Yeremiya 46:1 - Buku Lopatulika

¹ Mau a Yehova amene anadza kwa Yeremiya mneneri akunena za amitundu.

Chichewa Buku Lopatulika Bible 2014

¹ Mau a Yehova amene anadza kwa Yeremiya mneneri akunena za amitundu.

Buku Loyera Catholic Edition - Chichewa

¹ Chauta adauza mneneri Yeremiya mau onena za anthu a mitundu ina.

Mawu a Mulungu mu Chichewa Chalero

¹ Yehova anamupatsa Yeremiya uthenga wonena za anthu a mitundu ina.

Yeremiya 46:1 Mawu Ofanana

Genesis 10:5

Amenewo ndipo anagawa zisumbu za amitundu m'maiko mwao, onse amene monga mwa chinenedwe chao; ndi mwa mabanja ao, ndi m'mitundu yao.

Yeremiya 1:10

penyatu, lero ndakuika ulamulire mitundu ya anthu ndi maufumu, kuti uzule, upasule, uononge, ugwetse, umange, ubzale.

Yeremiya 4:7

Mkango wakwera kutuluka m'nkhalango mwake, ndipo waononga amitundu ali panjira, watuluka m'mbuto mwake kuti achititse dziko lako bwinja, kuti mizinda yako ipasuke mulibenso wokhalamo.

Yeremiya 43:11

Ndipo iye adzafika, nadzakantha dziko la Ejipito; nadzapereka kuimfa iwo a kuimfa, ndi kundende iwo a kundende, ndi kulupanga iwo a kulupanga.

Ezekieli 29:1

Chaka chakhumi, mwezi wakhumi, tsiku lakhumi ndi chiwiri la mweziwo, anandidzera mau a Yehova, akuti,

Ezekieli 30:1

Anandidzeranso mau a Yehova, akuti,

Ezekieli 31:1

Ndipo kunali chaka chakhumi ndi chimodzi, mwezi wachitatu, tsiku loyamba la mwezi, anandidzera mau a Yehova, akuti,

Ezekieli 32:1

Ndipo kunali chaka chakhumi ndi chiwiri, mwezi wakhumi ndi chiwiri, tsiku loyamba la mwezi, anandidzera mau a Yehova, akuti,

Habakuku 1:17

Kodi m'mwemo adzakhuthula mu ukonde mwake osaleka kuphabe amitundu?

Zekariya 2:8

Pakuti atero Yehova wa makamu: Utatha ulemererowo ananditumiza kwa amitundu amene anakufunkhani; pakuti iye wokhudza inu, akhudza mwana wa m'diso lake.

Numeri 23:9

Pakuti, pokhala pamwamba pa matanthwe ndimpenya, pokhala pa zitunda ndimuyang'ana; taonani, ndiwo anthu akukhala pa okha. Osadziwerengera pakati pa amitundu ena.

Aroma 3:29

Kapena Mulungu ndiye wa Ayuda okhaokha kodi? Si wao wa amitundunso kodi? Eya, wa amitundunso: