Nahumu 1:9 - Buku Lopatulika

⁹ Mulingaliranji chotsutsana ndi Yehova? Iye adzatha psiti; nsautso siidzauka kawiri.

Chichewa Buku Lopatulika Bible 2014

⁹ Mulingaliranji chotsutsana ndi Yehova? Iye adzatha psiti; nsautso siidzauka kawiri.

Buku Loyera Catholic Edition - Chichewa

⁹ Kodi mukukonzekera kumchita Chauta chiwembu chotani? Adzakuwonongani kotheratu. Sadzalira kuŵalipsira kaŵiri adani akewo.

Mawu a Mulungu mu Chichewa Chalero

⁹ Chiwembu chilichonse chimene akukonzekera kumuchitira Yehova adzachiwononga kotheratu; msautso sudzabweranso kachiwiri.

Nahumu 1:9 Mawu Ofanana

2 Samueli 20:10

Koma Amasa sanasamalire lupanga lili m'dzanja la Yowabu; chomwecho iye anamgwaza nalo m'mimba; nakhuthula matumbo ake pansi, osamgwazanso, nafa iye. Ndipo Yowabu ndi Abisai mbale wake analondola Sheba mwana wa Bikiri.

Masalimo 21:11

Pakuti anakupangirani choipa, anapangana chiwembu, osakhoza kuchichita.

Masalimo 33:10

Yehova aphwanya upo wa amitundu, asandutsa chabe zolingirira za mitundu ya anthu.

Miyambo 21:30

Kulibe nzeru ngakhale luntha ngakhale uphungu wotsutsana ndi Yehova.

Yesaya 28:22

Tsono musakhale amnyozo, kuti nsinga zanu zingalimbe; pakuti Ambuye, Yehova wa makamu, wandimvetsa za chionongeko chotsimikizidwa padziko lonse lapansi.

Yeremiya 51:64

nuti, Chomwecho adzamira Babiloni, sadzaukanso chifukwa cha choipa chimene ndidzamtengera iye; ndipo adzatopa. Mau a Yeremiya ndi omwewo.

Ezekieli 21:5

ndi anthu onse adzadziwa kuti Ine Yehova ndasolola lupanga langa m'chimake, silidzabwereranso.

Ezekieli 7:5

Atero Yehova Mulungu, Choipa, choipa cha pa chokha, taona chilinkudza.

Hoseya 7:15

Chinkana ndawalangiza ndi lulimbitsa manja ao, andilingiririra choipa.

Nahumu 1:11

Mwa iwe watuluka wina wolingalira choipa chotsutsana ndi Yehova, ndiye phungu wopanda pake.

2 Akorinto 10:5

ndi kugwetsa matsutsano, ndi chokwezeka chonse chimene chidzikweza pokana chidziwitso cha Mulungu, ndi kugonjetsa ganizo lonse kukumvera kwa Khristu;

1 Samueli 26:8

Ndipo Abisai anati kwa Davide, Lero Mulungu wapereka mdani wanu m'dzanja lanu; ndiloleni ndimpyoze ndi mkondo, kamodzi kokha, sindidzampyoza kawiri.

1 Samueli 3:12

Tsiku lija ndidzamchitira Eli zonse ndinaneneratu za pa banja lake, kuchiyamba ndi kuchitsiriza.