Masalimo 77:19 - Buku Lopatulika

¹⁹ Njira yanu inali m'nyanja, koyenda Inu nkumadzi aakulu, ndipo mapazi anu sanadziwike.

Chichewa Buku Lopatulika Bible 2014

¹⁹ Njira yanu inali m'nyanja, koyenda Inu nku madzi aakulu, ndipo mapazi anu sanadziwike.

Buku Loyera Catholic Edition - Chichewa

¹⁹ Inu mudadzera pa nyanja, njira yanu idadzera pa madzi akuya, komabe mapazi anu sadaoneke.

Mawu a Mulungu mu Chichewa Chalero

¹⁹ Njira yanu inadutsa pa nyanja, njira yanu inadutsa pa madzi amphamvu, ngakhale zidindo za mapazi anu sizinaoneke.

Masalimo 77:19 Mawu Ofanana

2 Samueli 22:8

Pomwepo dziko linagwedezeka ndi kunthunthumira. Maziko a dziko la kumwamba anasunthika. Nagwedezeka, chifukwa Iye anakwiya.

Nehemiya 9:11

Ndipo munagawanitsa nyanja pamaso pao, napita iwo pakati pa nyanja pouma, ndipo munaponya mozama owalondola, ngati mwala m'madzi olimba.

Yobu 23:14

Pakuti adzachita chondiikidwiratu; ndipo zambiri zotere zili ndi Iye.

Yobu 36:29

Pali munthu kodi wodziwitsa mayalidwe a mitambo, ndi kugunda kwa msasa wake?

Masalimo 104:32

amene apenyerera padziko lapansi, ndipo linjenjemera; akhudza mapiri, ndipo afuka.

Masalimo 29:10

Yehova anakhala pa chigumula, inde Yehova akhala mfumu kunthawi yonka muyaya.

Masalimo 97:2

Pomzinga pali mitambo ndi mdima; chilungamo ndi chiweruzo ndizo zolimbitsa mpando wake wachifumu.

Masalimo 97:4

Mphezi zake zinaunikira dziko lokhalamo anthu; dziko lapansi linaona nilinagwedezeka.

Eksodo 14:28

Popeza madziwo anabwerera, namiza magaleta ndi apakavalo, ndiwo nkhondo yonse ya Farao imene idalowa pambuyo pao m'nyanja; sanatsale wa iwowa ndi mmodzi yense.

Eksodo 19:18

Ndipo phiri la Sinai linafuka monsemo, popeza Yehova anatsikira m'moto pamenepo; ndi utsi wake unakwera ngati utsi wa m'ng'anjo, ndi phiri lonse linagwedezeka kwambiri.

Habakuku 3:15

Munaponda panyanja ndi akavalo anu, madzi amphamvu anaunjikana mulu.

Aroma 11:33

Ha! Kuya kwake kwa kulemera ndi kwa nzeru ndi kwa kudziwa kwake kwa Mulungu! Osasanthulikadi maweruzo ake, ndi njira zake nzosalondoleka!