Masalimo 94:14 - Buku Lopatulika

¹⁴ Pakuti Yehova sadzasiya anthu ake, ndipo sadzataya cholowa chake.

Chichewa Buku Lopatulika Bible 2014

¹⁴ Pakuti Yehova sadzasiya anthu ake, ndipo sadzataya cholandira chake.

Buku Loyera Catholic Edition - Chichewa

¹⁴ Chauta sadzaŵataya anthu ake, sadzaŵasiya okha osankhidwa ake.

Mawu a Mulungu mu Chichewa Chalero

¹⁴ Pakuti Yehova sadzawakana anthu ake; Iye sadzasiya cholowa chake.

Masalimo 94:14 Mawu Ofanana

Masalimo 34:12

Munthu wokhumba moyo ndani, wokonda masiku, kuti aone zabwino?

Masalimo 37:28

Pakuti Yehova akonda chiweruzo, ndipo sataya okondedwa ake. Asungika kosatha, koma adzadula mbumba za oipa.

Masalimo 74:2

Kumbukirani msonkhano wanu, umene munaugula kale, umene munauombola ukhale fuko la cholowa chanu; Phiri la Ziyoni limene mukhalamo.

Masalimo 94:5

Aphwanya anthu anu, Yehova, nazunza cholowa chanu.

Yesaya 41:17

Wosauka ndi wosowa afuna madzi, ndipo palibe, ndi lilime lao lilephera, chifukwa cha ludzu; Ine Yehova ndidzawayankha, Ine Mulungu wa Israele sindidzawasiya.

Yeremiya 10:16

Gawo la Yakobo silifanana ndi iwo; pakuti Iye ndiye analenga zonse; Israele ndiye mtundu wa cholowa chake; dzina lake ndi Yehova wa makamu.

Levitiko 26:44

Ndiponso pali ichinso: pokhala iwo m'dziko la adani ao sindidzawakaniza, kapena kunyansidwa nao, kuwaononga konse, ndi kuthyola pangano langa ndinapangana nao; popeza Ine ndine Yehova Mulungu wao.

Aroma 8:30

ndipo amene Iye anawalamuliratu, iwo anawaitananso; ndimo iwo amene Iye anawaitana, iwowa anawayesanso olungama; ndi iwo amene Iye anawayesa olungama, iwowa anawapatsanso ulemerero.

Aefeso 1:18

ndiko kunena kuti maso a mitima yanu awalitsike, kuti mukadziwe inu chiyembekezo cha kuitana kwake nchiyani; chiyaninso chuma cha ulemerero wa cholowa chake mwa oyera mtima,

Deuteronomo 31:6

Khalani amphamvu, limbikani mitima, musamachita mantha, kapena kuopsedwa chifukwa cha iwowa; popeza Yehova Mulungu wanu ndiye amene amuka nanu; Iye sadzakusowani, kapena kukusiyani.

Deuteronomo 31:8

Ndipo Yehova, Iye ndiye amene akutsogolera; Iye adzakhala ndi iwe, Iye sadzakusowa kapena kukusiya; usamachita mantha, usamatenga nkhawa.

Deuteronomo 32:9

Pakuti gawo la Yehova ndilo anthu ake; Yakobo ndiye muyeso wa cholowa chake.

Ahebri 13:5

Mtima wanu ukhale wosakonda chuma; zimene muli nazo zikukwanireni; pakuti Iye anati, Sindidzakusiya konse, kungakhale kukutaya, sindidzakutaya ndithu.

1 Samueli 12:22

Pakuti Yehova sadzasiya anthu ake chifukwa cha dzina lake lalikulu; pakuti kudamkomera Yehova kukuyesani inu anthu a Iye yekha.