Mateyu 24:35 - Buku Lopatulika

³⁵ Thambo ndi dziko lapansi zidzachoka, koma mau anga sadzachoka ai.

Chichewa Buku Lopatulika Bible 2014

³⁵ Thambo ndi dziko lapansi zidzachoka, koma mau anga sadzachoka ai.

Buku Loyera Catholic Edition - Chichewa

³⁵ Thambo ndi dziko lapansi zidzatha, koma mau anga sadzatha mphamvu konse.”

Mawu a Mulungu mu Chichewa Chalero

³⁵ Kumwamba ndi dziko lapansi zidzatha, koma mawu anga sadzatha.”

Mateyu 24:35 Mawu Ofanana

Masalimo 102:26

Zidzatha izi, koma Inu mukhala: Inde, zidzatha zonse ngati chovala; mudzazisintha ngati malaya, ndipo zidzasinthika:

Masalimo 119:89

Mau anu aikika kumwamba, kosatha, Yehova.

Masalimo 19:7

Malamulo a Yehova ali angwiro, akubwezera moyo; mboni za Yehova zili zokhazikika, zakuwapatsa opusa nzeru.

Masalimo 89:34

Sindidzaipsa chipangano changa, kapena kusintha mau otuluka m'milomo yanga.

Miyambo 30:5

Mau onse a Mulungu ali oyengeka; ndiye chikopa cha iwo amene amkhulupirira.

Yesaya 34:4

Ndipo makamu onse a kumwamba adzasungunuka, ndi miyamba idzapindika pamodzi ngati mpukutu; makamu ao onse adzafota monga tsamba limafota pampesa ndi kugwa, ndi monga tsamba lifota pamkuyu.

Yesaya 40:8

Udzu unyala, duwa lifota, koma mau a Mulungu wathu adzakhala nthawi zachikhalire.

Yesaya 51:6

Tukulani maso anu kumwamba, ndipo muyang'ane pansi padziko pakuti kumwamba kudzachoka ngati utsi, ndi dziko lidzatha ngati chofunda, ndipo iwo amene akhala m'menemo adzafa ngati njenjete; koma chipulumutso changa chidzakhala kunthawi zonse, ndi chilungamo changa sichidzachotsedwa.

Yesaya 54:10

Pakuti mapiri adzachoka, ndi zitunda zidzasunthika; koma kukoma mtima kwanga sikudzakuchokera iwe, kapena kusunthika chipangano changa cha mtendere, ati Yehova amene wakuchitira iwe chifundo.

Yesaya 55:11

momwemo adzakhala mau anga amene atuluka m'kamwa mwanga, sadzabwerera kwa Ine chabe, koma adzachita chimene ndifuna, ndipo adzakula m'mene ndinawatumizira.

Danieli 4:28

Chonsechi chinagwera mfumu Nebukadinezara.

Numeri 23:19

Mulungu sindiye munthu, kuti aname; kapena mwana wa munthu, kuti aleke; kodi anena, osachita?

Mateyu 5:18

Pakuti indetu ndinena kwa inu, Kufikira litapitirira thambo ndi dziko, kalemba kakang'ono kamodzi kapena kansonga kake kamodzi sikadzachokera kuchilamulo, kufikira zitachitidwa zonse.

Marko 13:31

Thambo ndi dziko lapansi zidzapita; koma mau anga sadzapita.

Luka 21:33

Thambo ndi dziko lapansi zidzapita; koma mau anga sadzapita.

Tito 1:2

m'chiyembekezo cha moyo wosatha, umene Mulungu, wosanamayo, analonjeza zisanayambe nthawi zosayamba;

1 Petro 1:25

koma Mau a Ambuye akhala chikhalire. Ndipo mau olalikidwa kwa inu ndi awo.

Chivumbulutso 20:11

Ndipo ndinaona, mpando wachifumu waukulu woyera, ndi Iye wakukhalapo, amene dziko ndi m'mwamba zinathawa pamaso pake, ndipo sanapezedwe malo ao.

Chivumbulutso 3:14

Ndipo kwa mngelo wa Mpingo wa ku Laodikea lemba: Izi anena Ameni'yo, mboni yokhulupirika ndi yoona, woyamba wa chilengo cha Mulungu:

Chivumbulutso 6:14

Ndipo kumwamba kudachoka monga ngati mpukutu wopindidwa; ndi mapiri onse ndi zisumbu zonse zinatunsidwa kuchoka m'malo mwao.