1 Фессалоникаын оліссезлӧ 1:6 - Бур Юӧр 2019

⁶ Уна шогсьӧм-мырсьӧм коста тійӧ гажӧн босьтіт Енлісь Кывсӧ. Сія гажыс Вежа Ловсянь. Сысянь тійӧ пондіт керны миян моз да Дӧсвидзисьыс моз.

1 Фессалоникаын оліссезлӧ 1:6 Mawu Ofanana

Матвей 16:24

Исусыс висьталіс велӧтчиссеслӧ: «Кин мӧдӧ мунны Ме сьӧрӧ, ась вунӧтӧ асьсӧ, босьтӧ ассис крестсӧ да мунӧ Ме бӧрсянь.

Иоан 8:12

Сыбӧрын Исусыс бӧра баитіс отирыскӧт. Сія нылӧ висьталіс: «Ме ─ отирлӧ югытыс. Ме сьӧрӧ мунісьыс оз понды ветлӧтны пемытын, сылӧн лоас олан сетісь югытыс».

Ап. керӧммез 13:52

А Антиокияас велӧтчиссес тырисӧ Вежа Лолӧн да ёна гажмисӧ.

Ап. керӧммез 5:41

Судитанінсис мунтӧн апостоллэс гажмисӧ. Нійӧ эд вартлісӧ-умӧльтісӧ Дӧсвидзись Исус ним понда. Сідзкӧ, нія Еныслӧ туяна отир.

Ап. керӧммез 9:31

Иудея, Самария да Галилея муэз пасьта вичкуэзлӧн вӧлі лӧнь кад. Нія олісӧ Дӧсвидзисьсис полӧмӧн да вынсялісӧ. Вежа Лов ӧзйӧтӧмсянь вичкуэс содісӧ-паськалісӧ.

Римын оліссезлӧ 15:13

Надея сетісь Еныс ась тыртас тіянӧс веритӧмныт пыр быдкодь гажнас да лӧньнас. Вежа Лолыс вынӧн Сія ась вынсьӧтӧ тіянлісь надейтчӧмнытӧ.

1 Коринфын оліссезлӧ 11:1

Ме кера Кристосыс моз, а тійӧ керӧ ме моз.

1 Коринфын оліссезлӧ 11:2

Воннэз, ошка тіянӧс. Менчим висьталӧмӧс тійӧ видзат тӧдвыланыт. Быдӧс керат велӧтӧмыс сьӧрті.

1 Коринфын оліссезлӧ 4:16

Сійӧн кеймися тіянлӧ, керӧ ме моз. Ме эд кера Кристосыс моз.

2 Коринфын оліссезлӧ 6:10

Миянлӧ шогсӧ вайӧны, мийӧ тай пыр гажаӧсь. Миян нем абу, а миян сетӧмсянь унаӧн тай буржыка пондӧны овны. Миян нем абу, а быдӧс тай миян киын.

2 Коринфын оліссезлӧ 8:5

Нія керисӧ видзчисьӧмнымся унажык. Нія медодз сетісӧ асьнысӧ Дӧсвидзисьлӧ, а сэсся вӧлись Ен отсӧтӧн и миянлӧ.

Галатияын оліссезлӧ 5:22

А Ловлӧн воӧмыс ─ радейтӧм, гаж, лӧнь, уна мылаӧн видзсьӧм, бурсӧ керӧм, отсасьӧм, веритӧм,

Ефесын оліссезлӧ 5:1

Тійӧ Енлӧн дона челядь. Сідзкӧ, видзӧтӧ Сы вылӧ да керӧ Сы моз.

Филипын оліссезлӧ 3:17

Воннэзӧ, олӧ ме моз. Видзӧтӧ ны вылӧ, кӧдна олӧны миян моз.

2 Фессалоникаын оліссезлӧ 1:4

Сійӧн мийӧ Енлӧн вичкуэзын и ошшасям тіянӧн. Висьтасям веритӧмныт йылісь да ыджыт мылаӧн видзсьӧмныт йылісь вашӧтлӧммез да пессьӧм-мырсьӧммез коста.

2 Фессалоникаын оліссезлӧ 3:7

Тійӧ эд асьныт тӧдат: тіянлӧ колӧ овны миян моз. Тіян дынын овтӧн мийӧ эгӧ весь олӧ.

2 Фессалоникаын оліссезлӧ 3:9

Мийӧ вермим овны и мӧдмоза. А керим сідз, медбы миян вылӧ видзӧттӧн тійӧ оліт миян моз.

2 Тимофейлӧ 4:2

юӧрт Енлісь Кывсӧ, висьтась сійӧ быд кадӧ. Позьӧ я висьтасьны, оз я позь, тэ пыр висьтась. Быдӧс кер мыла быртӧг: отирсӧ туйдӧт, веськыта висьтавлы умӧль керӧмныс йылісь, ӧмав да велӧтӧмӧн вынсьӧт.

Еврейезлӧ 10:34

Тійӧ отсасит и меным пукалӧмӧ коста. Тіянлісь горттэзсиныт быдӧс пажытьсӧ нӧбӧтісӧ, тійӧ и сэк вӧліт гажаӧсь. Тійӧ эд тӧдітӧ: енӧжас тіян эм буржык пажыть, кӧда оз ӧш.

1 Петра 1:6

Сідзкӧ, гажмӧ, кӧть быдпӧлӧс сьӧкытыс кузя тіянлӧ ӧні и ковсяс невна пессьыны-мырсьыны.

1 Петра 1:8

Тійӧ Кристоссӧ эдӧ адззылӧ и ӧнӧдз одӧ адззӧ, но радейтат Сійӧ. Тійӧ Сылӧ веритат да гажӧтчат ыджытся-ыджыт гажӧн. Эта гаж йылісь висьтавны и кыввез озӧ тырмӧ.

1 Петра 3:13

Тійӧ кӧ пыр пондат кошшыны керны бурсӧ, кин сэк тіянлӧ керас умӧльсӧ?

3 Иоан 1:11

Донаӧ, эн кер лёк кериссес моз, кер бурсӧ кериссес моз. Бурсӧ керисьыс Енсянь. Умӧльсӧ керисьыс эз адззыв Енсӧ.