Masalimo 144:4 - Buku Lopatulika

⁴ Munthu akunga mpweya; masiku ake akunga mthunzi wopitirira.

Chichewa Buku Lopatulika Bible 2014

⁴ Munthu akunga mpweya; masiku ake akunga mthunzi wopitirira.

Buku Loyera Catholic Edition - Chichewa

⁴ Munthu ali ngati mpweya, masiku ake ali ngati mthunzi wosakhalitsa.

Mawu a Mulungu mu Chichewa Chalero

⁴ Munthu ali ngati mpweya; masiku ake ali ngati mthunzi wosakhalitsa.

Masalimo 144:4 Mawu Ofanana

2 Samueli 14:14

Pakuti kufa tidzafa, ndipo tili ngati madzi otayika pansi amene sangathe kuwaolanso; ngakhale Mulungu sachotsa moyo, koma alingalira njira yakuti wotayikayo asakhale womtayikira Iye.

1 Mbiri 29:15

Pakuti ife ndife alendo pamaso panu, ndi ogonera, monga makolo athu onse; masiku athu a padziko akunga mthunzi, ndipo palibe kukhalitsa.

Yobu 4:19

kopambana kotani nanga iwo akukhala m'nyumba zadothi, amene kuzika kwao kuli m'fumbi, angothudzulidwa ngati njenjete.

Yobu 8:9

Pakuti ife ndife adzulo, osadziwa kanthu, popeza masiku athu a padziko lapansi ndiwo ngati mthunzi;

Masalimo 102:11

Masiku anga akunga mthunzi womka m'tali; ndipo ine ndauma ngati udzu.

Masalimo 109:23

Ndamuka ngati mthunzi womka m'tali; ndiingidwa kwina ndi kwina ngati dzombe.

Masalimo 39:11

Pamene mulanga munthu ndi zomdzudzula chifukwa cha mphulupulu, mukanganula kukongola kwake monga mumachita ndi njenjete. Indedi, munthu aliyense ali chabe.

Masalimo 62:9

Indetu, anthu achabe ndi mpweya, ndipo anthu aakulu ndi bodza, pakuwayesa apepuka; onse pamodzi apepuka koposa mpweya.

Masalimo 89:47

Kumbukirani kuti nthawi yanga njapafupi; munalengeranji ana onse a anthu kwachabe?

Mlaliki 1:14

Ndaona ntchito zonse zipangidwa kunja kuno; ndipo zonsezo ndi chabe ndi kungosautsa mtima.

Mlaliki 1:2

Zachabechabe, ati Mlaliki; zachabechabe zonse ndi chabe.

Mlaliki 12:8

Chabe zachabetu, ati Mlalikiyo; zonse ndi chabe.

Mlaliki 8:13

koma woipa sadzapeza bwino ngakhale kutanimphitsa masiku ake ngati mthunzi; chifukwa saopa pamaso pa Mulungu.