме кыла тіян йылісь бурсӧ: тійӧ пӧ ӧтлаын, ӧтік сьӧлӧмӧн кутчисит дорйыны Бур Юӧрсӧ да ассиныт веритӧмнытӧ

Филипын оліссезлӧ 1:9

Ме кейма, медбы тіян радейтӧмныт вынсяліс. Радейтӧмнытсянь ась содӧ тіян тӧдӧмныт да вежӧртӧмныт.

Филипын оліссезлӧ 3:14

Тэрмася котӧртны одзлань, медбы босьтны енӧжись козинсӧ. Сійӧ босьтны Еныс корис Кристос Исускӧт ӧтлаасьӧммесӧ.

Колосын оліссезлӧ 1:10

Мийӧ кеймам, медбы тіян оланныт вайис Енлӧ ошкӧм и быдӧс керит Сы сьӧрті. Кеймам, медбы бурсӧ керӧмнаныт вайит воӧм да буржыка пондіт тӧдны Енсӧ.

Колосын оліссезлӧ 2:6

Тійӧ Дӧсвидзись Кристос Исуссӧ босьтіт сьӧлӧманыт. Сідзкӧ, сідз и одзлань олӧ Сыкӧт ӧтлаасьӧмӧн.

1 Фессалоникаын оліссезлӧ 3:12

Дӧсвидзисьыс ась унапӧв содтас тіянлӧ радейтӧмсӧ радейтны ӧтамӧднытӧ да и быд мортсӧ. Мийӧ эд асьным сідз радейтам тіянӧс.

1 Фессалоникаын оліссезлӧ 4:2

Тӧдат эд, кытшӧм тшӧктӧммез Дӧсвидзись Исуссянь мийӧ сетім тіянлӧ.

1 Фессалоникаын оліссезлӧ 5:12

Воннэзӧ, бурӧ пуктӧ тіян дынын уджаліссесӧ, вичкуын Дӧсвидзись нимӧн веськӧтліссесӧ да тіянӧс велӧтіссесӧ.

2 Фессалоникаын оліссезлӧ 1:3

Воннэзӧ, миянлӧ дугдывтӧг колӧ буркывтны Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.

2 Фессалоникаын оліссезлӧ 2:1

Гижам миян Дӧсвидзись Кристос Исуслӧн локтӧм йылісь да Сы дынӧ миян ӧксьӧм йылісь. Воннэзӧ, кеймисям тіянлӧ:

2 Фессалоникаын оліссезлӧ 3:1

А ӧні воннэзӧ, кора тіянӧс: кеймӧ миян понда. Дӧсвидзисьлӧн Кылыс ась перыта паськалӧ, медбы сійӧ бурӧ пуктісӧ да сія йиджис кывзіссес сьӧлӧмӧ тіянын моз.

2 Фессалоникаын оліссезлӧ 3:13

Воннэзӧ, бурсӧ керны садьныт ась оз быр.

1 Тимофейлӧ 5:21

Ен одзын, Дӧсвидзись Кристос Исус одзын да бӧрйӧм ангеллэс одзын ме и кора, и тшӧкта тэнӧ: быдӧс кер велӧтӧмӧ сьӧрті. Ассянят нем эн кер, морт вылӧ эн видзӧт.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

Еврейезлӧ 11:6

Вериттӧг Ен сьӧрті он вермы керны. Еныс дынӧ локтісьлӧ колӧ веритны: Еныс эм, и Сійӧ кошшись мортлӧ Сія сетас козинсӧ.

Еврейезлӧ 13:16

Эд вунӧтлӧ керны бурсӧ. Мыйӧн вермат, отсасьӧ. Сэтшӧм езъялан козиныс Еныс сьӧрті.

Еврейезлӧ 13:22

Воннэзӧ, кора тіянӧс: видзсьӧ этна велӧтана кыввез бердӧ. Ме эд унасӧ эг гиж.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.

1 Иоан 3:22

И быдӧс, мый корам Еныслісь, Сія миянлӧ сетас. Мийӧ эд олам Сы тшӧктӧммез сьӧрті, Сы сьӧлӧм сьӧрті керам бурсӧ.