Masalimo 37:18 - Buku Lopatulika

¹⁸ Yehova adziwa masiku a anthu angwiro; ndipo cholowa chao chidzakhala chosatha.

Chichewa Buku Lopatulika Bible 2014

¹⁸ Yehova adziwa masiku a anthu angwiro; ndipo chosiyira chao chidzakhala chosatha.

Buku Loyera Catholic Edition - Chichewa

¹⁸ Chauta amasamalira moyo wa anthu angwiro, ndipo choloŵa chao chidzakhalapo mpaka muyaya.

Mawu a Mulungu mu Chichewa Chalero

¹⁸ Masiku a anthu osalakwa amadziwika ndi Yehova, ndipo cholowa chawo chidzakhala mpaka muyaya.

Masalimo 37:18 Mawu Ofanana

Masalimo 1:6

Pakuti Yehova adziwa mayendedwe a olungama; koma mayendedwe a oipa adzatayika.

Masalimo 103:17

Koma chifundo cha Yehova ndicho choyambira nthawi yosayamba kufikira nthawi yosatha kwa iwo akumuopa Iye, ndi chilungamo chake kufikira kwa ana a ana;

Masalimo 16:11

Mudzandidziwitsa njira ya moyo, pankhope panu pali chimwemwe chokwanira; m'dzanja lanu lamanja muli zokondweretsa zomka muyaya.

Masalimo 21:4

Anakupemphani moyo, mwampatsa iye; mwamtalikitsira masiku kunthawi za nthawi.

Masalimo 31:15

Nyengo zanga zili m'manja mwanu, mundilanditse m'manja a adani anga, ndi kwa iwo akundilondola ine.

Masalimo 31:7

Ndidzakondwera ndi kusangalala m'chifundo chanu, pakuti mudapenya zunzo langa; ndipo mudadziwa mzimu wanga mu nsautso yanga.

Masalimo 37:13

Ambuye adzamseka, popeza apenya kuti tsiku lake likudza.

Masalimo 49:5

Ndidzaoperanji masiku oipa, pondizinga amphulupulu onditsata kuchidendene?

Masalimo 73:24

Mudzanditsogolera ndi uphungu wanu, ndipo mutatero, mudzandilandira mu ulemerero.

Miyambo 2:21

Pakuti oongoka mtima adzakhala m'dziko, angwiro nadzatsalamo.

Yesaya 60:21

Anthu ako adzakhalanso onse olungama; dzikolo lidzakhala cholowa chao kunthawi zonse, nthambi yooka Ine, ntchito ya manja anga, kuti Ine ndikuzidwe.

Mateyu 6:32

Pakuti anthu akunja azifunitsa zonse zimenezo; pakuti Atate wanu wa Kumwamba adziwa kuti musowa zonse zimenezo.

Aroma 5:21

kuti, monga uchimo unachita ufumu muimfa, chomwechonso chisomo chikachite ufumu mwa chilungamo, kufikira moyo wosatha mwa Yesu Khristu Ambuye wathu.

Aroma 6:23

Pakuti mphotho yake ya uchimo ndi imfa; koma mphatso yaulere ya Mulungu ndiyo moyo wosatha wa mwa Khristu Yesu Ambuye wathu.

Deuteronomo 33:25

Nsapato zako zikhale za chitsulo ndi mkuwa; ndipo monga masiku ako momwemo mphamvu yako.

2 Timoteyo 2:19

Koma ndithu maziko a Mulungu aimika pokhazikika, ndi kukhala nacho chizindikiro ichi, Ambuye azindikira iwo amene ali ake; ndipo, Adzipatule kwa chosalungama yense wakutchula dzina la Ambuye.

1 Yohane 2:25

Ndipo ili ndi lonjezano Iye anatilonjezera ife, ndiwo moyo wosatha.