Levitiko 7:26 - Buku Lopatulika

²⁶ Ndipo musamadya mwazi uliwonse, kapena wa mbalame, kapena wa nyama, m'nyumba zanu zonse.

Chichewa Buku Lopatulika Bible 2014

²⁶ Ndipo musamadya mwazi uliwonse, kapena wa mbalame, kapena wa nyama, m'nyumba zanu zonse.

Buku Loyera Catholic Edition - Chichewa

²⁶ Ndiponso kulikonse kumene akakhale, asadye magazi aliwonse, ambalame kapena anyama.

Mawu a Mulungu mu Chichewa Chalero

²⁶ Ndipo kulikonse kumene mukakhale musakadye magazi a mbalame iliyonse kapena magazi a nyama iliyonse.

Levitiko 7:26 Mawu Ofanana

Genesis 9:4

Koma nyama, m'mene muli moyo wake, ndiwo mwazi wake, musadye.

Eksodo 22:30

Uzitero nazo ng'ombe zako, ndi nkhosa zako; masiku asanu ndi atatu akhale ndi amai wake; tsiku lachisanu ndi chitatu uzimpereka kwa Ine.

Ezekieli 33:25

Chifukwa chake unene nao, Atero Ambuye Yehova, Mumadyera kumodzi ndi mwazi, mumakwezera maso anu kumafano anu, ndi kukhetsa mwazi; ndipo kodi mudzakhala nalo dziko cholowa chanu?

Levitiko 19:26

Musamadya kanthu ndi mwazi wake; musamachita nyanga, kapena kuombeza ula.

Levitiko 3:17

Likhale lemba losatha m'mibadwo yanu m'nyumba zanu zonse, musamadya kapena mafuta kapena mwazi.

Levitiko 7:25

Pakuti aliyense akadya mafuta a nyama imene amabwera nayo ikhale nsembe yamoto ya kwa Yehova, munthu amene akadya awa achotsedwe kwa anthu a mtundu wake.

Levitiko 7:27

Aliyense akadya mwazi uliwonse, munthuyo achotsedwe kwa anthu a mtundu wake.

Yohane 6:53

Chifukwa chake Yesu anati kwa iwo, Indetu, indetu, ndinena ndi inu, Ngati simukudya thupi la Mwana wa Munthu ndi kumwa mwazi wake, mulibe moyo mwa inu nokha.

Machitidwe a Atumwi 15:20

koma kuti tilembere kwa iwo, kuti asale zonyansa za mafano, ndi dama, ndi zopotola, ndi mwazi.

Machitidwe a Atumwi 15:29

kuti musale nsembe za mafano, ndi mwazi, ndi zopotola, ndi dama; ngati mudzisungitsa pa zimenezi, kudzakhala bwino kwa inu. Tsalani bwino.

Aefeso 1:7

Tili ndi maomboledwe mwa mwazi wake, chikhululukiro cha zochimwa, monga mwa kulemera kwa chisomo chake,

Deuteronomo 12:16

Mwazi wao wokha musamadya; muziuthira panthaka ngati madzi.

Deuteronomo 12:23

Koma mulimbikepo ndi kusadya mwaziwo; popeza mwazi ndiwo moyo, nimusamadya moyo pamodzi ndi nyama yake.

Deuteronomo 15:23

Mwazi wake wokha musamadya; muuthire pansi ngati madzi.

1 Timoteyo 4:4

Pakuti cholengedwa chonse cha Mulungu nchabwino, ndipo palibe kanthu kayenera kutayika, ngati kalandiridwa ndi chiyamiko;