Masalimo 90:13 - Buku Lopatulika

¹³ Bwerani, Yehova; kufikira liti? Ndipo alekeni atumiki anu.

Chichewa Buku Lopatulika Bible 2014

¹³ Bwerani, Yehova; kufikira liti? Ndipo alekeni atumiki anu.

Buku Loyera Catholic Edition - Chichewa

¹³ Lezani mtima, Inu Chauta. Nanga mudzatikwiyira mpaka liti? Achitireni chifundo atumiki anu.

Mawu a Mulungu mu Chichewa Chalero

¹³ Lezani mtima Inu Yehova! Kodi mudzatikwiyira mpaka liti? Achitireni chifundo atumiki anu.

Masalimo 90:13 Mawu Ofanana

Masalimo 106:45

Ndipo anawakumbukira chipangano chake, naleza monga mwa kuchuluka kwa chifundo chake.

Masalimo 135:14

Pakuti Yehova adzaweruza anthu ake, koma adzaleka atumiki ake.

Masalimo 6:5

Pakuti muimfa m'mosakumbukira Inu; m'mandamo adzakuyamikani ndani?

Masalimo 74:10

Wotsutsanayo adzatonza kufikira liti, Mulungu? Kodi mdani adzanyoza dzina lanu nthawi yonse?

Masalimo 80:14

Bwererani, tikupemphani, Mulungu wa makamu; suzumirani muli m'mwamba, nimupenye, ndi kuzonda mpesa uwu,

Masalimo 80:15

ndi tsinde limene dzanja lanu lamanja linaoka, ndi mphanda munadzilimbikitsira.

Masalimo 89:46

Mudzabisala kosatha kufikira liti, Yehova; ndi kuzaza kwanu kudzatentha ngati moto kufikira liti?

Eksodo 32:12

Akaneneranji Aejipito, ndi kuti, Anawatulutsa ndi cholinga choipa, kuti awaphe m'mapiri, ndi kuwatha pankhope padziko lapansi? Pepani, lekani choipacho cha pa anthu anu.

Eksodo 32:14

Ndipo Yehova analeka choipa adanenachi, kuwachitira anthu ake.

Yesaya 63:17

Yehova bwanji mwatisocheretsa kusiya njira zanu, ndi kuumitsa mitima yathu tisakuopeni? Bwerani, chifukwa cha atumiki anu, mafuko a cholowa chanu.

Yeremiya 12:15

Ndipo padzakhala kuti nditazula iwo, ndidzabwera, ndipo ndidzawachitira chisoni; ndipo ndidzabwezanso iwo, yense ku cholowa chake, ndi yense kudziko lake.

Hoseya 11:8

Ndidzakusiya bwanji, Efuremu? Ndidzakupereka bwanji, Israele? Ndidzakuyesa bwanji ngati Adima? Ndidzakuika bwanji ngati Zeboimu? Mtima wanga watembenuka m'kati mwanga, zachifundo zanga zilira zonse pamodzi.

Amosi 7:3

Ndipo Yehova anachileka. Sichidzachitika, ati Yehova.

Amosi 7:6

Ndipo Yehova anachileka. Ichi chomwe sichidzachitika, ati Ambuye Yehova.

Yona 3:9

Kaya, akatembenuka Mulungu, ndi kuleka kubwera ku mkwiyo wake waukali, kuti tisatayike.

Zekariya 1:16

Chifukwa chake atero Yehova: Ndabwera kudza ku Yerusalemu ndi zachifundo; nyumba yanga idzamangidwamo, atero Yehova wa makamu, ndipo adzayesa Yerusalemu ndi chingwe.

Numeri 10:36

Ndi pakupumula ili anati, Bwerani Yehova kwa zikwizikwi za Israele.

Deuteronomo 32:36

Popeza Yehova adzaweruza anthu ake, nadzachitira nsoni anthu ake; pakuona Iye kuti mphamvu yao yatha, wosatsala womangika kapena waufulu.