1 Фессалоникаын оліссезлӧ 1:2 - Бур Юӧр 2019

² Мийӧ кеймиканым пыр касьтывлам тіянӧс, буркывтам Енсӧ тіян понда.

1 Фессалоникаын оліссезлӧ 1:2 Mawu Ofanana

Римын оліссезлӧ 6:17

Ошка Енсӧ тіян понда. Ӧні эд сьӧлӧмсянь пондіт овны велӧтӧмыс сьӧрті, кӧдӧ тіянлӧ висьтасисӧ. Одзжык тійӧ вӧлітӧ умӧль керӧмыслӧн раббез.

1 Коринфын оліссезлӧ 1:4

Дугдывтӧг буркывта Ассим Енӧс Сылӧн бурсетӧм понда, кӧдӧ Сія козьналіс тіянлӧ Кристос Исус пыр.

Колосын оліссезлӧ 1:3

Ен Айнымсянь да Дӧсвидзись Кристос Исуссянь бурсетӧм да лӧнь олан тіянлӧ! Тіян понда кеймиканым пыр буркывтам Енсӧ, миян Дӧсвидзись Кристос Исуслісь Айсӧ.

1 Фессалоникаын оліссезлӧ 2:13

Енлісь Кывсӧ тійӧ кыліт миянсянь. Сійӧ Кывсӧ тійӧ эдӧ босьтӧ кыдз мортлісь, босьтіт кыдз Енлісь Кывсӧ. Сія и былись Енлӧн Кыв, кӧда керӧ ассис уджсӧ тіян сьӧлӧммезын, веритісь отирын. Эта понда мийӧ дугдывтӧг буркывтам Енсӧ.

1 Фессалоникаын оліссезлӧ 3:9

Кытшӧм кылӧн мийӧ вермам буркывтны Енсӧ тіян понда да гажным понда? Эта гажным Еныс одзын тіян кузя.

2 Фессалоникаын оліссезлӧ 1:3

Воннэзӧ, миянлӧ дугдывтӧг колӧ буркывтны Енсӧ тіян понда. Тіян веритӧмныт эд содӧ, ӧтамӧднытӧ радейтӧмныт быдӧннытлӧн вынсялӧ.

Филимонлӧ 1:4

Кеймикам пыр касьтывла тэнӧ да буркывта ассим Енӧс.