Maliro 5:7 - Buku Lopatulika

⁷ Atate athu anachimwa, kulibe iwo; ndipo tanyamula mphulupulu zao.

Chichewa Buku Lopatulika Bible 2014

⁷ Atate athu anachimwa, kulibe iwo; ndipo tanyamula mphulupulu zao.

Buku Loyera Catholic Edition - Chichewa

⁷ Makolo athu adachimwa, ndipo adatha. Ndiye ife tatengana nacho chilango chifukwa cha machimo ao.

Mawu a Mulungu mu Chichewa Chalero

⁷ Makolo athu anachimwa ndipo anafa kale, koma chilango chawo chili pa ife.

Maliro 5:7 Mawu Ofanana

Genesis 42:13

Nati iwo, Akapolo anu ndife abale khumi, ana aamuna a munthu mmodzi m'dziko la Kanani; ndipo, taonani, wamng'ono ali ndi atate wathu lero; ndipo palibe mmodzi.

Genesis 42:36

Ndipo Yakobo atate wao anati kwa iwo, Munandilanda ine ana; Yosefe palibe, Simeoni palibe, ndipo mudzachotsa Benjamini: zonse zimene zandigwera.

Yobu 7:21

Mulekeranji kukhululukira kulakwa kwanga ndi kundichotsera mphulupulu yanga? Popeza tsopano ndidzagona kufumbi; mudzandifunafuna, koma ine palibe.

Yobu 7:8

Diso la amene andiona silidzandionanso, maso ako adzandipenyetsetsa, koma ine palibe.

Eksodo 20:5

Usazipembedzere izo, usazitumikire izo; chifukwa Ine Yehova Mulungu wako ndili Mulungu wansanje, wakulanga ana chifukwa cha atate ao, kufikira mbadwo wachitatu ndi wachinai wa iwo amene akudana ndi Ine;

Yeremiya 14:20

Tivomereza, Yehova, chisalungamo chathu, ndi choipa cha makolo athu; pakuti takuchimwirani Inu.

Yeremiya 16:11

Pamenepo uziti kwa iwo, Chifukwa makolo anu anandisiya Ine, ati Yehova, natsata milungu ina, naitumikira, naigwadira, nandisiya Ine, osasunga chilamulo changa;

Yeremiya 16:12

ndipo mwachita zoipa zopambana makolo anu; pakuti, taonani, muyenda yense potsata kuumirira kwa mtima wake woipa, kuti musandimvere Ine;

Yeremiya 31:15

Atero Yehova: Mau a amveka mu Rama, maliro ndi kulira kwakuwawa, Rakele alinkulirira ana ake; akana kutonthozedwa mtima pa ana ake, chifukwa palibe iwo.

Yeremiya 31:29

Masiku omwewo sadzanenanso, Atate adya mphesa zowawa, ndi mano a ana ayayamira.

Ezekieli 16:58

Wasenza choipa chako ndi zonyansa zako, ati Yehova.

Ezekieli 18:2

Mutani inu ndi kunena mwambi uwu za dziko la Israele, wakuti, Atate adadya mphesa zosacha, ndi mano a ana ayayamira.

Zekariya 1:5

Makolo anu, ali kuti iwowo? Ndi aneneri, akhala ndi moyo kosatha kodi?

Numeri 14:18

Yehova ndiye wolekereza, ndi wa chifundo chochuluka, wokhululukira mphulupulu ndi kulakwa, koma wosamasula wopalamula; wakuwalanga ana chifukwa cha mphulupulu ya atate ao, kufikira mbadwo wachitatu ndi wachinai.