Masalimo 18:23 - Buku Lopatulika

²³ Ndipo ndinakhala wangwiro ndi Iye, ndipo ndinadzisunga wosachita choipa changa.

Chichewa Buku Lopatulika Bible 2014

²³ Ndipo ndinakhala wangwiro ndi Iye, ndipo ndinadzisunga wosachita choipa changa.

Buku Loyera Catholic Edition - Chichewa

²³ Ndinalibe mlandu pamaso pake, ndinkalewa zoipa m'moyo mwanga.

Mawu a Mulungu mu Chichewa Chalero

²³ Ndakhala moyo wosalakwa pamaso pake ndipo ndakhala ndi kupewa tchimo.

Masalimo 18:23 Mawu Ofanana

1 Mbiri 29:17

Ndidziwanso, Mulungu wanga, kuti muyesa mtima, nimukondwera nako kuongoka. Koma ine, ndi mtima wanga woongoka ndapereka zonsezi mwaufulu; ndipo tsopano ndaona mokondwera anthu anu okhala pompano, napereka kwa Inu mwaufulu.

Masalimo 11:7

Pakuti Yehova ndiye wolungama; akonda zolungama; woongoka mtima adzapenya nkhope yake.

Masalimo 119:30

Ndinasankha njira yokhulupirika; ndinaika maweruzo anu pamaso panga.

Masalimo 17:3

Mwayesera mtima wanga; mwandizonda usiku; mwandisuntha, simupeza kanthu; mwatsimikiza mtima kuti m'kamwa mwanga simudzalakwa.

Masalimo 37:27

Siyana nacho choipa, nuchite chokoma, nukhale nthawi zonse.

1 Samueli 26:23

Ndipo Yehova adzabwezera munthu yense chilungamo chake ndi chikhulupiriko chake, popeza Yehova anakuperekani lero m'dzanja langa, koma sindinalole kutukulira dzanja langa pa wodzozedwa wa Yehova.