1 Фессалоникаын оліссезлӧ 2:5 - Бур Юӧр 2019

⁵ Тійӧ тӧдат: мийӧ некӧр эгӧ баитӧ виа бордӧн мавтӧмӧн моз. Мийӧ нем эгӧ керӧ аслыным мыйкӧ босьтӧм могись, Еныс тӧдӧ.

1 Фессалоникаын оліссезлӧ 2:5 Mawu Ofanana

Матвей 22:16

Исусыс дынӧ нія ыстӧмась ассиныс велӧтчиссесӧ да Иродлісь отирсӧ. Локтӧммес шуисӧ: «Велӧтісь, мийӧ тӧдам, Тэ веськыта баитан, былись Еныс тшӧктӧм сьӧрті велӧтан овны. Тэ он пов и он кошшы, кыдз бы морт сьӧрті керны.

Матвей 23:13

«Ӧддьӧн умӧль лоас тіянлӧ, Туйдӧтӧ велӧтіссез да фарисейез! Ылӧтлісь отир! Енӧжись Юраланінӧ пыранінсӧ тійӧ отирыс одзын пӧдналат. Тійӧ асьныт одӧ пырӧ, и кин мӧдіс пырны, сійӧ одӧ лэдзӧ.

Ап. керӧммез 20:33

Зарни, эзысь, паськӧм меным тіянсянь эз ков.

Римын оліссезлӧ 1:9

Еныс тӧдӧ, ме пыр видза тіянӧс тӧдвылам. Сылӧ ме кысъяла. Быдсӧн лолӧс пукта Сы уджӧ, висьтася Ен Зон йылісь Бур Юӧрсӧ.

Римын оліссезлӧ 16:18

Сэтшӧммес озӧ уджалӧ миян Дӧсвидзись Кристос Исуслӧ. Нія уджалӧны асланыс гырклӧ. Басӧка да ылӧтлӧмӧн баитӧмнаныс нія бӧбӧтлӧны кокнита веритіссесӧ.

Римын оліссезлӧ 9:1

Ме, Кристослӧн морт, висьтала быльсӧ и менам сьӧлӧмӧ ӧтлаын Вежа Ловкӧт висьталӧ: ме ог бӧбӧт.

2 Коринфын оліссезлӧ 12:17

Ме тіян дынӧ ыстывлі отирӧс. Видзи я ме мыйкӧ мӧдіккез пыр ас вылам?

2 Коринфын оліссезлӧ 2:17

Мӧддэс моз мийӧ огӧ вузасьӧ Еныс Кылӧн. Мийӧ сьӧлӧмсянь висьтасям Кывсӧ, кыдз Еныссянь. Быдӧс керам Еныс одзын Кристосыскӧт ӧтлаын.

2 Коринфын оліссезлӧ 4:2

Рожа кулянӧдз вайӧтан керӧммесӧ мийӧ колим, гусьӧн нем огӧ керӧ. Мийӧ Енлісь Кывсӧ огӧ дзугӧ, некинӧс огӧ ылӧтлӧ. Отирыслӧ быльсӧ висьтасям Ен син одзын. Сійӧн быд морт ачыс вермас видзӧтны, кытшӧмӧсь мийӧ.

2 Коринфын оліссезлӧ 7:2

Осьтӧ миянлӧ сьӧлӧммезнытӧ. Мийӧ некинлісь сьӧлӧмсӧ эгӧ дзугыльтӧ, некинлӧ эгӧ керӧ умӧльсӧ, некинсянь эгӧ кошшӧ мыйкӧ босьтны.

Галатияын оліссезлӧ 1:20

Висьтала тіянлӧ Ен одзын: мый гижа, сія быдӧс вӧлі, ог бӧбӧт.

1 Фессалоникаын оліссезлӧ 2:10

Тійӧ асьныт тӧдат, да и Еныс тӧдӧ, кытшӧмӧсь мийӧ вӧлім тіян дынын. Быдӧс керим сӧстӧм сьӧлӧмсянь да веськыта. Миян йылісь умӧльсӧ некин нем оз вермы висьтавны.

1 Тимофейлӧ 3:3

оз кодав, оз тышкась, отиркӧт бура лӧсялӧ, оз горшав, рам сьӧлӧма, оз етшась, сьӧм понда оз пукты ловсӧ.

1 Тимофейлӧ 3:8

Сідз и вичкуын отсасиссэзнас колӧ бӧрйыны сэтшӧм отирӧс, кӧдна озӧ ылӧтлӧ, баитӧны веськыта, озӧ юӧ, озӧ горшалӧ.

Титлӧ 1:7

Вичкуын веськӧтлісь ─ Енлӧн уджалісь. Сідзкӧ, колӧ, медбы сы йылісь некин эз вермы висьтавны ӧтік умӧль керӧм. Сылӧ колӧ лоны сэтшӧмӧн: абу асныра, оз лӧгав, оз кодав, оз тышкась, оз горшась.

1 Петра 5:2

видзӧтӧ тіян киӧ сетӧм Енлӧн отир сьӧрын, кыдз баля видзӧтісь видзӧтӧ баля чукӧрыс сьӧрын. Эд тӧждісьӧ ны понда дзир тшӧктӧмсянь, ась сія Ен сьӧрті керӧмыс петӧ ассяняныт. Эд лӧсьӧтчӧ сэтісь мыйкӧ аслыныт босьтны, быдӧс керӧ радейтан сьӧлӧмсянь.

2 Петра 2:18

Нія вышитчӧмӧн абутӧмсӧ баитӧны. Сідз нія ызйӧтӧны ковтӧмсӧ керны да лэдзчисьӧмӧн овны нійӧ, кӧдна неважын янсӧтчисӧ ылалӧммез дынісь.

2 Петра 2:3

Горшасьӧмныс кузя басӧка баитӧмнаныс пондасӧ бӧбӧтлыны тіянлісь, мый нылӧ колӧ. Енлӧн судыс важын ни лӧсьӧтӧм мыжйыны нійӧ. Нылӧн изводасьӧмныс оз сунась.

Иуда 1:11

Ӧддьӧн умӧль нылӧ лоас! Нія мунӧны Каиныс сьӧрӧ. Сьӧмыс кузя нія ылалісӧ Валаамыс моз. Корейыс моз асныралӧмныс кузя асьнысӧ вийсьӧмӧдз вайӧтӧны.