Yobu 18:8 - Buku Lopatulika

⁸ Pakuti aponyedwa mu ukonde ndi mapazi ake, namaponda pamatanda.

Chichewa Buku Lopatulika Bible 2014

⁸ Pakuti aponyedwa m'ukonde ndi mapazi ake, namaponda pamatanda.

Buku Loyera Catholic Edition - Chichewa

⁸ Mapazi ake omwe amloŵetsa mu ukonde, ndipo wakodwa. Tsono kuti achokemo, wagweranso m'mbuna.

Mawu a Mulungu mu Chichewa Chalero

⁸ Mapazi ake amulowetsa mu ukonde ndipo akungoyendayenda mu ukondewo.

Yobu 18:8 Mawu Ofanana

Estere 3:9

Chikakomera mfumu, chilembedwe kuti aonongeke iwo; ndipo ndidzapereka matalente a siliva zikwi khumi m'manja a iwo akusunga ntchito ya mfumu, abwere nao kuwaika m'nyumba za chuma cha mfumu.

Estere 6:13

Ndipo Hamani anafotokozera Zeresi mkazi wake, ndi mabwenzi ake onse, zonse zidamgwera. Nanena naye anzeru ake, ndi Zeresi mkazi wake, Mordekai amene wayamba kutsika pamaso pake, akakhala wa mbumba ya Ayuda, sudzamgonjetsa; koma udzagwada pamaso pake.

Estere 7:10

Nampachika Hamani pa mtengo adaukonzera Mordekai. Pamenepo mkwiyo wa mfumu unatsika.

Estere 7:5

Pamenepo mfumu Ahasuwero inalankhula, niti kwa mkazi wamkulu Estere, Ndani uyu, ali kuti iyeyu wadzazidwa mtima wake kuti azitero?

Yobu 18:9

Msampha udzamgwira kuchitendeni, ndi khwekhwe lidzamkola.

Yobu 19:6

Dziwani tsopano kuti Mulungu wandikhotetsera mlandu wanga, nandizinga ndi ukonde wake.

Yobu 22:10

Chifukwa chake misampha ikuzinga. Ndi mantha akuvuta modzidzimutsa,

Yobu 5:5

Zokolola zao anjala azidya, azitenga ngakhale kuminga, ndi aludzu ameza chuma chao.

Masalimo 35:8

Chimgwere modzidzimutsa chionongeko; ndipo ukonde wake umene anautcha umkole yekha mwini, agwemo, naonongeke m'mwemo.

Masalimo 9:15

Amitundu anagwa m'mbuna imene anaikumba, lakodwa phazi lao muukonde anautchera.

Miyambo 29:6

M'kulakwa kwa woipa muli msampha; koma wolungama aimba, nakondwera.

Miyambo 5:22

Zoipa zakezake zidzagwira woipa; adzamangidwa ndi zingwe za uchimo wake.

Yesaya 24:17

Mantha ndi dzenje ndi msampha zili pa iwe, wokhala m'dziko.

Yesaya 24:18

Ndipo padzali, kuti iye amene athawa mbiri yoopsa, adzagwa m'dzenje; ndi iye amene atuluka m'kati mwa dzenje, adzakodwa mumsampha, pakuti mazenera a kuthambo atsegudwa, ndi maziko a dziko agwedezeka.

Ezekieli 32:3

Atero Ambuye Yehova, Ndidzakuponyera khoka langa mwa msonkhano wa mitundu yambiri ya anthu, nadzakuvuulira m'khoka mwanga.

1 Timoteyo 3:7

Kuyeneranso kuti iwo akunja adzakhoza kumchitira umboni wabwino; kuti ungamgwere mtonzo, ndi msampha wa mdierekezi.

1 Timoteyo 6:9

Koma iwo akufuna kukhala achuma amagwa m'chiyesero ndi m'msampha, ndi m'zilakolako zambiri zopusa ndi zopweteka, zotere zonga zimiza anthu m'chionongeko ndi chitayiko.

2 Timoteyo 2:26

ndipo akadzipulumutse kumsampha wa mdierekezi, m'mene anagwidwa naye, kuchifuniro chake.