Mlaliki 8:14 - Buku Lopatulika

¹⁴ Pali chinthu chachabe chimachitidwa pansi pano; chakuti alipo olungama amene aona zomwe ziyenera ntchito za oipa, ndipo alipo oipa amene aona zomwe ziyenera ntchito za olungama. Ndinati, Ichinso ndi chabe.

Chichewa Buku Lopatulika Bible 2014

¹⁴ Pali chinthu chachabe chimachitidwa pansi pano; chakuti alipo olungama amene aona zomwe ziyenera ntchito za oipa, ndipo alipo oipa amene aona zomwe ziyenera ntchito za olungama. Ndinati, Ichinso ndi chabe.

Buku Loyera Catholic Edition - Chichewa

¹⁴ Pali chinthu china chachabechabe chimene chimachitika pansi pano. Chinthucho ndi ichi: mwina anthu abwino amalangidwa ngati ochita zoipa, pamene oipa amalandira zabwino ngati kuti ndi anthu abwino. Ndikuti zimenezinso nzachabechabe.

Mawu a Mulungu mu Chichewa Chalero

¹⁴ Palinso chinthu china chopanda phindu chomwe chimachitika pa dziko lapansi: anthu olungama amalangidwa ngati anthu osalungama. Pamene oyipa amalandira zabwino ngati kuti ndi anthu abwino.

Mlaliki 8:14 Mawu Ofanana

Yobu 1:22

Mwa ichi chonse Yobu sanachimwe, kapena kunenera Mulungu cholakwa.

Yobu 21:7

Oipa akhaliranji ndi moyo, nakalamba, nalemera kwakukulu?

Yobu 27:12

Taonani, inu nonse munachiona; ndipo mugwidwa nazo zopanda pake chifukwa ninji?

Masalimo 73:3

Pakuti ndinachitira nsanje odzitamandira, pakuona mtendere wa oipa.

Mlaliki 10:5

Pali choipa ndachiona pansi pano, ngati kulakwa koyambira ndi mkulu;

Mlaliki 2:14

Wanzeru maso ake ali m'mutu wake, koma chitsiru chiyenda mumdima; ndipo nanenso ndinazindikira kuti chomwe chiwagwera onsewo ndi chimodzi.

Mlaliki 4:4

Ndiponso ndinapenyera mavuto onse ndi ntchito zonse zompindulira bwino, kuti chifukwa cha zimenezi anansi ake achitira munthu nsanje. Ichinso ndi chabe ndi kungosautsa mtima.

Mlaliki 4:8

Pali mmodzi palibe wachiwiri; inde, alibe mwana ngakhale mbale; koma ntchito yake yonse ilibe chitsiriziro, ngakhale diso lake silikhuta chuma. Samati, Ndigwira ntchito ndi kumana moyo wanga zabwino chifukwa cha yani? Ichinso ndi chabe, inde, vuto lalikulu.

Mlaliki 7:15

Ndaona zonsezi masiku anga achabe; pali wolungama angofa m'chilungamo chake, ndipo pali woipa angokhalabe ndi moyo m'kuipa kwake.

Yeremiya 12:1

Wolungama ndinu, Yehova, pamene nditsutsana nanu mlandu; pokhapo ndinenane nanu za maweruzo; chifukwa chanji ipindula njira ya oipa? Chifukwa chanji akhala bwino onyengetsa?

Malaki 3:15

Ndipo tsopano tiwatcha odzikuza odala, inde iwo ochita zoipa amangidwa ngati nyumba; inde, ayesa Mulungu, napulumuka.