Luka 23:49 - Buku Lopatulika

⁴⁹ Ndipo omdziwa Iye onse, ndi akazi amene adamtsata kuchokera ku Galileya, anaima kutali, naona zinthu izi.

Chichewa Buku Lopatulika Bible 2014

⁴⁹ Ndipo omdziwa Iye onse, ndi akazi amene adamtsata kuchokera ku Galileya, anaima kutali, naona zinthu izi.

Buku Loyera Catholic Edition - Chichewa

⁴⁹ Anthu onse amene ankadziŵana ndi Yesu, ndiponso azimai amene adaamtsatira kuchokera ku Galileya, adaima patali nkumaona zimenezi.

Mawu a Mulungu mu Chichewa Chalero

⁴⁹ Koma onse amene anamudziwa Iye, kuphatikiza amayi amene anamutsatira kuchokera ku Galileya, anayimirira akuona zinthu izi.

Luka 23:49 Mawu Ofanana

Yobu 19:13

Iye anandichotsera abale anga kutali, ndi odziwana nane andiyesa mlendo konse.

Masalimo 142:4

Penyani kudzanja lamanja ndipo muone; palibe wondidziwa; pothawirapo pandisowa; palibe mmodzi wosamalira moyo wanga.

Masalimo 38:11

Ondikonda ndi anzanga apewa mliri wanga; ndipo anansi anga aima patali.

Masalimo 88:18

Munandichotsera kutali wondikonda ndi bwenzi langa, odziwana nane akhala kumdima.

Mateyu 27:61

Ndipo Maria wa Magadala anali pamenepo, ndi Maria winayo, anakhala pansi popenyana ndi mandawo.

Marko 15:47

Ndipo Maria wa Magadala ndi Maria amake wa Yosefe anapenya pomwe anaikidwapo.

Luka 23:27

Ndipo unamtsata unyinji waukulu wa anthu, ndi wa akazi amene anadziguguda pachifuwa, namlirira Iye.

Luka 23:55

Ndipo akazi, amene anachokera naye ku Galileya, anatsata m'mbuyo, naona manda, ndi maikidwe a mtembo wake.

Luka 8:2

ndi akazi ena amene anachiritsidwa ziwanda ndi nthenda zao, ndiwo, Maria wonenedwa Magadala, amene ziwanda zisanu ndi ziwiri zinatuluka mwa iye,