1 Фессалоникаын оліссезлӧ 3:12 - Бур Юӧр 2019

¹² Дӧсвидзисьыс ась унапӧв содтас тіянлӧ радейтӧмсӧ радейтны ӧтамӧднытӧ да и быд мортсӧ. Мийӧ эд асьным сідз радейтам тіянӧс.

1 Фессалоникаын оліссезлӧ 3:12 Mawu Ofanana

Матвей 22:39

Мӧд тшӧктӧмыс одззаыс кодь: "Матісьтӧ радейт асьтӧ моз".

Матвей 7:12

Сідзкӧ, мый тійӧ видзчисят отирсянь, быдӧс сійӧ и асьныт керӧ нылӧ. Сідз керны велӧтӧны Туйдӧтыс да Енсянь юӧртіссеслӧн гижӧттэс».

Лука 17:5

Апостоллэс Дӧсвидзисьыслӧ висьталісӧ: «Содты веритӧмнымӧс».

Римын оліссезлӧ 13:8

Ӧтамӧдӧс радейтӧмся некинлӧ немӧн эдӧ кольччӧ одзӧсын. Мӧдік мортӧс радейтісьыс эд быдӧс керис Туйдӧтыс сьӧрті.

2 Коринфын оліссезлӧ 9:10

Кӧдзисьыслӧ кӧдзыссӧ да сёян няньсӧ Сетісьыс сетас кӧдзыссӧ и тіянлӧ. Быдтас тіянлісь кӧдзӧмнытӧ да Ен сьӧрті веськыта олӧмнытлісь воӧмсӧ унапӧв содтас.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Галатияын оліссезлӧ 5:6

Вундыштыштӧм тэ, абу я, Кристос Исускӧт ӧтлаасьӧммеслӧ сія нем оз сет. Эстӧн медколанаыс веритӧм, кӧда тыдалӧ радейтӧм пыр.

Филипын оліссезлӧ 1:9

Ме кейма, медбы тіян радейтӧмныт вынсяліс. Радейтӧмнытсянь ась содӧ тіян тӧдӧмныт да вежӧртӧмныт.

1 Фессалоникаын оліссезлӧ 2:8

Миянӧс сьӧлӧмным кыскӧ тіян дынӧ. Мийӧ тіянлӧ висьтасим Бур Юӧрсӧ и ассиным ловнымӧс пуктім тіян понда. Тійӧ сэтшӧм донаӧсь лоит миянлӧ.

1 Фессалоникаын оліссезлӧ 4:1

Воннэзӧ, миянсянь тійӧ тӧдат, кыдз колӧ овны Ен сьӧрті. Тійӧ сідз и олат. Но корам тіянӧс и кеймисям Кристос Исус нимӧн: вынсьӧтчӧ эшӧ буржыка овны Еныс сьӧрті.

1 Фессалоникаын оліссезлӧ 5:15

Видзӧтӧ, медбы некинлӧ эд вештісьӧ умӧль понда умӧльӧн. Ӧтамӧднытлӧ да и быдӧнныслӧ пыр кошшӧ керны бурсӧ.

2 Фессалоникаын оліссезлӧ 1:3

Воннэзӧ, миянлӧ дугдывтӧг колӧ буркывтны Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.

Яков 1:17

Быд бур сетӧмыс, бурся-бур да вына козиныс локтӧ вылісянь. Сійӧ сетӧ югдӧтаннэслӧн Айыс, Кӧда оз вежсьывлы, и Кӧдалӧн югытыс оз пемды.

2 Петра 1:7

Енлӧ юрбитӧмныт ─ воннэзӧс радейтӧмнытӧ, воннэзнытӧ радейтӧмныт ─ быдӧннысӧ радейтӧмнытӧ.

2 Петра 3:18

Зорамӧ миянлісь Дӧсвидзисьсӧ, Кристос Исус Мездӧтісьсӧ тӧдӧмын да Сылӧн бурсетӧмын. Сылӧ ӧні да и Пырся Лунӧ ошкӧм! Аминь.