Masalimo 84:1 - Buku Lopatulika

¹ Pokhala Inu mpotikonda ndithu, Yehova wa makamu!

Chichewa Buku Lopatulika Bible 2014

¹ Pokhala Inu mpotikonda ndithu, Yehova wa makamu!

Buku Loyera Catholic Edition - Chichewa

¹ Malo amene mumakhalamo, Inu Chauta Wamphamvuzonse, ndi okoma kwambiri.

Mawu a Mulungu mu Chichewa Chalero

¹ Malo anu okhalamo ndi okomadi, Inu Yehova Wamphamvuzonse!

Masalimo 84:1 Mawu Ofanana

1 Mafumu 22:19

Ndipo anati, Chifukwa chake tamverani mau a Yehova, Ndinaona Yehova alikukhala pa mpando wake wachifumu, ndi khamu lonse lakumwamba lili chilili m'mbali mwake, ku dzanja lamanja ndi lamanzere.

Nehemiya 9:6

Inu ndinu Yehova, nokhanu; mwalenga thambo, kumwambamwamba, ndi khamu lao lonse, dziko lapansi, ndi zonse zili pomwepo, nyanja ndi zonse zili m'mwemo, ndi Inu muzisunga zamoyo zonsezi, ndi khamu lakumwamba lilambira Inu.

Masalimo 122:1

Ndinakondwera m'mene ananena nane, Tiyeni kunyumba ya Yehova.

Masalimo 132:5

kufikira nditapezera Yehova malo, chokhalamo Wamphamvuyo wa Yakobo?

Masalimo 27:4

Chinthu chimodzi ndinachipempha kwa Yehova, ndidzachilondola ichi, Kuti ndikhalitse m'nyumba ya Yehova masiku onse a moyo wanga, kupenya kukongola kwake kwa Yehova ndi kufunsitsa mu Kachisi wake.

Masalimo 36:8

Adzakhuta kwambiri ndi zonona za m'nyumba mwanu, ndipo mudzawamwetsa mu mtsinje wa zokondweretsa zanu.

Masalimo 42:1

Monga nswala ipuma wefuwefu kukhumba mitsinje; motero moyo wanga upuma wefuwefu kukhumba Inu, Mulungu.

Masalimo 43:3

Tumizirani kuunika kwanu ndi choonadi chanu zinditsogolere; zindifikitse kuphiri lanu loyera, kumene mukhala Inuko.

Masalimo 8:1

Yehova, Ambuye wathu, dzina lanu liposadi nanga padziko lonse lapansi! Inu amene munaika ulemerero wanu pa thambo la kumwamba.

Masalimo 81:1

Imbitsirani Mulungu ndiye mphamvu yathu; fuulirani kwa Mulungu wa Yakobo.