1 Фессалоникаын оліссезлӧ 1:10 - Бур Юӧр 2019

¹⁰ Тійӧ пондіт видзчисьны енӧжсянь Енлісь Исус Зонсӧ, Кӧдӧ Сія ловзьӧтіс кулӧмись. Исусыс эд миянӧс мездӧ локтан лӧгсис.

1 Фессалоникаын оліссезлӧ 1:10 Mawu Ofanana

Матвей 1:21

Марияыс ваяс зонӧс, сетан тэ Сылӧ нимсӧ Исус. Ассис отирсӧ Сія мездас умӧль керӧммезсиныс».

Матвей 16:27

Морт Зон Айыс югьялӧмӧн локтас Аслас ангеллэзкӧт, сэк быдӧнныслӧ вештас керӧмныс сьӧрті.

Матвей 16:28

Быльсӧ висьтала тіянлӧ: эстӧн сулаліссез коласын эмӧсь нія, кӧдна кувтӧдззаныс адззыласӧ Юралісьӧн локтӧм Морт Зонсӧ».

Матвей 3:7

Иоан дынӧ пыртчыны локтісӧ уна фарисейез да садукейез. Иоаныс нійӧ казяліс да шуис: «Кыйсянь шогмӧммез! Кин тіянӧс велӧтіс пышшыны локтан лӧгсис?

Лука 2:25

Сія кадӧ Ерусалимас вӧлі Симеон нима морт. Сія юрбитіс Енлӧ да оліс Сы сьӧрті веськыта. Видзчисис Сійӧ, кин бурӧтас Израильсӧ. Вежа Лолыс вӧлі Сы вылын.

Лука 3:7

Иоаныс сы дынӧ пыртчыны локтӧм отирыслӧ висьтавліс: «Кыйсянь шогмӧммез! Кин тіянӧс велӧтіс пышшыны локтан лӧгсис?

Ап. керӧммез 1:11

Нія висьталісӧ: «Галилеяись отир! Мый сулалат да видзӧтат енӧжас? Тійӧ асьныт адззыліт Исусыслісь енӧжӧ лэбтісьӧмсӧ. Сія бӧр локтас сідз жӧ».

Ап. керӧммез 17:31

Сія сувтӧтіс Судитан Лун, кӧр пондас веськыта бӧрйисьны быдӧс му вылісь отиркӧт. Судитісьӧн лоас Сылӧн сувтӧтӧм Мортыс. Сійӧ Мортсӧ быдӧнныслӧ мыччаліс, кӧр Сійӧ ловзьӧтіс».

Ап. керӧммез 2:24

Но Еныс Сійӧ ловзьӧтіс, кулан выныслісь домӧттэсӧ орлаліс. Кулан выныс эд эз вермы видзны Исуссӧ.

Ап. керӧммез 2:32

Сійӧ Исуссӧ Еныс ловзьӧтіс. И Сійӧ мийӧ быдӧнным адззылім.

Ап. керӧммез 3:15

Олан Сетісьсӧ тійӧ вийит, но Еныс Сійӧ ловзьӧтіс. Мийӧ лоӧмсӧ асьным адззылім, ӧні сы йылісь и висьтасям.

Ап. керӧммез 3:21

Еныс Сійӧ босьтіс енӧжас. Исусыс лоас сэтӧн, кытчӧдз быдӧс оз ло лӧсьӧтӧм одззамоз. Эта йылісь Еныс одззасянь ни юӧртлӧм Аслас вежа юӧртіссез пыр.

Ап. керӧммез 4:10

Быдыс тіян коласісь да Израильын быд морт ась пондӧ тӧдны лоӧмыс йылісь. Назаретісь Кристос Исуссӧ тійӧ дорит пу бердӧ, но Еныс сійӧ ловзьӧтіс. Тіян одзӧ эта мортыс сувтіс веськалӧм Исусыс нимӧн.

Римын оліссезлӧ 1:4

А Вежа Лов сьӧрті Сія ─ Енлӧн вына Зон, Кристос Исус, миян Дӧсвидзись. Эта быдӧс оссис Сылӧн ловзьӧм пыр.

Римын оліссезлӧ 2:7

Пырся олансӧ Сія сетас бурсӧ дугдывтӧг керись отирлӧ. Нія эд кошшӧны ошкӧмсӧ, бурӧ пуктӧмсӧ да пырсясӧ.

Римын оліссезлӧ 4:25

Исусыс вӧлі сетӧм вийны умӧль керӧммезным кузя. Сія ловзис, медбы мийӧ лоим Ен сьӧрті веськыта оліссезӧн.

Римын оліссезлӧ 8:34

Кин вермас нійӧ судитны? Некин оз. Кристос Исусыс куліс да ловзис. Ӧні Сія Еныскӧт веськыт ладорас кеймисьӧ миян понда.

1 Коринфын оліссезлӧ 1:7

Сідзкӧ, миян Дӧсвидзись Кристос Исуснымлісь локтӧмсӧ видзчисьтӧн тіян верман-кужан козиннэс эмӧсь тырмӧмви.

Галатияын оліссезлӧ 3:13

Туйдӧтлӧн ёрдӧмись Кристосыс миянӧс небис да мездіс. Миян туйӧ ёрдӧмсӧ Сія босьтіс Ас вылас. Вежа Гижӧтас тай висьталӧм: «Ёрдӧм быдыс, кӧда ӧшалӧ пу вылас».

