Masalimo 119:142 - Buku Lopatulika

¹⁴² Chilungamo chanu ndicho chilungamo chosatha; ndi chilamulo chanu ndicho choonadi.

Chichewa Buku Lopatulika Bible 2014

¹⁴² Chilungamo chanu ndicho chilungamo chosatha; ndi chilamulo chanu ndicho choonadi.

Buku Loyera Catholic Edition - Chichewa

¹⁴² Kulungama kwanu nkwamuyaya, ndipo malamulo anu ndi oona.

Mawu a Mulungu mu Chichewa Chalero

¹⁴² Chilungamo chanu nʼchamuyaya, ndipo malamulo anu nʼchoona.

Masalimo 119:142 Mawu Ofanana

Masalimo 119:144

Mboni zanu ndizo zolungama kosatha; mundizindikiritse izi, ndipo ndidzakhala ndi moyo.

Masalimo 119:151

Inu muli pafupi, Yehova; ndipo malamulo anu onse ndiwo choonadi.

Masalimo 119:160

Chiwerengero cha mau anu ndicho choonadi; ndi maweruzo anu olungama onse akhala kosatha.

Masalimo 19:9

Kuopa Yehova kuli mbee, kwakukhalabe nthawi zonse; maweruzo a Yehova ali oona, alungama konsekonse.

Masalimo 36:6

Chilungamo chanu chikunga mapiri a Mulungu; maweruzo anu akunga chozama chachikulu, Yehova, musunga munthu ndi nyama.

Yesaya 51:6

Tukulani maso anu kumwamba, ndipo muyang'ane pansi padziko pakuti kumwamba kudzachoka ngati utsi, ndi dziko lidzatha ngati chofunda, ndipo iwo amene akhala m'menemo adzafa ngati njenjete; koma chipulumutso changa chidzakhala kunthawi zonse, ndi chilungamo changa sichidzachotsedwa.

Yesaya 51:8

Pakuti njenjete idzawadya ngati chofunda, ndi mbozi zidzawadya ngati ubweya; koma chilungamo changa chidzakhala kunthawi zonse, ndi chipulumutso changa kumibadwo yonse.

Danieli 9:24

Masabata makumi asanu ndi awiri alamulidwira anthu a mtundu wako ndi mzinda wako wopatulika, kumaliza cholakwacho, ndi kutsiriza machimo, ndi kutetezera mphulupulu, ndi kufikitsa chilungamo chosalekeza, ndi kukhomera chizindikiro masomphenya ndi zonenera, ndi kudzoza malo opatulika kwambiri.

Yohane 17:17

Patulani iwo m'choonadi; mau anu ndi choonadi.

Aefeso 4:21

ngatitu mudamva Iye, ndipo munaphunzitsidwa mwa Iye, monga choonadi chili mwa Yesu;