Levitiko 11:13 - Buku Lopatulika

¹³ Ndipo mwa mbalame muziziyesa zonyansa izi; simuyenera kuzidya, zonyansa ndi izi: mphungu, ndi nkhwazi, ndi chikambi;

Chichewa Buku Lopatulika Bible 2014

¹³ Ndipo mwa mbalame muziziyesa zonyansa izi; siziyenera kuzidya, zonyansa ndi izi: mphungu, ndi nkhwazi, ndi chikambi;

Buku Loyera Catholic Edition - Chichewa

¹³ “Ndipo mbalame zimene muyenera kuziyesa zonyansa, zoti simuyenera kudya, popeza kuti nzonyansa kwa inu, ndi izi: mphungu, nkhwazi, ndi muimba,

Mawu a Mulungu mu Chichewa Chalero

¹³ “ ‘Mbalame zimene simukuyenera kudya chifukwa ndi zodetsedwa ndi izi: mphungu, nkhwazi, mwimba,

Levitiko 11:13 Mawu Ofanana

Yobu 28:7

Njira imeneyi palibe chiombankhanga chiidziwa; lingakhale diso la kabawi losapenyapo.

Yobu 38:41

Amkonzeratu khwangwala chakudya chake ndani, pamenepo ana ake afuulira kwa Mulungu, naulukauluka osowa chakudya?

Yeremiya 4:13

Taonani, adzadza ngati mitambo, ndi magaleta ake ngati kamvulumvulu; akavalo ake athamanga kopambana mphungu. Tsoka ife! Pakuti tapasuka.

Yeremiya 4:22

Pakuti anthu anga apusa, sandidziwa Ine; ali ana opulukira sazindikira; ali ochenjera kuchita choipa koma kuchita chabwino sakudziwa.

Yeremiya 48:40

Pakuti Yehova atero: Taonani, adzauluka ngati chiombankhanga, adzamtambasulira Mowabu mapiko ake.

Maliro 4:19

Otilondola anaposa ziombankhanga za m'mlengalenga m'liwiro lao, anatithamangitsa pamapiri natilalira m'chipululu.

Hoseya 8:1

Lipenga kukamwa kwako. Akudza ngati chiombankhanga, kulimbana ndi nyumba ya Yehova; chifukwa analakwira chipangano changa, napikisana nacho chilamulo changa.

Levitiko 11:11

inde muziyese zonyansa; musamadya nyama zao; mitembo yao zikunyansireni.

Levitiko 11:12

Zilizonse zopanda zipsepse kapena mamba m'madzimo muziyese zonyansa.

Levitiko 11:14

ndi muimba, ndi mphamba mwa mtundu wake;

Habakuku 1:8

Akavalo ao aposa anyalugwe liwiro lao, aposa mimbulu ya madzulo ukali wao, ndipo apakavalo ao atanda; inde apakavalo ao afumira kutali; auluka ngati chiombankhanga chofulumira kudya.

Zekariya 5:9

Pamenepo ndinakweza maso anga, ndinapenya, ndipo taonani, anatuluka akazi awiri, ndi m'mapiko mwao munali mphepo; ndipo anali nao mapiko ngati mapiko a chumba, nanyamula efayo pakati padziko ndi thambo.

Mateyu 24:28

Kumene kulikonse kuli mtembo, miimba idzasonkhanira konko.

Tito 3:3

Pakuti kale ifenso tinali opusa, osamvera, onyengeka, akuchitira ukapolo zilakolako ndi zokondweretsa za mitundumitundu, okhala m'dumbo ndi njiru, odanidwa, odana wina ndi mnzake.