Филипын оліссезлӧ 3:20

Миян оланінным енӧжас. Сэтчинсянь мийӧ и видзчисям Мездӧтісьсӧ, миянлісь Дӧсвидзись Кристос Исуссӧ.

Колосын оліссезлӧ 1:18

Сія вывтырыслӧн, вичкуыслӧн, Юрыс. Сія ─ быдӧс Пондӧтісь, кулӧмись медодзза Ловзись, медбы быдӧсын Сія вӧлі медодззаӧн.

1 Фессалоникаын оліссезлӧ 1:7

Сідз тійӧ лоит отирӧн, кӧда вылӧ Македонияись да Акаияись быдӧс веритіссес видзӧтӧны.

1 Фессалоникаын оліссезлӧ 2:16

Нія озӧ лэдзӧ миянлӧ висьтасьны мӧдік отирлӧ мездан Бур Юӧрсӧ. Сійӧн содтӧны ассиныс умӧль керӧммезнысӧ. Но Енлӧн лӧгыс нійӧ вӧтіс ни.

1 Фессалоникаын оліссезлӧ 2:7

Кыдз Кристослӧн апостоллэз мийӧ вермим локны тіян дынӧ юррезнымӧс чатыртӧмӧн. Но тіян коласын мийӧ асьнымӧс видзим небытика, ассис челядьсӧ вердісь мам моз.

1 Фессалоникаын оліссезлӧ 5:9

Еныс эз шу миян вылӧ кисьтны Ассис лӧгсӧ. Сія бӧрйис миянӧс мезмыны Дӧсвидзись Кристос Исусным пыр.

2 Тимофейлӧ 4:1

Миян Дӧсвидзись Кристос Исусным суд вылас пондас бӧрйисьны кулӧммескӧт да ловьяэскӧт. Сылісь локтӧмсӧ да Юралӧмсӧ тӧдвылам видзӧмӧн ме Кристос одзын да Ен одзын кора тэнӧ:

Титлӧ 2:13

кӧр мийӧ видзчисям шуда лунсӧ, надейтчӧмнымлісь аркмӧмсӧ ─ вына Енлісь да миян Мездӧтісь Кристос Исуслісь югьялана локтӧмсӧ.

Еврейезлӧ 10:27

Сэтшӧммеслӧ кольччӧ видзчисьны усьтӧдз повзьӧтана судсӧ да ыпьялана лёк бисӧ. Сія лӧсьӧтчӧм ни ньылыштны Еныс вылӧ лэбтісиссесӧ.

Еврейезлӧ 9:28

Сідз коліс керны и Кристосыслӧ: ӧтпыр сетны Асьсӧ езъялан козинӧн да уна отирлісь умӧль керӧммесӧ босьтны Ас вылас. Мӧдпырись Сія оз лок сӧстӧмтны отирсӧ умӧль керӧммезісь. Сія локтас мездыны Сійӧ видзчисиссесӧ.

1 Петра 1:21

Тійӧ Кристосыс пыр пондіт веритны Еныслӧ. Сія Кристоссӧ ловзьӧтіс да сетіс Сылӧ Ассис югьялӧмсӧ, медбы и тійӧ веритіт да надейтчит Еныс вылӧ.

1 Петра 1:3

Ошкам Енсӧ, миян Дӧсвидзись Кристос Исуслісь Айсӧ! Еныс Кристоссӧ ловзьӧтіс, сідз Аслас небыт сьӧлӧмсянь козьналіс миянлӧ виль олан. Сійӧн мийӧ олам Сы вылӧ надейтчӧмӧн.

1 Петра 2:21

Тійӧ корӧмӧсь сідз овны. Ачыс Кристосыс эд пессис-мырсис миян понда. Сія миянлӧ мыччаліс, кыдз миянлӧ мунны Сы туй вылӧт.

1 Петра 3:18

Ачыс Кристосыс эд миян умӧль керӧммез понда ӧтпыр пессис-мырсис, медбы миянӧс вайӧтны Еныс дынӧ. Веськыта Олісьыс сетіс ловсӧ умӧльсӧ кериссез понда. Сылісь вывтырсӧ вийисӧ, но Енлӧн Лолыс ловзьӧтіс.

2 Петра 3:12

Тійӧ видзчисят, тэрмасят адззывны Еныслісь Лунсӧ. Сія лунӧ ӧзйӧм енӧжжес разьсясӧ, и быдӧс, мый эм енӧжас, сылас биас.

2 Петра 3:14

Сідзкӧ, донаэзӧ, видзчисьӧмныт коста вынсьӧтчӧ Сы одзӧ локны сӧстӧмӧсь, медбы тіян сайын эз ло некытшӧм умӧль керӧм, а сьӧлӧм выланыт вӧлі лӧнь.

Осьтӧм 1:18

Ме ловья. Ме вӧлі кулӧм, но ӧні Ме ловья да понда пыр овны. Аминь. Адсис да кулӧмсис ключчес Менам киын.

Осьтӧм 1:7

─ То, Сія локтӧ кымӧррез вылын, быдыс казялас Сійӧ аслас синнэзӧн. Казяласӧ и Сійӧ бытшкиссес. Му вывсис быдӧс увтыррес Сы одзын бӧрдны-горзыны пондасӧ. Сідз быдӧс и лоас! Аминь.